Mulki news

ಮೂಲ್ಕಿ ನಾಲ್ಕು ಪಟ್ಣ ಮೊಗವೀರ ಸಭಾ (ರಿ) ಅಧ್ಯಕ್ಷೆರಾದ್ ಸುಜಿತ್ ಎಸ್. ಸಾಲ್ಯಾನ್ ಆಯ್ಕೆ

Aug 25, 2022

ಮುಲ್ಕಿ : ಮೂಲ್ಕಿ ನಾಲ್ಕು ಪಟ್ಣ ಮೊಗವೀರ ಸಭಾ (ರಿ) ಅಧ್ಯಕ್ಷೆರಾದ್ ಸುಜಿತ್ ಎಸ್. ಸಾಲ್ಯಾನ್ ಒಡೆಯರಬೆಟ್ಟು ಮೇರ್ ಆಯ್ಕೆ ಆತೆರ್.

ಉಪಾಧ್ಯಕ್ಷೆರಾದ್ ಚಂದ್ರಕಾಂತ ಕೆ. ಶ್ರೀಯಾನ್ ಕೋಟೆ ಕೊಪ್ಪಲ, ಗೌರವ ಪ್ರಧಾನ ಕಾರ್ಯದರ್ಶಿಯಾದ್ ಶಶಿಕಾಂತ್ ಟಿ.ಕೋಟ್ಯಾನ್ ಬಪ್ಪನಾಡು, ಜೊತೆ ಕಾರ್ಯದರ್ಶಿಯಾದ್ ಗೋವರ್ಧನ್ ಕೋಟ್ಯಾನ್ ಚರಂತಿಪೇಟೆ, ಕೋಶಾಧಿಕಾರಿಯಾದ್ ಸೂರ್ಯ ಪುತ್ರನ್ ಚರಂತಿಪೇಟೆ ಮೊಕುಲು ಆಯ್ಕೆ ಆತೆರ್.

ಆ.27, 28 : ಬಪ್ಪನಾಡ್ ಡ್ ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾದ ಅಮೃತ ಮಹೋತ್ಸವದ ಲೇಸ್

Aug 24, 2022

ಮುಲ್ಕಿ : ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾದ ಅಮೃತ ಸಂಭ್ರಮ 2022 ಪನ್ಪಿನ ಅಮೃತ ವರ್ಸದ ಉಚ್ಚಯ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರೊಡು ಆ.27 ಬೊಕ್ಕ 28 ತಾರೀಕ್ ಗ್ ನಡಪರೆ ಉಂಡು.

ಆ.26 ಸುಕ್ರಾರ ಮದ್ಯಾಹ್ನ ಮಾನಂಪಾಡಿರ್ದ್ ಹಸಿರು ಹೊರೆ ಕಾಣಿಕೆ ಬರಿಯರೆ ಉಂಡು.

ಆ.27 ಸನಿಯಾರ ಕಾಂಡೆ 9.30 ಗು ರಾಜ್ಯಸಭೆ ಸದಸ್ಯೆರ್, ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆರ್ ಲೇಸ್ ಉದಿಪನ ಮಲ್ಪುವೆರ್. ಕಟೀಲ್ ದೇವಸ್ಥಾನದ ಕೆ.ಲಕ್ಷ್ಮಿ ನಾರಾಯಣ ಆಶೀರ್ವಚನ ಮಲ್ಪುವೆರ್. ಅಮೃತ ಮಹೋತ್ಸವ ಸಮಿತಿದ ಅಧ್ಯಕ್ಷೆರ್ ಪುರಂದರ ಶೆಟ್ಟಿ ಗಾರ್ ಅಧ್ಯಕ್ಷತೆ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಸಚಿವೆರ್ ಸುನಿಲ್ ಕುಮಾರ್ , ರಾಜ್ಯಸಬಾ ಸದಸ್ಯೆರ್ ಕೆ.ನಾರಾಯಣ್, ಶಾಸಕೆರ್ ಉಮಾನಾಥ ಕೋಟ್ಯಾನ್, ಕಾನೂನು ಸೇವಾ ಪ್ರಾಧಿಕಾರದ ಉಪಕಾರ್ಯದರ್ಶಿ ರಾಘವೇಂದ್ರ ಶೆಟ್ಟಿಗಾರ್, ಉದ್ಯಮಿ ಪ್ರಶಾಂತ್ ಶೇಟ್, ಐಕಳ ಹರೀಶ್ ಶೆಟ್ಟಿ, ಅಂಬಾತನಯ ಮುದ್ರಾಡಿ ಪಾಲ್ ಪಡೆವರೆ ಉಲ್ಲೆರ್.

12.30 ಗಂಟೆಗ್ ಗೌರವ ಸಮರ್ಪಣೆ ಬೊಕ್ಕ ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್ ಡ್ ಡಾ.ಹರಿಕೃಷ್ಣ ಪುನರೂರು, ಭುವನಾಭಿರಾಮ ಉಡುಪ, ಡಾ.ಬಸವರಾಜ ಶೆಟ್ಟಿಗಾರ್ ಬಿನ್ನೆರಾದ್ ಬರ್ಪೆರ್.

