Ramanath kovind

ಇನಿ ಬಯ್ಯಗ್ ರಾಷ್ಟ್ರಪತಿ ನಗರಗ್ ಬರ್ರೆ: ಅಂಜಲ್ ಫ್ರೈ, ನೀರ್ ದೋಸೆ ಅಂಚನೆ ತುಳುನಾಡುದ ವನಸುದ ಮೆನು ತಯಾರ್ ಆತುಂಡ್

ಕುಡ್ಲ, ಅ.7: ರಡ್ಡ್ ದಿನತ್ತ ಭೇಟಿಗ್ ಕುಡ್ಲಗ್ ಬರ್ರೆ ಉಪ್ಪುನ ರಾಷ್ಟ್ರಪತಿಲೆಗ್ ಅಂಚನೆ ಆರೆನ ಬೊಡೆದಿ ಮಗಲೆಗ್ ತರ್ಕಾರಿ ಬೊಕ್ಕ ಮಾಸದ ವನಸ್ ನ್ ತಯಾರ್ ಮಲ್ತುದೆರ್. ಎಡ್ಡೆ ರೀತಿಡ್ ವನಸ್ ನ್ ತಯಾರ್ ಮಲ್ಪರೆ ರಾಷ್ಟ್ರಪತಿ ಭವನದ ಪಾಕ ಶಾಸ್ತ್ರಜ್ಞರ್ ಬತ್ತುದೆರ್.

ಇನಿ ಕತ್ತಲೆಗ್ ರಾಷ್ಟ್ರಪತಿಲೆನ ವನಸ್ ಗ್ ಗ್ರೀನ್ ಸಲಾಡ್ ಪರ್ವಾಲ್ ಸಬ್ಜಿ, ಕರೇಲಾ ಕಾ ಭುಜಿಯಾ, ಮೂಂಗ್ ದಾಲ್ ಚಿಲ್ಕ, ಮೂರ್ ದಾಲ್ ಅಂಚನೆ ಚಪಾತಿನ್ ತಯಾರ್ ಮಲ್ತೆರ್. ಅ.8 ಗ್ ಕಾಂಡೆದ ಚಾ ಗ್ ಬಪ್ಪಂಕಾಯಿ, ಮೊಳಕೆ ಬತ್ತಿನ ಕಡ್ಲೆ, ಫ್ರೆಶ್ ಪನೀರ್, ದೂದ್‌ ವಾಲ ಧಲಿಯಾ, ಇಡ್ಲಿ, ಉತ್ತಪ್ಪಮ್, ಕೋಕೊನಟ್ ಚೆಟ್ನಿ, ಸಾಂಬಾರ್ ದ ಮೆನು ತಯಾರ್ ಆತುಂಡ್.

ರಾಷ್ಟ್ರಪತಿಲೆನ ಬೊಡೆದಿ ಅಂಚನೆ ಮಗಲೆಗ್ ತುಳುನಾಡುದ ಅಂಜಲ್ ಫಿಶ್ ತವಾ ಪ್ರೈ, ಚಿಕನ್ ಗ್ರೀನ್ ಘೀರೋಸ್ಟ್, ನೀರ್ ದೋಸೆ, ರುಮಾಲ್ ರೋಟಿ, ಕಾಂಡೆದ ಚಾ ಗ್ ಇಡ್ಲಿ ವಡೆ, ಮೂಡೆ- ದಾಲ್ತೋವೆ, ರಾಗಿಮಣ್ಣಿ, ಬೈಪಾಯಿನ ತೆತ್ತಿನ್ ತಯಾರ್ ಮಲ್ತುದುರ್.

ರಾಷ್ಟ್ರಪತಿಲ್ ನಗರದ ಸರ್ಕ್ಯೂಟ್ ಹೌಸ್ ಡ್ ಅಂಚನೆ ರಾಜ್ಯಪಾಲೆರ್ ಖಾಸಗಿ ಹೋಟೆಲ್ ಡ್ ಉಂತುನ ಸಾಧ್ಯತೆ ಇತ್ತ್ ದ್ ನಗರಡ್ ಬಿಗಿ ಬಂದೋಬಸ್ತ್ ನ್ ದೀತೆರ್.

The President of India to arrive in Mangalore this evening: Manglaloren delicacies including neer dosa and fish fry being prepared

The President along with his family will arrive on a two day visit to Mangalore.Both vegetarian and non-vegetarian recipes are being prepared by special chefs who have come down from Rastrapati Bhavan .

The menu for the President includes green salad, fresh paneer dishes, Chapati, sporuts, idly, sambar and coconut chutney.

His wife and daughter will have Tulunadu special Angal fry, neer dosa, chicken ghee roast, rumal rothi, raghi mudde ,boiled eggs and idli vadha.

He will stay at circuit house Mangalore while the governor is supposed to stay at a private hotel in town. Heavy security arrangements have been made all around the town.