Mangalore

20 ದಿನಟ್ 30 ಕೋಟಿರ್ದ್ ಲ ಎಚ್ಚದ ರಾಷ್ಟ್ರಧ್ವಜ ತಯಾರ್: 500 ಕೋಟಿ ರೂ. ಸೇಲ್ !

Aug 16, 2022

ದಿಲ್ಲಿ: ಹರ್ ಘರ್ ತಿರಂಗಾ ಅಭಿಯಾನರ್ದ್ ದೇಶಡ್ ದಾಖಲೆ ಮೊತ್ತದ ರಾಷ್ಟ್ರಧ್ವಜಲು ಮಾರಾಟ ಆತ್ಂಡ್. ಈ ವರ್ಷ 30 ಕೋಟಿರ್ದ್ ಲ ಎಚ್ಚ ರಾಷ್ಟ್ರಧ್ವಜಕ್ಕುಲು ಸೇಲ್ ಆತಿನೆಡ್ದಾವರ 500 ಕೋಟಿ ರೂ. ವಹಿವಾಟು ಆತ್ಂಡ್ ಪಂದ್ ಅಖಿಲ ಭಾರತ ವ್ಯಾಪಾರಿಲೆನ ಒಕ್ಕೂಟ (ಸಿಎಐಟಿ) ಮಾಹಿತಿ ಕೊರ್‍ತೆರ್.

ಹರ್ ಘರ್ ತಿರಂಗಾ ಅಭಿಯಾನಗಾದ್ ಕಾಲಿ 20 ದಿನಟ್ 30 ಕೋಟಿರ್ದ್ ಲ ಎಚ್ಚ ಧ್ವಜ ತಯಾರ್ ಆತ್ಂಡ್. ಉಂದು ಒಂಜಿ ದಾಖಲೆ ಆದಿತ್ತ್ ದ್, ಭಾರತೀಯ ಉದ್ಯಮಿಲೆನ ಸಾಮರ್ಥ್ಯನ್ ಜಗತ್ತ್ ಗ್ ತೋಜ್ಪಾದ್ಂಡ್. 15 ದಿನಟ್ CAIT ಬೊಕ್ಕ ದೇಶಡ್ ಬೇತೆ ಬೇತೆ ಟ್ರೇಡ್ ಸಂಸ್ಥೆ ಲು 3000 ತಿರಂಗ ಕಾರ್ಯಕ್ರಮನ್ ಆಯೋಜನೆ ಮಲ್ತ್ ದ್ಂಡ್ ಪಂದ್ CAIT ತೆರಿಪಾದ್ಂಡ್.

ದ.ಕ ಜಿಲ್ಲೆದ 2 ನೇ ಮಾಮಲ್ಲ ರಾಷ್ಟ್ರ ಕೊಡಿ ಉದಿಪನ; ತೊಕ್ಕೊಟ್ಟುಡು 110 ಅಡಿ ಎತ್ತರಡ್ ರಾವೊಂದುಂಡು 30 ಅಡಿ ಎತ್ತರದ ಬಾವುಟ

Aug 16, 2022

ಉಳ್ಳಾಲ: ದಕ್ಷಿಣ ಕನ್ನಡ ಜಿಲ್ಲೆದ ರಡ್ಡನೇ ಮಾಮಲ್ಲ ಎತ್ತರದ ಧ್ವಜಸ್ತಂಭಡ್ ಸೋಮಾರ ರಾಷ್ಷ್ರ ಧ್ವಜರೋಹಣ ನಡತ್ಂಡ್.

ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಲೆಕ್ಕೊಡು ಉಳ್ಳಾಲ ದ್ವಾರ ತೊಕ್ಕೊಟ್ಟು ಓವರ್ ಬ್ರಿಡ್ಜ್ ಕೈತಲ್ 17.50 ಲಕ್ಷ ರೂಪಾಯಿ ಖರ್ಚಿಡ್ 110 ಅಡಿ ಎತ್ತರದ ಧ್ವಜಸ್ತಂಭ ನಿರ್ಮಾಣ ಆತ್ಂಡ್. ಉಂದೆಟ್ 30 ಅಡಿ ಉದ್ದ , 20 ಅಡಿ ಅಗೆಲದ ತ್ರಿವರ್ಣ ಧ್ವಜನ್ ಪಾಡ್ದಿತ್ತ್ ದ್, ಉಂದೆಟ್ ಶಾಶ್ವತವಾದ್ ದಿನತ್ತ 24 ಗಂಟೆಲ ರಾಷ್ಟ್ರ ಧ್ವಜ ರಾವರೆ ಉಂಡು. ಧ್ವಜ ಪಾಡಿಯರೆ ಗಟ್ಟಿ ಇತ್ತಿನ ಎಲಾಯಿ ಕಂಬನ್ ಗಲಸ್ ದೆರ್. ತುಳುನಾಡ್ ಡ್ ಇಂಚಿನ ನನೊಂಜಿ ಧ್ವಜಸ್ತಂಭ ಕುಡ್ಲದ ವಿಮಾನ ನಿಲ್ದಾಣಡ್ ಉಂಡು.

The second biggest flag post in DK inaugurated: The national flag flies in a 110 feet pole and is 30 feet in length

Ullal: The national flag was hoisted in the second largest pole in DK district on Monday.

On the occasion of the Amrita Mahotsav of the independence day at the Tokkottu over bridge a flag pole measuring 110 feet was installed at a cost of 17.50 lakhs rupees. A flag measuring 30 feet in length and 20 feet width will fly all the time. Another pole of this sort is being planned to be installed in Tulunadu near the Airport.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಪುತ್ತೂರ್ದ ಸುದ್ದಿ | Puttur News

ಪುತ್ತೂರ್ ಸ್ವಾತಂತ್ರ್ಯ ದಿನಾಚರಣೆಗ್ ಬರಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಬರೆಪಾಯಿನ ಶಿಕ್ಷಕೆರ್

Aug 16, 2022

ಪುತ್ತೂರ್: ಸ್ವಾತಂತ್ರ್ಯದ ಅಮೃತ ಉಚ್ಚಯದ ಆಚರಣೆದ ದಿನ ಅಂಬಿಕಾ ವಿದ್ಯಾ ಸಂಸ್ಥೆಡ್ ನಡತಿನ ಲೇಸ್ ಗ್ ಬರಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಪಂದ್ ಬರೆದ್ ಪ್ರಾಂಶುಪಾಲರೆಗ್ ತೊಜ್ಪಾದ್ ಅಯಿಬೊಕ್ಕ ಕ್ಲಾಸ್ ಗ್ ಬರೊಡು ಪಂದ್ ಸೂಚನೆ ಕೊರ್‍ತೆರ್.

ಆಗೋಸ್ಟ್ ೧೫ಕ್ಕ್ ವಿದ್ಯಾಸಂಸ್ಥೆಡ್ ಕಾಂಡೆ ಧ್ವಜಾರೋಹಣ, ಅಮರ್ ಜವಾನ್ ಸ್ಮಾರಕ ಜ್ಯೋತಿ ಕೈತಲ್ ಬೊಕ್ಕ ಬ್ರಹಶ್ರೀ ನಾರಾಯಣಗುರು ಮಂದಿರಡ್ ನಡತಿನ ಲೇಸ್ ಡ್ ಮಾತ ಕಲ್ಪಾರ್ಥಿಲು ಪಾಲ್ ಪಡೆಯೊಡ್ ಪಂದ್ ಸೂಚನೆ ಕೊರ್‍ದಿತ್ತೆರ್. ಆಗೋಸ್ಟ್ ೧೫ಕ್ಕ್ ನಡತಿನ ಲೇಸ್ ಡ್ ಪಾಲ್ ಪಡೆಯಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಘೋಷಣೆನ್ ಬರೆದ್ ಪ್ರಾಂಶುಪಾಲರೆಗ್ ಆ.೧೬ ಕ್ಕ್ ತೊಜ್ಪಾದ್ ಅಯಿಬೊಕ್ಕ ಕ್ಲಾಸ್ ಗ್ ಬರೊಡು ಪಂದ್ ಸಂಸ್ಥೆದ ವಾಟ್ಸಪ್ ಗ್ರೂಪ್ ಮುಖೇನ ಸೂಚನೆ ಕೊರ್‍ತೆರ್. ಕಲ್ಪಾರ್ಥಿಲೆಗ್ ಸ್ವಾತಂತ್ರ್ಯೋಚ್ಚಯದ ಮಹತ್ವದ ಅರಿವು, ಜಾಗೃತಿ ಮೂಡಿಸಾವುನ ಬಗೆಟ್ ಈ ರೀತಿ ಮಲ್ತ್ ದೆರ್ ಪಂದ್ ತೆರಿದ್ ಬೈದ್ಂಡ್.

