naadabhrahma

ಹಂಸಲೇಖ ಮೇರ್ ನ ಟೀಕೆ ದ ವಿರುದ್ಧ ನಮ ಒವ್ವೆ ರೀತಿದ ಪ್ರತಿಭಟನೆನ್ ಮಲ್ಪುಜ; ಪೇಜಾವರ ಶ್ರೀ

ಒಡಿಪು, ನ.15: ಪೇಜಾವರ ಶ್ರೀ ವಿಶ್ವೇಶರ ತೀರ್ಥ ಸ್ವಾಮೀಲು ದಲಿತ ಕೇರಿ ಭೇಟಿದ ಬಗೆಟ್ ಪೆರಿಯ ಸಂಗೀತ ನಿರ್ದೇಶಕೆರ್ ಆಯಿನ ಹಂಸಲೇಖ ಮೇರ್ ನ ಟೀಕೆಗ್ ಪ್ರತಿಕ್ರಿಯೆ ಕೊರಿನ ಪೇಜಾವರ ಶ್ರೀವಿಶ್ವಪ್ರಸನ್ನ ತೀರ್ಥ ಸ್ವಾಮೀಲು, ಪದ್ಮ ವಿಭೂಷಣ ಪ್ರಶಸ್ತಿ ಬೈದ್ಂಡ್ ಯನ್ನ ಗುರುಕುಲೆಗ್. ಅಂಚಾದ್ ಹಂಸಲೇಖ ಮೇರ್ ಯನ್ನ ಗುರುಕುಲೆನ್ ಟೀಕೆ ಮಲ್ಪೊಡೇ. ಇಂಚಿನ ಪಾತೆರ ಹಂಸಲೇಖ ಆರ್ನ ಬಾಯಿಡ್ ಬರ್ರೆ ಬಲ್ಲಿ ಇತ್ತ್ಂಡ್ ಪಂದ್ ಪಂಡೆರ್.

ಒಡಿಪುಡ್ ಪಾತೆರ್ದಿನ ಸ್ವಾಮೀಲು, ಸಮಾಜ ಅರೆನ್ ಎತ್ತರಡ್ ದೀದ್ ಗೌರವನ್ ಕೊರ್ಪೆರ್. ಪ್ರಚಾರಗ್ ಬೋಡಾದ್ ಮಸ್ತ್ ಜನ ಇಂಚ ಮಲ್ಪುವೆರ್. ಹಂಸಲೇಖ ಅರೆಗ್ ಉಂದೆಡ್ದ್ ಪ್ರಚಾರ ಬೊಡ್ಚಿತ್ಂಡ್. ಶ್ರೀಕೃಷ್ಣಗ್ ಅಗ್ರಪೂಜೆನ್ ಕೊರ್ನಗ ಶಿಶುಪಾಲೆಲ ಇಂಚನೆ ವಿರೋಧಿಸಾದಿತ್ತೆ. ಶಿಶುಪಾಲಗ್ ಶ್ರೀ ಕೃಷ್ಣ ದೇವೆರೆ ತಕ್ಕಶಾಸ್ತಿ ಮಲ್ತೆರ್ ಪಂದ್ ಪಂಡೆರ್.