ಮಧ್ಯಾಹ್ನ ನೇಕಾರ ರ ಸ್ಥಿತಿಗತಿ ಬೊಕ್ಕ ಆಹಾರ ವಿಚಾರದ ವಿಷಯೊಡು ವಿಚಾರ ಗೋಷ್ಠಿ ನಡಪರೆ ಉಂಡು. ಬಯ್ಯಡ್ 4.30 ಗು ಸ್ವಸಮಾಜದ ಕಲಾವಿದೆರೆರ್ದ್ ಭೀಷ್ಮೋತ್ಪತ್ತಿ ಯಕ್ಷಗಾನ ತಾಳಮದ್ದಲೆ, 6 ಗಂಟೆರ್ದ್ 16 ವೀರಭದ್ರ ದೇವಸ್ಥಾನ ದ ಕಲಾವಿದೆರೆರ್ದ್ ಜಾನಪದ ನಾಟಕ ಅರ್ಬುದ-ಪುಣ್ಯಕೋಟಿ ನಡಪರೆ ಉಂಡು.

ಆ.28 ಐತಾರ ಕಾಂಡೆ ಅನ್ನಪೂರ್ಣೇಶ್ವರಿ ಹಾಲ್ ಡ್ ಉಚಿತ ಕಣ್ಣ್ ಪರೀಕ್ಷೆ ಶಿಬಿರೊನು ಬಪ್ಪನಾಡ್ ಕ್ಷೇತ್ರದ ಬ್ರಹ್ಮಶ್ರೀ ಗೋಪಾಲಕೃಷ್ಣ ತಂತ್ರಿಲು ಉದಿಪನ ಮಲ್ಪುವೆರ್. ಮಾತಾ ಪಂಚದುರ್ಗ ರೆಸಿಡೆನ್ಸಿದ ಕೈತಲ್ ರಕ್ತದಾನ ಶಿಬಿರೊನು ಬಪ್ಪನಾಡ್ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ ಉದಿಪನ ಮಲ್ಪುವೆರ್.

ಕಾಂಡೆ 9.30 ಗು ಮಹಿಳಾ ಸಮಾವೇಶಡ್ ಮಾಜಿ ಸಚಿವೆರ್, ನಟಿ ಉಮಾಶ್ರೀ, ಶ್ಯಾಮಲಾ ಕುಂದರ್, ಲಲಿತಾ ಸತೀಶ್ ಶೆಟ್ಟಿಗಾರ್, ಸರೋಜಿನಿ ಎಚ್.ಶೆಟ್ಟಿಗಾರ್ ಮುಂಬಯಿ ಮೊಕುಲು ಪಾಲ್ ಪಡೆವೆರ್. ಭರತನಾಟ್ಯ ಅಂಚೆನೆ ಮಹಿಳೆಯರ ಮುಂದಿರುವ ಸವಾಲು, ನಾವು ಎತ್ತ ಸಾಗುತ್ತಿದ್ದೇವೆ ವಿಚಾರಗೋಷ್ಠಿ, ಸಾಂಸ್ಕೃತಿಕ ವೈವಿಧ್ಯ ನಡಪರೆ ಉಂಡು.

ಮಧ್ಯಾಹ್ನ 3 ಗಂಟೆಗ್ ಅಂಬಾತನಯ ಮುದ್ರಾಡಿ ಮೇರ್ನ ಗುರ್ಕಾರ್ಮೆ ಡ್ ಮುಗಿತಲದ ಲೇಸ್ ಡ್ ಸಂಸದೆರ್ ನಳಿನ್ ಕುಮಾರ್, ಶಾಸಕೆರ್ ವೇದವ್ಯಾಸ ಕಾಮತ್, ಡಾ.ವೈ.ಭರತ್ ಶೆಟ್ಟಿ, ಜಯಪ್ರಕಾಶ್ ಹೆಗ್ಡೆ, ಅಭಯಚಂದ್ರ ಜೈನ್ ಮೊಕುಲು ಮಾತ ಪಾಲ್ ಪಡೆವೆರ್. ಬೊಕ್ಕ ಕಲ್ಲಾಪು ಶ್ರೀ ವೀರಭದ್ರ ಮಹಮ್ಮಾಯಿ ದೇವಸ್ಥಾನದ ಕಲಾವಿದೆರೆರ್ದ್ “ಧರ್ಮ ಇತ್ತಿ ಮಣ್ಣ್ ” ರೂಪಕ ನಡಪರೆ ಉಂಡು ಪಂದ್ ದ.ಕ.ಜಿಲ್ಲಾ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ ದ ಪ್ರಧಾನ ಕಾರ್ಯದರ್ಶಿ ಲಕ್ಷ್ಮಣ್ ಕೊಡಿಯಾಲ್ ಬೈಲ್ ಬೊಕ್ಕ ಕೂಟದಕುಲು ಲೆಪ್ಪೋಲೆಡ್ ತೆರಿಪಾದೆರ್.

Amrutmahotsava celebrations on August 27,28th at Bappanadu DK district Padmashali Mahasabha.The program will be held at the Bappanadu Durgaparameshwari temple premises.
The program will be inaugurated by Sri D Veerendra Heggade of Dharmasthala.Blessings are by Lakshmi Narayan of of Kateel Durga parameshwari temple.
Special programs are lined for both days .

ಆ.29 : ಪ್ರಿಯದರ್ಶಿನಿ ಸಹಕಾರಿ ಸಂಘದ ಪಡುಬಿದ್ರಿ ಶಾಖೆ ಉದಿಪನ

Aug 24, 2022

ಮುಲ್ಕಿ : ಹಳೆಯಂಗಡಿಡ್ ಪ್ರಧಾನ ಕಚೇರಿ ಉಪ್ಪುನ, ಕಡಿಮೆ ಅವಧಿಡೇ ಪುಗರ್ತೆ ಪಡೆಯಿನ ಪ್ರಿಯದರ್ಶಿನಿ ಸಹಕಾರ ಸಂಘದ ಪಡ್ಡೆದ್ರ (ಪಡುಬಿದ್ರಿ) ಶಾಖೆ ಆ.29 ಸೋಮಾರ ಕಾಂಡೆ 11 ಗಂಟೆಗ್ ಉದಿಪನ ಆವರೆ ಉಂಡು.

ಮುಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್ನ ಅಧ್ಯಕ್ಷತೆಡ್ ನಡಪುನ ಈ ಲೇಸ್ ಡ್ ಶಾಖೆನ್ ವಿಧಾನ ಪರಿಷತ್ ದ ಪ್ರತಿಪಕ್ಷದ ನಾಯಕೆರ್ ಬಿ.ಕೆ.ಹರಿಪ್ರಸಾದ್ ಉದಿಪನ ಮಲ್ಪುವೆರ್. ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಬೊಲ್ಪು ಅರ್ಲಾವೆರ್. ವಿನಯ ಕುಮಾರ್ ಸೊರಕೆ ಭದ್ರತಾ ಕೋಣೆ ಉದಿಪನ ಮಲ್ಪುವೆರ್. ಒಡಿಪು ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷೆರ್ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಮೊಬೈಲ್ ಬ್ಯಾಂಕಿಂಗ್ ಸೇವೆಗ್ ಚಾಲನೆ ಕೊರ್ಪೆರ್. ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಪ್ರಿಯದರ್ಶಿನಿ ಸ್ವಸಹಾಯ ಗುಂಪು ಉದಿಪನ ಮಲ್ಪುವೆರ್. ಪಡ್ಡೆದ್ರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ರತ್ನಾಕರ ರಾಜ್ ಅರಸು ಕಿನ್ಯಕ್ಕ ಬಲ್ಲಾಲ್ ಠೇವಣಿ ಪತ್ರ ಬುಡುಗಡೆ ಮಲ್ಪುವೆರ್. ಒಡಿಪು ಜಿಲ್ಲಾ ಸಹಕಾರ ಸಂಘದ ಉಪನಿಬಂಧಕೆರ್ ಲಕ್ಷ್ಮಿ ನಾರಾಯಣ್ ಸೇವಿಂಗ್ಸ್ ಪಾಸ್ ಬುಕ್ಕು ಪಟ್ಟುವೆರ್.

ಮಲ್ಲ ಬಿನ್ನೆರಾದ್ ಕರ್ನಾಟಕ ದೈವ ಶಾಸ್ತ್ರೀಯ ಮಹಾವಿದ್ಯಾಲಯದ ಪ್ರಿನ್ಸಿಪಾಲ್ ರೇ.ಡಾ.ಹ್ಯೂಬರ್ಟ್ ಎಮ್. ವಾಟ್ಸನ್, ಪಾವಂಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ದ ವ್ಯವಸ್ಥಾಪನೆ ಸಮಿತಿದ ಅಧ್ಯಕ್ಷೆರ್ ಬಿ.ಸೂರ್ಯ ಕುಮಾರ್, ಪಡ್ಡೆದ್ರ ಇಮಾಯತ್ ಇಸ್ಲಾಂ ಸಂಘದ ಅಧ್ಯಕ್ಷೆರ್ ಶಬ್ಬೀರ್ ಹುಸೇನ್ ಮೊಕುಲು ಮಾತ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಪ್ರಿಯದರ್ಶಿನಿ ಸಹಕಾರ ಸಂಘದ ಅಧ್ಯಕ್ಷೆರ್ ಎಚ್. ವಸಂತ ಬೆರ್ನಾಡ್, ಉಪಾಧ್ಯಕ್ಷೆರ್ ಪ್ರತಿಭಾ ಕುಳಾಯಿ, ಸಿಇಒ ಸುದರ್ಶನ್ ಪಂಜ ಅಂಚೆನೆ ನಿರ್ದೇಶಕ ಮಂಡಳಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳು ಬಾಸೆದ ಬುಲೆಚ್ಚಿಲ್ ಗ್ ಸರ್ಕಾರ ಎಚ್ಚಿನ ಅನುದಾನ ಕೊರೊಡು: ಬಿ.ಕೆ.ಹರಿಪ್ರಸಾದ್