ಹಳೆಯಂಗಡಿ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲಡ್ ಸ್ವಾತಂತ್ರ್ಯ ದಿನತ್ತ ಅಮೃತ ವರ್ಸದ ಆಚರಣೆ

Aug 16, 2022

ಹಳೆಯಂಗಡಿ : ಸ್ವಾತಂತ್ರ್ಯ ಸಂಗ್ರಾಮಡ್ ತುಳುನಾಡ್ ದ ಮಣ್ಣ್ ಡ್ ತನ್ನ ಜೀವನ್ ತ್ಯಾಗ ಮಲ್ತ್ ದ್ ಪೊರ್ಂಬಾಟ ಮಲ್ತಿನ ವೀರ ಪುರುಷೆರೆನ್ ನೆಂಪು ಮಲ್ತ್ ದ್ ಪೊರ್ಂಬಾಟದ ಬಗೆಟ್ ಜಾಗೃತಿ ಪುಟ್ಟಾವುನ ಬೇಲೆ ಆಯರೆ ಉಂಡು. ಸುಳ್ಯ ರ್ದ್ ಕುಡ್ಲದ ಬಾವುಟಗುಡ್ಡೆ ಮುಟ್ಟ ನಡತಿನ ಕ್ರಾಂತಿಕಾರಿ ಪೊರ್ಂಬಾಟದ ಕತೆನ್ ದುಂಬುದ ಪೀಳಿಗೆಗ್ ಮುಟ್ಟಾವುನ ಬೇಲೆ ಆವೊಡು. ತುಳು ಭಾಷೆಗ್ ಅಧಿಕೃತವಾದ್ ತಾನಮಾನ ತಿಕ್ಕಿಜಿಂಡ ಅಲಿದ್ ಪೋಪಿನ ಭಾಷೆಲೆನ ಸಾಲ್ ಡ್ ತುಳು ಸುರುತ್ತ ತಾನ ಪಡೆಯುನವ್ ಖಂಡಿತ. ಉಂದೆನ್ ಸಂಘ ಸಂಸ್ಥೆಲು ಸರಕಾರದ ಗಮನ ಸೆಳೆಯುನ ಪ್ರಯತ್ನ ಮಲ್ಪೊಡು ಪಂದ್ ಟೈಮ್ಸ್ ಆಫ್ ಕುಡ್ಲ ತುಳು ವಾರಪತ್ರಿಕೆದ ಪ್ರಧಾನ ಸಂಪಾದಕೆರ್ ಎಸ್.ಆರ್.ಬಂಡಿಮಾರ್ ಪಂಡೆರ್.

ಆರ್ ಮೂಲ್ಕಿ ತಾಲೂಕ್ ಹಳೆಯಂಗಡಿದ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಮುತಾಲಿಕೆಡ್ ದೇಶದ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಮಹೋತ್ಸವ ಧ್ವಜಾರೋಹಣ ಮಲ್ತ್ ದ್ ಅಯಿಬೊಕ್ಕ ನಡತಿನ ಸಭಾ ಕಾರ್ಯಕ್ರಮದ ಗುರ್ಕಾರ್ಮೆ ವಹಿಸೊಂದು ಪಾತೆರಿಯೆರ್.

