ಅಂತಾರಾಷ್ಟ್ರೀಯ ಮಾರುಕಟ್ಟೆಡ್ ಕಚ್ಚಾ ತೈಲದ ಬಿಲೆ ಭಾರೀ ಕಮ್ಮಿಯಾತ್ಂಡ್
ದೆಲ್ಲಿ: ಕೋವಿಡ್ ಸೋಂಕುನ್ ತಡೆಯುನ ಬಗೆಟ್ ಚೀನಾಡ್ ಇತ್ತೆ ಲಾಕ್ಡೌನ್ ಮಲ್ತ್ದೆರ್. ಇಂಚಾದ್ ಅಲ್ಪದ ಆರ್ಥಿಕತೆ ನಾನಾತ್ ತಿರ್ತ್ ಬೂರುನ ಸಾಧ್ಯತೆ ಉಂಡು. ಅಂಚಾದ್ ಮಸ್ತ್ ಕಾರಣರ್ದಾವರ ಕಚ್ಚಾ ತೈಲದ ಬಿಲೆ ಜಗತ್ತ್ಡ್ ಕಮ್ಮಿ ಆತ್ಂಡ್. ಆಂಡ ಪೆಟ್ರೋಲ್ ಬೊಕ್ಕ ಡೀಸೆಲ್ದ ಬಿಲೆ ಕಮ್ಮಿ ಆತಿಜಿ.
ಅಮೆರಿಕ, ಬ್ರಿಟನ್, ಯುರೋಪ್, ಭಾರತ ಸೇರಿನಂಚನೆ ವಿಶ್ವದ ಪ್ರಮುಖ ರಾಷ್ಟ್ರದ ಕೇಂದ್ರಿಯ ಬ್ಯಾಂಕುಲು ಬಡ್ಡಿನ್ ಜಾಸ್ತಿ ಮಲ್ತೊಂದು ಉಂಡು. ಇಂಚಾದ್ ಆರ್ಥಿಕತೆಗ್ ಮಸ್ತ್ ಪೆಟ್ಟ್ ಬೂರ್ದ್ಂಡ್. ಅಮೆರಿಕ ಫೆಡರಲ್ ರಿಸರ್ವ್ ಬ್ಯಾಂಕ್ ಸೆಪ್ಟೆಂಬರ್ ೨೧ಕ್ಕ್ ಬಡ್ಡಿ ಜಾಸ್ತಿ ಆತಿನೆನ್ ಘೋಷಣೆ ಮಲ್ಪರೆ ಉಂಡು.
ತೈಲ ಬಿಲೆ ಕಮ್ಮಿ ಆಯರೇ ಆಯಾ ದೇಶದ ಕೇಂದ್ರೀಯ ಬ್ಯಾಂಕ್ಲು ಬಡ್ಡಿದ ಕಾಸ್ ನ್ ಎಚ್ಚ ಮಲ್ಪರೆ ದುಂಬು ಬೈದ್ಂಡ್. ಇಂಚಾದ್ ಇಂಧನಗ್ ಬೇಡಿಕೆ ಜಾಸ್ತಿಯಾತ್ಂಡ್. ಜಾಗತಿಕ ಆರ್ಥಿಕ ಹಿಂಜರಿಕೆದ ಭೀತಿ ಎದುರ್ ಆದಿತ್ತ್ದ್, ಕಚ್ಚಾ ತೈಲಗ್ ಬೇಡಿಕೆ ಕಮ್ಮಿಯಾತ್ಂಡ್. ಇಂಚಾದ್ ಬಿಲೆಲ ಕಮ್ಮಿಯಾತ್ಂಡ್. ಆಂಡ ಅಂತಾರಾಷ್ಟ್ರೀಯ ಮಾರುಕಟ್ಟೆಡ್ ಕಚ್ಚಾ ತೈಲದ ಬಿಲೆ ಕಮ್ಮಿಯಾಂಡಲ ದೇಶಡ್ ಪೆಟ್ರೋಲ್, ಡೀಸೆಲ್ ಬಿಲೆ ಕಮ್ಮಿ ಆತಿಜಿ.