Aug 20, 2022

ಡಾ.ಹರಿಶ್ಚಂದ್ರ ಸಾಲ್ಯಾನ್ ಬರೆತಿನ ” ದೈವದ ಮದಿಪು” ತುಳು ಬೂಕು ಬುಡುಗಡೆ

ಮುಲ್ಕಿ: ಒಂಜಿ ಜಾಗೆದ ಬಾಸೆ ಪಂಡ ಅವು ಕಾಲಿ ಬಾಸೆ ಅತ್ತ್, ಅವು ಅಲ್ತ ಸಾಹಿತ್ಯ ಬೊಕ್ಕ ಸಂಸ್ಕೃತಿ. ಆ ಸಾಹಿತ್ಯ, ಸಂಸ್ಕೃತಿದ ಬುಲೆಚ್ಚಿಲ್ ಆವೊಡ್ಡ ರಾಜ್ಯ ಸರಕಾರದ ಅನುದಾನ ಅಗತ್ಯ ಬೋಡು. ನಮಕ್ಕ್ ಸ್ವಾತಂತ್ರ್ಯ ತಿಕ್ ದ್ 75 ವರ್ಸ ಆಂಡಲ ತುಳು ಬಾಸೆದ ಬುಲೆಚ್ಚಿಲ್ ಆತಿಜಿ, ಸಂವಿಧಾನ 8ನೇ ಪರಿಚ್ಚೇದೊಗು ಸೇರ್ದಿಜಿ. ವೀರಪ್ಪ ಮೊಯ್ಲಿಯೆರ್ನ ಆಡಳಿತದ ಪೊರ್ತುಡು ತುಳು ಸಾಹಿತ್ಯ ಅಕಾಡೆಮಿ ಆದಿತ್ತ್ಂಡ್. ಅವೆತ್ತ ಬುಲೆಚ್ಚಿಲ್ ಗ್ ಬೋಡಾಯಿನಾತ್ ಅನುದಾನಲ ಸರ್ಕಾರ ಕೊರ್ದಿತ್ತ್ಂಡ್. ಆಂಡ ಇತ್ತೆ ತುಳು ಅಕಾಡೆಮಿಗ್ ಸರಕಾರೊರ್ದು ತಿಕ್ಕುನ ಅನುದಾನ ಭಾರಿ ಕಮ್ಮಿಆತ್ಂಡ್. ಬೇತೆ ಬಾಸೆದ ಬುಲೆಚ್ಚಿಲ್ ಗ್ ಆಯಾ ರಾಜ್ಯ ಸರ್ಕಾರ ಬೋಡಾಯಿನಾತ್ ಅನುದಾನ ಕೊರೊಂದುಂಡು.ಕರ್ನಾಟಕ ಸರ್ಕಾರಲ ತುಳು ಬಾಸೆದ ಬುಲೆಚ್ಚಿಲ್ ಗಾದ್ ತುಳು ಅಕಾಡೆಮಿಗ್ ಎಚ್ಚಿನ ಅನುದಾನದ ಸಕಾಯ ಕೊರೊಡು ಪಂದ್ ವಿಧಾನ ಪರಿಷತ್ ದ ಪ್ರತಿಪಕ್ಷ ನಾಯಕೆರ್ ಬಿ.ಕೆ.ಹರಿಪ್ರಸಾದ್ ಒತ್ತಾಯ ಮಲ್ತೆರ್.

ಆರ್ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಚಾವಡಿಡ್ ಸನಿಯಾರ ಕಾಂಡೆ ಹೊಸ ಅಂಗಣ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಬರೆತಿನ “ಮದಿಪು” ಬೂಕು ಬುಡುಗಡೆ ಮಲ್ತ್ ದ್ ಪಾತೆರಿಯೆರ್.

ತುಳು ನಮ್ಮ ರಾಜ್ಯದ ರಡ್ಡನೇ ಮಾಮಲ್ಲ ಬಾಷೆ. ಕೊಡಗು ಮೂಜನೇ ಮಲ್ಲ ಬಾಸೆ. ದೈವೊಲೆನ್ ಆರಾಧನೆ ಮಲ್ಪುನೆನ್ ತುಳುವೆರ್ ಎಲ್ಯಿರ್ದಿಂಚನೇ ಕಲ್ತೊಂದು ಬೈದೆರ್. “ದೈವದ ಮದಿಪು’ ದಂಚಿನ ಬೂಕುಲೆನ ಸಾಹಿತ್ಯ ಓದುಂಡ ತಿಳಿವಳಿಕೆ ಬರ್ಪುಂಡು. ಜ್ಞಾನ ಎಚ್ಚಾಪುಂಡು. ನೆರ್ದ್ ದುಂಬು ಕಲ್ಪುನೆಟ್ಟ್ ದ.ಕ ಬೊಕ್ಕ ಒಡಿಪು ಜಿಲ್ಲೆಗ್ ಸುರೂತ್ತ ತಾನ ತಿಕ್ಕೊಂದಿತ್ತ್ಂಡ್. ಆಂಡ ಇತ್ತೆ ಬೇತೆ ಕಾರಣೊಗು ತುಳುನಾಡ್ ದ ಪುದರ್ ಸುರೂಟ್ಟು ಬರ್ಪುಂಡು. ಧರ್ಮದ ಪುದರ್ ಡ್ ದ್ವೇಷ ಸಾಧನೆ ಮಲ್ಪಂದೆ ಮಾತೆರ್ಲ ಒಗ್ಗಟ್ಟಾದ್ ಎಡ್ಡೆಡ್ ಜೀವನ ಮಲ್ಪೊಡು ಪಂದ್ ಆರ್ ಕೆಬಿ ಪಾತೆರ ಪಂಡೆರ್.
ಲೇಸ್ ಡ್ ಮಲ್ಲ ಬಿನ್ನೆರಾದ್ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು, ಮಾಜಿ ಶಾಸಕೆರ್ ಅಭಯಚಂದ್ರ ಜೈನ್, ಜಿಲ್ಲಾ ಬಿಜೆಪಿ ಅಧ್ಯಕ್ಷೆರ್ ಸುದರ್ಶನ್ ಎಂ., ಮುಲ್ಕಿ ನಗರಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಯಕ್ಷಗಾನ ವಿದ್ವಾಂಸೆರ್, ಭಾಗವತೆರ್ ಸುರೇಂದ್ರ ಪಣಿಯೂರು, ಧಾರ್ಮಿಕ ಪರಿಷತ್ ಸದಸ್ಯೆರ್ ಭುವನಾಭಿರಾಮ ಉಡುಪ, ಬಿಲ್ಲವ ಸಂಘದ ಮಹಿಳಾ ವಿಭಾಗದ ಅಧ್ಯಕ್ಷೆರ್ ಸರೋಜಿನಿ ಸುವರ್ಣ ಮೊಕುಲು ಮಿತ್ತರ್ಮೆ ಇತ್ತೆರ್.