ಯಕ್ಷಗಾನ ಕಲಾವಿದೆರ್ ಹರಿರಾಜ್ ಶೆಟ್ಟಿಗಾರ್ ಪಾತೆರ್ದ್, ದೇಶದ ಸ್ವಾತಂತ್ರ್ಯ ಚಳವಳಿತ್ತ ಅಂಚನೆ ಪರಪೋಕುದ ಬಗೆಟ್ ತೆರಿಪಾಯೆರ್. ಲೇಸ್ ಡ್ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಸಲಹಾ ಸಮಿತಿದ ಅಧ್ಯಕ್ಷೆರ್ ಸದಾಶಿವ ಅಂಚನ್ ಚಿಲಿಂಬಿ, ರಜತ ಸೇವಾ ಟ್ರಸ್ಟ್‌ದ ಪ್ರಧಾನ ಕಾರ್ಯದರ್ಶಿ ಸ್ಟ್ಯಾನಿ ಡಿ ಕೋಸ್ತ, ಪೊಂಜೊವ್ ಲೆನ ಮಂಡಳಿದ ಅಧ್ಯಕ್ಷೆರ್ ರೇಷ್ಮಾ, ಯುವತಿ ಮಂಡಲದ ಉಪಾಧ್ಯಕ್ಷೆರ್ ರಕ್ಷಿತಾ ಶೆಟ್ಟಿ ಇತ್ತೆರ್.

ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಮಿತಿದ ಕಾರ್ಯಾಧ್ಯಕ್ಷೆರ್ ಸುಧಾಕರ ಆರ್. ಅಮೀನ್ ಬಿನ್ನೆರೆನ್ ಎದ್ಕೊನಿಯೆರ್. ಯುವಕ ಮಂಡಲದ ಅಧ್ಯಕ್ಷೆರ್ ಯತೀಶ್ ಕೋಟ್ಯಾನ್ ಸೊಲ್ಮೆ ಸಂದೈತ ಮಲ್ತೆರ್. ಯೋಗೀಶ್ ಪಾವಂಜೆ ಲೇಸ್ ನಿರೂಪಣೆ ಮಲ್ತೆರ್.

ಹಳೆಯಂಗಡಿದ ಬೇತೆ ಬೇತೆ ಶಾಲಾ-ಕಾಲೇಜ್ ದ ಸಂಘ ಸಂಸ್ಥೆದ ಸಾಕಾರಡ್ ಹಳೆಯಂಗಡಿ ಯುವಕ ಮಂಡಲದ ಜಾಗೆಡ್ದ್ ಪಡುಪಣಂಬೂರು ಮುಟ್ಟ ಭವ್ಯ ಮೆರವಣಿಗೆಡ್ ತಿರಂಗ ಯಾತ್ರೆ ನಡತ್ಂಡ್.

Vidya Vinayak Yuvak Mandal,Haleangadi celebrates independence day

The story of the freedom struggle must be made known to the younger generation- S R Bandimar:

Haleangadi : “The story of the freedom struggle especially the freedom fighters of Tulunadu, their heroism, struggle and life must be made known to the younger generation.They must be made aware of the sacrifices of their forefathers to secure our independence.

Tulu language must also get the status it deserves.It is the duty of of the different local associations to bring this to the notice of the government” said S R Bandimar the chief editor of Times of Kudla, Tulu newspaper.

He was speaking after hoisting the national flag on the occasion of the country’s 75 years of independence at Mulki Haleangadi at the function organised by Sri Vidya Vinayak Yuvak Mandal.

Yakshagana artist Hariraj Shettigar, Sri Sadashiv Anchan the president of the advisory committee of the Yuvak Mandal, Stanley D Costa Smt Reshma,smt Rakshita were present on the occasion.

A grand procession was organised by the various schools,colleges and associations after the program.

ಮುಲ್ಲಕಾಡು ಫ್ರೆಂಡ್ಸ್ ಸರ್ಕಲ್ (ರಿ.) ಬೊಕ್ಕ ತುಳುವೆರ್ ಕುಡ್ಲ ಮುಕ್ಲೆನ ಮುತಾಲಿಕೆಡ್ ಎಸ್ ಎಸ್ ಎಲ್ ಸಿ ಪರೀಕ್ಷೆಡ್ ಎಚ್ಚ ಅಂಕ ಪಡೆಯಿನ ಕಲ್ಪಾರ್ಥಿಲೆಗ್ ಮಾನಾದಿಗೆ

