ಪುತ್ತೂರ್ ಡು ಸ್ವರ ಲಕ್ಕಾಯಿನ ಹಿಂದೂ ಜಾಗರಣ ವೇದಿಕೆದ ಗುರ್ಕಾರೆ ರಾಧಾಕೃಷ್ಣ ಅಡ್ಯಂತಾಯೆರ್
ಪುತ್ತೂರ್ ಆ .18 : ಟಿಪ್ಪು ಒರಿ ದೇಶದ್ರೋಹಿ. ಲಕ್ಷಾಂತರ ಜನನು ಮತಾಂತರ ಮಲ್ತಿನಾಯೆ. ಅಂಚಾದು ವೀರ ಸಾವರ್ಕರ್ ನೊಟ್ಟುಗು ಟಿಪ್ಪು ಸುಲ್ತಾನ್ ನು ಹೋಲಿಕೆ ಮಲ್ತುನ ಬೊಡ್ಚಿ ಪಂದು ಹಿಂದೂ ಜಾಗರಣ ವೇದಿಕೆದ ಮುಖಂಡೆ ರಾಧಾಕೃಷ್ಣ ಅಡ್ಯಂತಾಯೆರ್ ಪಂಡೆರ್.
ಪುತ್ತೂರ್ ಕಬಕೊಡು ಆಗಸ್ಟ್ ೧೫ ನೇ ದಾನೀ ಸ್ವಾತಂತ್ರ್ಯ ರಥ ಯಾತ್ರೆಡ್ ವೀರ ಸಾವರ್ಕರುನು ಅಪಮಾನ ಮಲ್ತಿನ ಪ್ರಕರಣನ್ ಖಂಡಿಸಾದ್ ಆಟ್ಟನೆ ಮಲ್ತಿನ ಹಿಂದೂ ಸಂಘಟನೆಲೆತ ಬೃಹತ್ ಪ್ರತಿಭಾಟನಾ ರ್ಯಾಲಿಡ್ ಆರ್ ಪಾತೆರಿಯೆರ್.
ಸ್ವಾತಂತ್ರ್ಯರಥೊಟ್ಟು ಸಾವರ್ಕರ್ ಚಿತ್ರ ಇಪ್ಪರ ಬಲ್ಲಿ ಪಂದು ಎಸ್ಡಿಪಿಐ ಆಕ್ಷೇಪ ಮಲ್ತುಂಡು. ಅಂಚನೇ ಟಿಪ್ಪು ಸುಲ್ತಾನ್ ನ ಚಿತ್ರೊ ಪಾಡೊಡು ಪಂಡುದು ಒತ್ತಿಯ ಮಲ್ತುದೆರ್. ಆಂಡ ಟಿಪ್ಪು ಒರಿ ಮಲ್ಲ ದೇಶದ್ರೋಹಿ. ವೀರ ಸಾವರ್ಕರ್ ನೊಟ್ಟುಗು ಟಿಪ್ಪು ಸುಲ್ತಾನ್ ನು ಹೋಲಿಕೆ ಮಲ್ಪೊಡ್ಚಿ ಪಂಡೆರ್.
ಟಿಪ್ಪು ಬಲತ್ಕಾರವಾದು ಮಸ್ತು ಜನನು ಮತಾಂತರ ಮಲ್ತಿನಾಯೆ. ಆಯೆನ ಚಿತ್ರೊನು ಸ್ವಾತಂತ್ರ್ಯ ರಥೊಕ್ಕು ಪಾಡೆರೆ ಒತ್ತಾಯ ಮಲ್ತುಂಡ ಅವ್ ಅಪರಾಧ ಆಪುಂಡು ಪಂಡುದು ಆರ್ ಪಂಡೆರ್.
ಪ್ರತಿಭಟನೆನ್ ಪುತ್ತೂರ್ ಮಹಾಲಿಂಗೇಶ್ವರ ದೇವಸ್ಥಾನರ್ದು ಕಬಕ ಜಂಕ್ಷನ್ ಮುಟ್ಟ ಮಲ್ಲ ಮಟ್ಟದ ಜಾತೋನು ಹಿಂದೂ ಸಂಘಟನೆಲ್ ಅಯೋಜಿನೆ ಮಲ್ತಿತ್ತೆರ್.