ಕಾಪು ಶಾಸಕೆರ್ ಲಾಲಾಜಿ ಮೆಂಡನ್ ಲೇಸ್ ದ ಗುರ್ಕಾರ್ಮೆ ಒಯಿಸೊಂದೆರ್.
ಮದಿಪು ಬೂಕುದ ಬರವುಗಾರೆ ಡಾ.ಹರಿಶ್ಚಂದ್ರ ಸಾಲ್ಯಾನ್ ಪ್ರಸ್ತಾವಿಕವಾದ್ ಪಾತೆರ್ದ್ , ಮದಿಪು ಎನ್ನ 16 ನೇ ಬೂಕು. ಅವೆನ್ ಮಾತೆರ್ಲ ದೆತೊಂದು ಓದುಲೆ ಪಂಡೆರ್.
ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್. ವಿಜಯ ಕುಮಾರ್ ಕುಬೆವೂರು ಬಿನ್ನೆರೆನ್ ಎದ್ಕೊಂಡೆರ್. ರವಿಚಂದ್ರ ಸೊಲ್ಮೆ ಸಂದಾಯೆರ್. ವೈ.ಎನ್.ಸಾಲ್ಯಾನ್ ಸಭೆ ಸುಧಾರಿಕೆ ಮಲ್ತೆರ್.

ಆ.26-28 : ಬಪ್ಪನಾಡ್ ಡ್ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ

Aug 19, 2022

ಮುಲ್ಕಿ : ದ.ಕ.ಜಿಲ್ಲಾ ಪದ್ಮಶಾಲಿಮಹಾಸಭಾದ ಅಮೃತ ಸಂಭ್ರಮ 2022 ಪನ್ಪಿನ ಅಮೃತ ವರ್ಸದ ಉಚ್ಚಯ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರೊಡು ಆ.26 ರ್ದ್ 28 ಮುಟ್ಟ ನಡಪರೆ ಉಂಡು.
ಆ.26 ಹಸಿರು ಹೊರೆ ಕಾಣಿಕೆ ಬರಿಯರೆ ಉಂಡು.27 ತಾರೀಕ್ ಗ್ ರಾಜ್ಯಸಭೆ ಸದಸ್ಯೆರ್, ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆರ್ ಲೇಸ್ ಉದಿಪನ ಮಲ್ಪುವೆರ್.
ಆ.28 ತಾರೀಕ್ ಗ್ ನಡಪುನ ಲೇಸ್ ಗ್ ಚಲನಚಿತ್ರ ನಟಿ, ಮಾಜಿ ಸಚಿವೆರ್ ಉಮಾಶ್ರೀ ಮಲ್ಲ ಬಿನ್ನೆರಾದ್ ಪಾಲ್ ಪಡೆವೆರ್.

ಹೊಸ ಅಂಗಣ ಪತ್ರಿಕೆಗ್ 7 ವರ್ಸದ ಕುಷಿ; ಡಾ.ಹರಿಶ್ಚಂದ್ರ ಸಾಲ್ಯಾನ್ ಸನ್ಮಾನೊಗು ಅರ್ಹೆರ್ : ಹರಿಕೃಷ್ಣ ಪುನರೂರು

Jul 27, 2022

ಮುಲ್ಕಿ : ಒಂಜಿ ಪತ್ರಿಕೆನ್ ಏಳ್ ವರ್ಷ ಮುಟ್ಟ ನಡಪಾವೊಂದು ಬರ್ಪಿನ ಸುಲಭದ ಕೆಲಸ ಅತ್ತ್. ಉಂದುಲ ಒಂಜಿ ಸಾಧನೆ. ಹೊಸ ಅಂಗಣ ಪತ್ರಿಕೆದ ಸಂಪೊಲಿಗೆದಾರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ರ್ ಸನ್ಮಾನೊಗು ಅರ್ಹೆರಾದುಲ್ಲೆರ್ ಪಂದ್ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ಪಂಡೆರ್.

ಆರ್ ಮುಲ್ಕಿ ಸ್ವಾಗತ್ ಹೋಟೆಲ್ ಸಭಾಂಗಣಡ್ ಬುಧಾರ ನಡತಿನ ಹೊಸ ಅಂಗಣ ಪತ್ರಿಕೆದ ಸಂಚಿಕೆ ಬುಡುಗಡೆ ಲೇಸ್ ಡ್ ಪಾತೆರಿಯೆರ್. ಈ ಪೊರ್ತುಡು ಮುಲ್ಕಿ ನಗರಪಂಚಾಯತ್ ಡ್ 40 ವರ್ಷ ಸೇವೆ ಮಲ್ದಿನ ಸ್ವಚ್ಚತಾ ಕೆಲಸದಾರ್ ಸುಂದರ್ ಮೆರೆಗ್ ‘ತಿಂಗಳ ಬೆಳಕು’ ಮಾನಾದಿಗೆ ನಡತ್ಂಡ್.

ಮಲ್ಲ ಬಿನ್ನೆರಾದ್ ಉದ್ಯಮಿ ಶಶಿಕುಮಾರ್, ರೋಟರಿ ಅಸಿಸ್ಟೆಂಟ್ ಗವರ್ನರ್ ನಾರಾಯಣ್ ಎನ್. ಬತ್ತಿತ್ತೆರ್. ಬಿಲ್ಲವ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರ್ ಕಲ್, ಬಿಲ್ಲವ ಮಹಾಮಂಡಲದ ಒತ್ತು ಗುರ್ಕಾರ್ಲು ವಿಜಯ ಕುಮಾರ್ ಕುಬೆವೂರು, ಜಯಪಾಲ ಶೆಟ್ಟಿ ಐಕಳ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಹೊಸ ಅಂಗಣ ಪತ್ರಿಕೆದ ಸಂಪೊಲಿಗೆದಾರ್ ಪ್ರಾಸ್ತಾವಿಕವಾದ್ ಪಾತೆರ್ದ್, ಮಾತೆರ್ನಲ ಸಹಕಾರೊಡು ಪತ್ರಿಕೆಗ್ 7 ವರ್ಷ ಆಂಡ್ ಪಂಡೆರ್. ಉದ್ಯಮಿ ವಾಸು ಪೂಜಾರಿ ದೇವೆರೆನ್ ಸುಗಿತೆರ್. ರವಿಚಂದ್ರ ಲೇಸ್ ನಡಪಾದ್ ಕೊರಿಯೆರ್. ವಾಮನ್ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್.