Aug 15, 2022

ಮುಲ್ಲಕಾಡು ಫ್ರೆಂಡ್ಸ್ ಸರ್ಕಲ್ (ರಿ.) ಬೊಕ್ಕ ತುಳುವೆರ್ ಕುಡ್ಲ ಮುಕ್ಲೆನ ಮುತಾಲಿಕೆಡ್ ಆಗೋಸ್ಟ್ 14 ತಾರೀಕ್ ಐತಾರದಾನಿ ದಕ್ಷಿಣ ಕನ್ನಡ ಸರಕಾರಿ ಫ್ರೌಡಶಾಲೆ ಮುಲ್ಲಕಾಡು ಮುಲ್ಪದ 2021-22 ನೇ ಸಾಲುದ ಎಸ್ ಎಸ್ ಎಲ್ ಸಿ ಪರೀಕ್ಷೆಡ್ 500 ದೆಡ್ದ್ ಎಚ್ಚ ಅಂಕ ಪಡೆಯಿನ ಕಲ್ಪಾರ್ಥಿಲೆಗ್ ಮಾನಾದಿಗೆ ಬೊಕ್ಕ ತುಳು ಪರೀಕ್ಷೆಡ್ ಎಚ್ಚ ಅಂಕ ಪಡೆಯಿನ ಜೋಕುಲೆಗ್ ಪ್ರಶಸ್ತಿ ಪಟ್ಟುನ ಲೇಸ್ ನಡತ್oಡ್.

ಈ ಲೇಸ್ ಡ್ ಮಲ್ಲ ಬಿನ್ನೆರಾದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರ್ ದಯಾನಂದ ಕತ್ತಲ್ ಸಾರ್, ಸರಕಾರಿ ಪ್ರಾಥಮಿಕ ಶಾಲೆದ ಮಾಜಿ ಮುಖ್ಯೋಪಾಧ್ಯಾಯಿನಿ ಚಂದ್ರಾವತಿ ಬಿ ರೈ, ಮಲ್ಲ ಬಿನ್ನೆರಾದ್ ಸರಕಾರಿ ಫ್ರೌಡ ಶಾಲೆದ ಮುಖ್ಯೋಪಾಧ್ಯೆಯೆರ್ ಉಸ್ಮಾನ್, ವೇಣುಗೋಪಾಲ್, ಕೋಟೆ ಬಬ್ಬುಸ್ವಾಮಿ ದೈವಸ್ಥಾನದ ಪ್ರಧಾನ ಅರ್ಚಕೆರ್ ಗಂಗಯ್ಯ ಗುರಿಕಾರ, ಚಂದು ಗುರಿಕಾರ, ಅಭಿಮನ್ಯು ಫ್ರೆಂಡ್ಸ್ ಸರ್ಕಲ್, ಶ್ರೀ ರಾಮ ಕ್ರಿಕೆಟರ್ಸ್ ದ ಅಧ್ಯಕ್ಷೆರ್ ಇತ್ತೆರ್.

ಮಾಜಿ ಕಾರ್ಪೋರೇಟರ್ ದೀಪಕ್ ಕೆ. ಪೂಜಾರಿ, ಮುಲ್ಲಕಾಡು ಫ್ರೆಂಡ್ಸ್ ಸರ್ಕಲ್ ದ ಅಧ್ಯಕ್ಷೆರ್ ಜನಾರ್ಧನ ಶೆಟ್ಟಿಗಾರ್, ಉಪಾಧ್ಯಕ್ಷೆರ್ ಪ್ರಶಾಂತ್ ಆಳ್ವ, ಪ್ರಧಾನ ಕಾರ್ಯದರ್ಶಿ ಗಣೇಶ್ ಆಳ್ವ, ಪ್ರಧಾನ ಖಜಾಂಚಿ ಪ್ರಸಾದ್ ದೇವಾಡಿಗ, ಸದಸ್ಯೆರಾಯಿನ ಪವನ್ ರಾಜ್, ಸುಜಾತ್ ದೇವಾಡಿಗ, ದಿನೇಶ್ ಆಳ್ವ, ರಾಜೇಶ್, ಪ್ರವೀಣ್, ಕಮಲ್, ಸುಹಾನ್, ರಾಮ ಶೆಟ್ಟಿಗಾರ್, ಸಕೀತ ಲೇಸ್ ಡ್ ಇತ್ತೆರ್.

Mallikarjun Friends Circle (R) and Tuluver Kudla come together to honour SSLC achievers:

Mallikarjun Friends Circle ( R) and Tuluver Kudla came together and organized a program on Sunday ,August 14th to honour achievers in SSLC exams for the year 2021-22 of Kannada government high school, Mullakadu and honoured students who scored a total of more than 500 marks and also students who scored good marks in Tulu language exams .

