#Railway Police

ಪಟ್ಟೆ ಕಡಪುನಗ ತೀರಿನ 2 ಪೊಂಜೊವುಲು

ಕುಡ್ಲ ಆ.21: ರೈಲುದ ಪಟ್ಟೆ ದಾಟೊoದ್ದಿಪುನಗ ಹಳೆ ದಾಟೊಂದಿಪ್ಪುನಗ ರೈಲು ಗುದ್ದಿನ ಪರಿಣಾಮ 2 ಜನ ಪೊಂಜೊವ್ನಕುಲು ಸೈತಿನ ಘಟನೆ ನಗರೊದ ಜೆಪ್ಪು ಮಹಾಕಾಳಿಪಡ್ಪು ಕೈತಲ್ ಬೊಳ್ಪುಗು ನಡತುಂಡು.

ವಸಂತಿ (50) ಬೊಕ್ಕ ಪ್ರೇಮಾ (48) ಸೈತಿನಕುಲು. ಬೀಡಿ ಕಾರ್ಮಿಕೆರಾಯಿನ ಅಕುಲು ಏಪೊಲ ಕುಡುಪ್ಪಾಡಿ ದೋಟ ಮುಲ್ಪರ್ದು ಮಹಾಕಾಳಿಪಡ್ಪು ಅಲ್ಪ ಇಪ್ಪುನ ಬ್ರಾಂಚ್ ಗು ರೈಲುದ ಪಟ್ಟಿನು ಕಡತುದು ಬೀಡಿ ಕೊನೊವೊಂದಿತ್ತೆರ್.

ಇನೀ ಬೊಳ್ಪುಗು 8.30 ಪೊರ್ತುಗು ರೈಲುದ ಪಟ್ಟಿನು ದಾಟೊಂದಿಪ್ಪುನಗ ಕೇರಳಡ್ದು ಕುಡ್ಲಗ್ ಬರ್ಪುನ ರೈಲುಗು ಗುದ್ದುದು ತೀರ್ದು ಪೊತೆರ್.

ರೈಲುದ ಪಟ್ಟಿನು ಕಡಪುನಗ ರೈಲು ಬರೊಂದಿಪ್ಪುನ ಅಕುಲ್ನ ಗಮನೋಗು ಬತ್ತಿಜಿ. ರೈಲ್ವೇ ಪೊಲೀಸೆರು ಜಾಗೋಗು ಬತ್ತುದು ತನಿಖೆ ಮಲ್ತುದೆರ್.