ಯುವವಾಹಿನಿ(ರಿ) ಮುಲ್ಕಿ ಕೂಟದಕ್ಲೆರ್ದ್ ದೈ ನಡ್ಪಿನ ಲೇಸ್

Jul 14, 2022

ಮುಲ್ಕಿ : ಸಮಾಜ ಸೇವೆಡ್ ಪುಗರ್ತೆ ಪಡೆಯಿನ ಬಿಲ್ಲವ ಸಮಾಜದ ಜವನೆರೆನ ಕೂಟ ಯುವವಾಹಿನಿ (ರಿ ) ಮೂಲ್ಕಿ ಘಟಕದ ಆಶ್ರಯೊಡು ಚರಂತಿಪೇಟೆ ಕೋಟೆಕೊಪ್ಪಲ ಬಬ್ಬು ಸ್ವಾಮಿ ದೈವಸ್ಥಾನದ ವಠಾರಡ್ ದೈ ನಡ್ಪಿನ ಲೇಸ್ ಇಂಚೊಗು ನಡತ್ಂಡ್.

ಯುವವಾಹಿನಿ ಕೇಂದ್ರ ಸಮಿತಿ ಅಧ್ಯಕ್ಷೆರ್ ಉದಯ್ ಅಮೀನ್ ಮಟ್ಟು ದೈ ನಡ್ದ್ ಲೇಸ್ ಉದಿಪನ ಮಲ್ತೆರ್. ಸಭಾ ಕಾರ್ಯಕ್ರಮದ ಗುರ್ಕಾರ್ಮೆನ್ ಮುಲ್ಕಿ ಘಟಕದ ಅಧ್ಯಕ್ಷೆ ರ್ ಶ್ರೀಮತಿ ಭಾರತಿ ಭಾಸ್ಕರ್ ಕೋಟ್ಯಾನ್ ಒಯಿಸ್ ದಿತ್ತೆರ್.

ಬಿನ್ನೆರಾದ್ ಶ್ರೀ ಬಬ್ಬು ಸ್ವಾಮಿ ದೈವಸ್ಥಾನದ ಆಡಳಿತ ಸಮಿತಿದ ಗೌರವಾಧ್ಯಕ್ಷೆರ್ ಯದೀಶ್ ಅಮೀನ್ ಕೊಕ್ಕರಕಲ್, ಆಡಳಿತ ಸಮಿತಿದ ಅಧ್ಯಕ್ಷೆರ್ ಅಶೋಕ್ ಕರ್ಕೇರ, ಯುವವಾಹಿನಿ ಮೂಲ್ಕಿ ಘಟಕದ ಕಾರ್ಯಂತೆರ್ ಶ್ರೀಮತಿ ಜಾಹ್ನವಿ ಮೋಹನ್, ಲೇಸ್ ದ ನಿದಯಂತೆರ್ ಶ್ರೀಮತಿ ರಾಜೇಶ್ವರಿ ನಿತ್ಯಾನಂದ ಬತ್ತಿತ್ತೆರ್. ಮೋಹನ್ ಸುವರ್ಣ ಲೇಸ್ ನಡಪಾದ್ ಕೊರಿಯೆರ್.

ಜುಲೈ 3 : ಮುಲ್ಕಿ ಬೆದ್ರ ಮಂಡಲ ಯುವ ಮೋರ್ಚಾ ‘ಕೆಸರ್ ಡೊಂಜಿ ಕಮಲ‌ ದಿನ’

Jun 29, 2022

ಮುಲ್ಕಿ : ಬಿಜೆಪಿ ಯುವ ಮೋರ್ಚಾ ಮೂಲ್ಕಿ ಬೆದ್ರ ಮಂಡಲದ ಮುತಾಲಿಕೆಡ್ ಬೇತೆ ಬೇತೆ ಮೋರ್ಚಾದ ಒತ್ತುಸೇರಿಗೆಡ್ ಜುಲೈ 3 ಐತಾರ ಧರೆಗುಡ್ಡೆ ಸಿರಿ ಸಂಪದ ಫಾರ್ಮ್ ಡ್ ‘ ಕೆಸರ್ ಡೊಂಜಿ ಕಮಲ ದಿನ’ ಲೇಸ್ ನಡಪರೆ ಉಂಡು.

ಕಾಂಡೆ 8:30 ಗಂಟೆಗ್ ಲೇಸ್ ಉದಿಪನ ಆವರೆ ಉಂಡು. 9.30. ಗಂಟೆರ್ದ್ ಗೊಬ್ಬುದ ಪಂಥೊಲು ಸುರುವಾಪುಂಡು. ಮಹಾಶಕ್ತಿ ಕೇಂದ್ರದ ಆಂಜೋವುಲೆಗ್ ಬಲ್ಲ್ ಒಯಿಪುನ, ವಾಲಿಬಾಲ್ ಬೊಕ್ಕ ಕಬಡಿ ಪಂಥೊ ಉಂಡು. ಮಹಾಶಕ್ತಿ ಕೇಂದ್ರದ ಪೊಂಜೋವುಲೆಗ್ ಬಲ್ಲ್ ಒಯಿಪುನ, ಕೂಟ ನಲಿಕೆ ಬೊಕ್ಕ ತ್ರೋಬಾಲ್ ಪಂಥೊ ಉಂಡು.