Dayanand Kattalsar president of Karnataka Tulu Sahitya Academy was the chief guest .
Chandravathi Rai former headmistress of Government secondary school , headmaster Usman, Venugopal were also guests of honour . Many other dignitaries participated in the program.

ಸ್ವಾತಂತ್ರ್ಯ ದಿನತ್ತ ಅಮೃತ ಮಹೋಚ್ಚಯ; ಉಳ್ಳಾಲ ಜನಕ್ಲೆಗ್ ಶಾಸಕೆರ್ ಖಾದರ್ ಮೇರ್ನ ಕೊಡುಗೆ

Aug 15, 2022

ದೇಶಗ್ ಸ್ವಾತಂತ್ರ್ಯ ತಿಕ್ ದ್ ೭೫ನೇ ವರ್ಸದ ಗೌಜಿಡ್ ನಮ ಉಲ್ಲ. ಅಮೃತ ಉಚ್ಚಯದ ಗೌಜಿಡ್ ದೇಶದ ಜನಕುಲು ನೀಂದೊಂದು ಉಲ್ಲೆರ್. ಉಂದುವೇ ಪೊರ್ತುಡು ಕುಡ್ಲ ಕ್ಷೇತ್ರ (ಉಳ್ಳಾಲ) ದ ಜನಕುಲು ಬೇತೆ ಭಾಗದ ಜನಕುಲೆರ್ದ್ ಲ ಎಚ್ಚ ಗೌಜಿಡ್ ೭೫ನೇ ಸ್ವಾತಂತ್ರ್ಯ ದಿನಾಚರಣೆಡ್ ಉಲ್ಲೆರ್. ನೆಕ್ಕ್ ಪೂರ ಕಾರಣ ಕರ್ನಾಟಕ ರಾಜ್ಯದ ಒವ್ವೇ ಕ್ಷೇತ್ರಗ್ ಬರಂದಿನ ಅನುದಾನನ್ ಉಳ್ಳಾಲಗ್ ಕನಪಿನಲ್ಪ ಶಾಸಕೆರ್ ಯು.ಟಿ. ಖಾದರ್ ಯಶಸ್ವಿಯಾತೆರ್.

ಉಳ್ಳಾಲ ತಾಲೂಕು ಘೋಷಣೆನೇ ಅನಿರೀಕ್ಷಿತ ಆದಿತ್ತ್ಂಡ್. ಅವೆಟ್ ಲ ರಾಜ್ಯಡ್ ಎಚ್. ಡಿ ಕುಮಾರಸ್ವಾಮಿ ಮುಖ್ಯಮಂತ್ರಿ ಆತಿನಗ ಅರೆನ ಮುಖೇನನೇ ಉಳ್ಳಾಲ ತಾಲೂಕು ಘೋಷಣೆ ಆದಿತ್ತ್ ದ್, ಅಡ್ಯಾರ್-ಹರೇಕಳ ಕಿಂಡಿ ಅಣೆಕಟ್ಟು ಕಂ ಡ್ಯಾಂ ಮಂಜೂರ್ ಆದಿತ್ತ್ ದ್, ಕಾಂಗ್ರೆಸ್ ಸರ್ಕಾರ ಅವಧಿಡ್ ಮಂಜೂರು ಆದಿತ್ತಿನಾಂಡಲ ಬಿಜೆಪಿ ಸರ್ಕಾರ ಇತ್ತಿನಗ ಅನುಮೋದನೆ ಪಡೆದಿತ್ತ್ ದ್, ಖಾದರ್ ಮೇರ್ ಅಭಿವೃದ್ದಿ ಇಚಾರಡ್ ಏಪಲ ಪಿರ ಜಾರಿನಾರ್ ಅತ್ತ್ ಪನ್ಪಿನೆಕ್ಕ್ ಪ್ರತ್ಯಕ್ಷ ಸಾಕ್ಷಿಯಾತ್ಂಡ್.

