nagarapanchami

ನಾಗರ ಪಂಚೆಮಿಗ್ ಸರಕಾರಿ ರಜೆ: ಶಾಸಕೆರ್ ವೇದವ್ಯಾಸ ಕಾಮತ್ ಮನವಿ

ಕುಡ್ಲ : ತುಳುನಾಡ್‌ಡ್ ಅತ್ಯಂತ ಶ್ರದ್ಧಾ ಭದಕ್ತಿಡ್ ಆಚರಣೆ ಮಲ್ಪುನ ನಾಗರ ಪಂಚೆಮಿ ಪರ್ಬದ ದಿನ ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆಗ್ ಸರಕಾರಿ ರಜೆ ಘೋಷಣೆ ಮಲ್ಪೊಡು ಪಂದ್ ಕುಡ್ಲದ ಶಾಸಕೆರ್ ವೇದವ್ಯಾಸ ಕಾಮತ್ ಜಿಲ್ಲಾಧಿಕಾರಿಲೆಗ್ ಮನವಿ ಮಲ್ದೆರ್.
ತುಳುನಾಡ್‌ಡ್ ನಾಗಾರಾಧನೆಗ್ ಮಲ್ಲ ತಾನ ಇತ್ತ್ದ್ ಪ್ರತಿಯೊಂಜಿ ಕುಟುಮಗ್‌ಲ ನಾಗ ಮೂಲಸ್ಥಾನ ಉಂಡು. ವರ್ಷಗೊರ ಕುಟುಮ ಸಮೇತ ಮೂಲಸ್ಥಾನಗ್ ಪೋದು ನಾಗ ದೇವೆರೆಗ್ ಪೂಜೆ ಮಲ್ಪುನವು ಮಸ್ತ್ ವರ್ಷೊರ್ದು ಬೈದಿನ ಪಾರಂಪರಿಕ ಸಂಪ್ರದಾಯ ಆದುಂಡು. ಹಿಂದು ಬಾಂಧವೆರ್ ಮಾತ್ರ ಅತ್ತಾಂದೆ ಜೈನೆರ್ ಕೂಡ ಆಚರಿಪುನ ಈ ಸಾಂಪ್ರದಾಯಿಕ ಪರ್ಬೊಗು ರಜೆ ಕೊರ್‌ಂಡ ಎಡ್ಡೆ. ರಜೆ ಇಜ್ಜಿಡ ಕುಟುಮದಕುಲು ಒಟ್ಟುಸೇರ್‌ದ್ ನಾಗಾರಾಧನೆ ಮಲ್ಪುನ ಕುಷಿ ತಿಕ್ಕುಜಿ ಪಂದ್ ಆರ್ ತೆರಿಪಾದೆರ್.
ಧಾರ್ಮಿಕ ಭಾವನೆ ಬೊಕ್ಕ ಜನಕ್ಲೆನ ಸಾಂಪ್ರದಾಯಿಕ ಆಚರಣೆಗ್ ಅವಕಾಶ ಮಲ್ತ್ ಕೊರ್ಪಿನ ನಿಲೆಟ್ಟ್ ತುಳುನಾಡ್‌ದ ರಡ್ಡ್ ಜಿಲ್ಲೆಗ್‌ಲ ರಜೆ ಘೋಷಣೆ ಮಲ್ಪೊಡು ಪಂದ್ ಶಾಸಕೆರ್ ವೇದವ್ಯಾಸ ಕಾಮತ್ ಬಿನ್ನಾಪು ಮಲ್ದೆರ್.