ಸಮಗ್ರ ಪ್ರಶಸ್ತಿ ಗೆಂದುನ ಮಹಾಶಕ್ತಿ ಕೇಂದ್ರಗ್ 10,000 ರೂ. ಪಣವುದ ಇನಾಮು ಕೊರ್ದು ಮಾನಾದಿಗೆ ಮಲ್ಪರೆ ಉಂಡು. ಬಿಜೆಪಿದ ಮಾತಾ ಕಾರ್ಯಕರ್ತೆರೆಗ್ ಕೆಸರ್ ಕಂಡೊಡು ಬಲಿಪುನ ಪಂಥೊ, ಪಿರ ತೂದು ಬಲಿಪುನ, ಬಾಯಿಡ್ ಲಿಂಬೆ ಚಮುಟು ದೀದ್ ಬಲಿಪುನ ಪಂಥೊ, ಮ್ಯೂಸಿಕಲ್ ಚೇರ್, ನಿಧಿ ನಾಡುನ ಪಂಥೊ ನಡಪರೆ ಉಂಡು. ಬಯ್ಯಡ್ 4 ಗಂಟೆಗ್ ಮುಗಿತಲದ ಲೇಸ್ ನಡಪರೆ ಉಂಡು ಪಂದ್
ಯುವ ಮೋರ್ಚಾ ಮೂಲ್ಕಿ ಬೆದ್ರ ಮಂಡಲ ಲೆಪ್ಪೋಲೆಡ್ ತೆರಿಪಾದ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪತ್ರಕರ್ತೆರ್ ಮಿಥುನ್ ಕೊಡೆತ್ತೂರುಗ್ ಪ.ಗೋ.ಪ್ರಶಸ್ತಿ

May 28, 2022

ಕುಡ್ಲ : ದ.ಕ. ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಪ್ರತಿವರ್ಷ ಕೊರೊಂದುಪ್ಪುನ ಪ.ಗೋ. ಪ್ರಶಸ್ತಿ ಈ ಸರ್ತಿ ಹೊಸದಿಗಂತ ಪತ್ರಿಕೆದ ವರದಿಗಾರೆರ್ ಮಿಥುನ್ ಕೊಡೆತ್ತೂರು ಮೆರೆಗ್ ತಿಕ್‌ದ್ಂಡ್.

ಮಿಥುನ್ ಬರೆತಿನ ವಿಶೇಷ ವರದಿ ಈಗ ಕೈಮಗ್ಗಗಳತ್ತ ಪದವೀಧರರ ಚಿತ್ತ ಸೀರೆಗಳಲ್ಲಿ ನೇಕಾರರ ಚಿತ್ರ’ ವರದಿಗ್ ಈ ಪ್ರಶಸ್ತಿ ತಿಕ್‌ದ್ಂಡ್. ಪ್ರಶಸ್ತಿಡ್ ೧೦,೦೦೧ ರೂ. ಪಣವು, ನೆಂಪು ಕಾಣಿಕೆ ಬೊಕ್ಕ ಪ್ರಶಸ್ತಿ ಪಲವೆ ಉಂಡು.

ಮೇ ೩೧ ಕಾಂಡೆ ೧೧ ಗಂಟೆಗ್ ಉರ್ವದ ಪ್ರೆಸ್ ಕ್ಲಬ್‌ಡ್ ಪಶಸ್ತಿ ಪಟ್ಟುನ ಲೇಸ್ ನಡಪರೆ ಉಂಡು. ಪೊಲೀಸ್ ಉಪಆಯುಕ್ತೆರ್ ಹರಿರಾಮ್ ಶಂಕರ್ ಪ್ರಶಸ್ತಿ ಪಟ್ಟುವೆರ್. ದಕ್ಷಿಣಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ್ ನಾಯಕ್ ಇಂದಾಜೆ ಲೇಸ್‌ದ ಗುರ್ಕಾರ್ಮೆ ಒಯಿಸೊನ್ವೆರ್.
ದ.ಕ. ಜಿಲ್ಲಾ ಅಪರ ಜಿಲಾಧಿಕಾರಿ ಕೃಷ್ಣಮೂರ್ತಿ, ಹಿರಿಯ ಪತ್ರಕರ್ತೆರ್ ಆನಂದ ಶೆಟ್ಟಿ, ಮಲ್ಲ ಬಿನ್ನೆರಾದ್ ಬರ್ಪೆರ್.
ಮಂಗಳೂರು ಪ್ರೆಸ್ ಕ್ಲಬ್ ಅಧ್ಯಕ್ಷೆರ್ ಅನ್ನು ಮಂಗಳೂರು, ಪತ್ರಿಕಾ ಭವನ ಟ್ರಸ್ಟ್ ಅಧ್ಯಕ್ಷೆರ್ ರಾಮಕೃಷ್ಣ ಆರ್., ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಜಗನ್ನಾಥ ಶೆಟ್ಟಿ ಬಾಳ ಮೊಕುಲು ಬಿನ್ನೆರಾದ್ ಬರ್ಪೆರ್ ಪಂದ್ ದ.ಕ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ಜಿತೇಂದ್ರ ಕುಂದೇಶ್ವರ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.

Journalist Mithun Kodeytoor gets the Pa .Go . award for the year

Mangalore: The DK working journalists association gives away the Pa.Go award every year .This year the Pa .Go. Award has been awarded to the journalist of Hosadiganta magazine Mithun Kodeytoor.

He was selected for the award for his special report on handloom weavers. The award carries a cash prize of 10,000 rupees ,a memento and a citation. The award will be presented on May 31st at Urva press club at 11a.m.

