namajh

ಲುಲು ಮಾಲ್ ನ್ ಸುದ್ದ ಮಲ್ಪರೆ ಬತ್ತಿನ ಸ್ವಾಮೀಜಿ ಅರೆಸ್ಟ್!

ಲಕ್ನೋ: ಲಕ್ನೋಡ್ ಪೊಸತ್ತಾದ್ ಸುರು ಆಯಿನ ಲುಲು ಮಾಲ್ ಡ್ ನಮಾಜ್ ಮಲ್ತಿನ ವಿಚಾರಗ್ ಸಂಬಂಧಿಸಾದ್ ಅಯೋಧ್ಯೆದ ಪುಗರ್ತೆದ ಅರ್ಚಕೆರ್ ಜಗದ್ಗುರು ಪರಮಹಂಸ ಮೇರ್ ಲುಲು ಮಾಲ್ ನ್ ಸುದ್ಧ ಮಲ್ಪರೆ ಬತ್ತ್ ದಿತ್ತ್ ದ್, ಈ ಪೊರ್ತುಡು ಸ್ವಾಮೀಜಿನ್ ಅರೆಸ್ಟ್ ಮಲ್ತ್ ದೆರ್.

ಲುಲು ಮಾಲ್ ಡ್ ನಮಾಜ್ ಮಲ್ತಿನ ಜಾಗೆ ಅಪವಿತ್ರ ಆತ್oಡ್. ಅವೆನ್ ಸುದ್ಧ ಮಲ್ಪೊಡು ಪನ್ಪಿನ ನೆಪಟ್ ಸ್ವಾಮೀಜಿ ಬತ್ತ್ ದಿತ್ತೆರ್. ಈ ಪೊರ್ತುಡು ಮಾಲ್ ದ ಎದುರು ತಡೆತಿನ ಪೊಲೀಸೆರ್, ಸ್ವಾಮೀಜಿನ್ ವಶಕ್ಕ್ ದೆತೊಂದೆರ್. ಲುಲು ಮಾಲ್ ಗ್ ದೇವೆರ್ನ ಪುದರ್ ದೀವೊಡು ಪoದ್ ಸ್ವಾಮೀಜಿ ಪನ್ನಗ ಸ್ವಾಮಿಲೆನ ವಿಚಿತ್ರ ಬೇಡಿಕೆಗ್ ಮಾಲ್ ದ ಆಡಳಿತ ಮಂಡಳಿ ಬಚ್ಚಿದ್ ಪೋತೆರ್.