ನ.24-25 : ಪಣೋಲಿಬೈಲ್ ಶ್ರೀ ಕಲ್ಲುರ್ಟಿ ದೈವಸ್ಥಾನದ ವರ್ಷಾಧಿದ ಕೋಲ
ಬಂಟ್ವಾಳ : ಕಾರ್ನಿಕದ ಕ್ಷೇತ್ರ ಪಣೋಲಿಬೈಲ್ ಶ್ರೀ ಕಲ್ಲುರ್ಟಿ ದೈವಸ್ಥಾನಡ್ ನ.24 ಬೊಕ್ಕ 25 ತಾರೀಕ್ಗ್ ವರ್ಷಾಧಿದ ಕೋಲ ನಡಪರೆ ಉಂಡು.
ನ.24 ಸೋಮಾರ ಕಾಂಡೆ ಕೊಪ್ಪರಿಗೆ ಮೂರ್ತ, ದೀಪೋಜ್ವಲನ ಬೊಕ್ಕ ಕುಣಿತ ಭಜನೆ ಕಾರ್ಯಕ್ರಮ ನಡಪರೆ ಉಂಡು. ಬಯ್ಯಡ್ ಕಟೀಲ್ ಮೇಳರ್ದ್ “ಶ್ರೀ ದೇವಿ ಮಹಾತ್ಮೆ” ಯಕ್ಷಗಾನ ಬಯಲಾಟ, ಅನ್ನ ಸಂತರ್ಪಣೆ ನಡಪರೆ ಉಂಡು.
ನ.25 ಅಂಗಾರೆ ಕಾಂಡೆ ನವಕ ಕಲಶ ಪ್ರದಾನ, ಗಣಹೋಮ, ನಾಗ ತಂಬಿಲ, ಅನ್ನಸಂತರ್ಪಣೆ, ಮದ್ಯಾನರ್ದ್ ಬೇತೆ ಬೇತೆ ಭಜನಾ ಕೂಟದಕ್ಕೆರ್ದ್ ಭಜನಾ ಸೇವೆ, ಬಯ್ಯಡ್ ಭಜನಾ ಸಂಕೀರ್ತನೆ, ಮೆರವಣಿಗೆ ನಡಪರೆ ಉಂಡು. ರಾತ್ರೆ 7 ಗಂಟೆರ್ದ್ ಕೈತಲ್ದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ವೈವಿಧ್ಯ, ಪುತ್ತೂರು ಜಗದೀಶ್ ಆಚಾರ್ಯ ಬೊಕ್ಕ ಕೂಟದಕ್ಲೆರ್ದ್ ಸಂಗೀತ ಗಾನ ಸಂಭ್ರಮ, ಲಕುಮಿ ತಂಡದಕ್ಲೆರ್ದ್ ” ಆಂಟಿ ಬೊಕ್ಕ ಅಂಕಲ್” ತುಳು ನಾಟಕ ನಡಪರೆ ಉಂಡು. ರಾತ್ರೆ 10 ಗಂಟೆರ್ದ್ ಭಂಡಾರದಿಲ್ಲರ್ದ್ ದೈವಸ್ಥಾನೊಗು ಭಂಡಾರ ಬತ್ತ್ದ್ ರಾತ್ರೆ 12 ಗಂಟೆಗ್ ವರ್ಷಾಧಿದ ಕೋಲ ಸೇವೆ ನಡಪರೆ ಉಂಡು ಪಂದ್ ದೈವಸ್ಥಾನದ ಆಡಳಿತಾಧಿಕಾರಿ ಜಿ ಮಂಜುನಾಥ್ ಬೊಕ್ಕ ಕಾರ್ಯನಿರ್ವಹಣಾಧಿಕಾರಿ ದಿವಾಕರ ಮುಗುಳ್ಯ, ಅರ್ಚಕೆರ್, ಸಜಿಪ ಮಾಗಣೆದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.