The program will be presided by the president of the DK working journalists association Srinivasa Nayak Indajey.The award presentation will be by deputy commissioner of police Hariram Shankar. Many dignitaries are expected to participate in the program.

ಜೂ.4: ಮುಲ್ಕಿಡ್ ಶ್ರೀನಾರಾಯಣಗುರು ಟ್ರಸ್ಟ್ ಉದಿಪನ

May 28, 2022

ಮುಲ್ಕಿ : ದಕ್ಷಿಣ ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪುರಸ್ಕಾರ ಪಡೆಯಿನ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಆಶ್ರಯೊಡು ಪೊಸತ್ತಾದ್ ರಚನೆ ಆಯಿನ ಶ್ರೀ ನಾರಾಯಣಗುರು ಚಾರಿಟೇಬಲ್ ಟ್ರಸ್ಟ್‌ದ ಉದಿಪನ ಅಂಚನೆ ಶಾಲೆದ ಜೋಕುಲೆಗ್ ಬೂಕು ಪಟ್ಟುನ ಲೇಸ್, ಸಾಧಕೆರೆಗ್ ಮಾನಾದಿಗೆ ಲೇಸ್ ಜೂನ್ ೪ ಸನಿಯಾರ ಮದ್ದೆನ ೩ ಗಂಟೆಗ್ ಮುಲ್ಕಿ ಸಂಘದ ಶ್ರೀ ನಾರಾಯಣಗುರು ಚಾವಡಿಡ್ ನಡಪರೆ ಉಂಡು.

ಲೇಸ್‌ದ ಗುರ್ಕಾರ್ಮೆನ್ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ರಮೇಶ್ ಕೆ. ಅಮೀನ್ ಕೊಕ್ಕರ್‌ಕಲ್ ಒಯಿಸೊನ್ವೆರ್.

ಕುಡ್ಲ ಉತ್ತರ ಪೋಲಿಸ್ ಆಯುಕ್ತೆರ್ ಮಹೇಶ್ ಕುಮಾರ್ ಮೇರ್ ಶ್ರೀ ನಾರಾಯಣ ಗುರು ಚಾರಿಟೇಬಲ್ ಟ್ರಸ್ಟ್ ಉದಿಪನ ಮಲ್ಪುವೆರ್.

ಮಲ್ಲ ಬಿನ್ನೆರ್, ಸಮಾಜಸೇವಕೆರ್ ಮಹಾಬಲ ಪೂಜಾರಿ ಕಡಂಬೋಡಿ ಮೆರ್ ಜೋಕುಲೆಗ್ ಬೂಕು ಪಟ್ಟರೆ ಉಲ್ಲೆರ್. ಎಸ್ಸೆಸ್ಸೆಲ್ಸಿ ಪರೀಕ್ಷೆಡ್ ಎಚ್ಚಿನ ಮಾರ್ಕ್ಸ್ ದೈದಿನ ಕಿಲ್ಪಾಡಿ ವ್ಯಾಸ ಮಹರ್ಷಿ ಶಾಲೆದ ಅಕ್ಷತಾ ಕಾಮತ್, ವೀಕ್ಷಾ ಶೆಟ್ಟಿ ಅಂಚೆನೆ ಮುಲ್ಕಿ ಶ್ರೀ ನಾರಾಯಣ ಗುರು ಇಂಗ್ಲಿಷ್ ಮೀಡಿಯಂ ಶಾಲೆದ ವಿದ್ಯಾರ್ಥಿ ವಿನೀತ್ ಪಿ.ಸುವರ್ಣ ಮೊಕ್ಲೆನ್ ಉದ್ಯಮಿ ಚೆನ್ನಕೇಶವ ಸುವರ್ಣ ಮಾನಾದಿಗೆ ಮಲ್ಪುವೆರ್.
ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ಚಂದ್ರಶೇಖರ ನಾನಿಲ್, ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲದ ಉಪಾಧ್ಯಕ್ಷೆರ್ ಸೂರ್ಯಕಾಂತ್ ಜಯ ಸುವರ್ಣ, ಮುಲ್ಕಿ ಶ್ರೀ ನಾರಾಯಣ ಗುರು ಶಿಕ್ಷಣ ಸಂಸ್ಥೆದ ಆಡಳಿತಾಧಿಕಾರಿ ಡಾ.ವಸಂತ ಕುಮಾರ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆವೆರ್ ಪಂದ್ ಮುಲ್ಕಿ ಬಿಲ್ಲವ ಸಂಘ ಪತ್ರಿಕಾ ಹೇಳಿಕೆಡ್ ತೆರಿಪಾದ್ಂಡ್.

Sri Narayan trust inaugurated at Mulki:

Mulki: Sri Narayan Guru charitable trust set up under the patronage of Mulki Billava Samaj seva Sangha will be inaugurated in Mulki on Saturday June 4th. The program will be presided by Ramesh K Amin the president of Billava Samaj seva Sangha.

The new trust ie the Sri Narayan Guru charitable trust will be inaugurated by Mahesh Kumar commissioner of police Mangalore north. Free books will be distributed to school children by Mahabala Poojary , social worker and the guest of honour at the function. SSLC Student acheivers Akshata Kamath,Viksha Shetty and Vinith Suvarna will be honoured by enterpreneur Chennakeshava Suvarna.

Haleangadi Billava Samaj seva Sangha president Sri Chandrashekhar Sanil, the vice president of the national Billava Mahamandal Suryakant Jaya Suvarna, Dr Vasanth Kumar the Manager of Mulki Sri Narayan Guru educational institutions will be the guests of honour at the program.