ಕುಡ್ಲದ ತೊಕ್ಕೊಟ್ಟುಡು ಭಾರೀ ಮಲ್ಲ ಧ್ವಜಸ್ತಂಭ ನಿರ್ಮಾಣ ಮಲ್ಪಾದೆರ್. ಇನಿ ಮಾಮಲ್ಲ ರಾಷ್ಟ್ರ ಧ್ವಜಾರೋಹಣ ನಡತ್ಂಡ್. ತೊಕ್ಕೊಟ್ ದ ಓವರ್ ಬ್ರಿಡ್ಚ್ ಕೈತಲ್ ನಿರ್ಮಾಣ ಆಯಿನ ೧೧೦ ಅಡಿ ಎತ್ತರದ ಧ್ವಜ ಸ್ತಂಭಡ್ ಧ್ವಜಾರೋಹಣ ಮಲ್ತ್ ದ್ ಪಾತೆರಿನ ಶಾಸಕೆರ್ ಯು. ಟಿ. ಖಾದರ್, “ಈ ಧ್ವಜ ಶಾಶ್ವತವಾದ್ ಇಪ್ಪರೆ ಉಂಡು. ಈ ಧ್ವಜ ರಾಷ್ಟ್ರದ ಸಂಕೇತವಾದ್ ರಾವರೆ ಉಂಡು. ದುಂಬುದ ಪೀಳಿಗೆಗ್ ಮಾರ್ಗ ದರ್ಶನ ಸಂಕೇತ ಆಯರೆ ಉಂಡು. ನಮ ಅಭಿವೃದ್ದಿ ಮಲ್ಪುನೆಕ್ಕ್ ಎಚ್ಚ ಒತ್ತು ಕೊರೊಡ್. ನಮ್ಮ ಮನಸ್ ಡ್ ದ್ವೇಷನ್ ದೆತ್ತ್ ಪಾಡೊಡು. ಜಾತಿ, ಧರ್ಮ ಬುಡ್ದ್ ಒಟ್ಟುಗ್ ಬೇಲೆ ಮಲ್ಪೊಡು.

ಶೈಕ್ಷಣಿಕವಾದ್ ಕ್ಷೇತ್ರ ಬುಲೆದ್ಂಡ್. ಸರಿಯಾದ್ ಪರ್‍ಪಿನ ನೀರ್ ದ ವ್ಯವಸ್ಥೆ ಮುಲ್ಪ ಅವೊಡು. ಅಭಿವೃದ್ಧಿಗ್ ಪೇಂಟೆ, ಗ್ರಾಮ ಪಂಚಾಯತ್ ಒತ್ತು ಕೊರೊಡ್ ಪಂದ್ ಪಂಡೆರ್. ಕಾರ್ಯಕ್ರಮದ ಲೆಕ್ಕೊಡು ಉಳ್ಳಾಲರ್‍ದ್ ಓವರ್ ಬ್ರಿಡ್ಜ್ ಮುಟ್ಟ ಕಲ್ಪಾರ್ಥಿಲೆನ ಮೆರವಣಿಗೆ ನಡತ್ಂಡ್. ಈ ಲೇಸ್ ಡ್ ಎಡ್ಡೆ ರೀತಿಡ್ ಪ್ರದರ್ಶನ ಮಲ್ತಿನ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ತೆರ್.

ಕಾರ್ಯಕ್ರಮಡ್ ನಗರ ಸಭೆ ಅದ್ಯಕ್ಷೆರ್ ಚಿತ್ರಕಲಾ, ಉಪಾಧ್ಯಕ್ಷೆರ್ ಅಯ್ಯೂಬ್ ಮಂಚಿಲ, ಪೌರಾಯುಕ್ತ ವಿದ್ಯಾ ಕಾಳೆ, ತಹಶೀಲ್ದಾರ್ ಗುರುಪ್ರಸಾದ್, ಗ್ರಾಮಕರಣಿಕ ಪ್ರಮೋದ್, ವಿಧಾನ ಪರಿಷತ್ ಸದಸ್ಯ ಬಿಎಂ ಫಾರೂಕ್, ಚಂದ್ರಹಾಸ್ ಪಂಡಿತ್ ಹೌಸ್, ಸಂತೋಷ್ ಬೋಳಿಯಾರ್, ಸತೀಶ್ ಕುಂಪಲ, ಬಾಜಿಲ್ ಡಿಸೋಜ, ಬೇತೆ ಬೇತೆ ಗ್ರಾಮ ಪಂಚಾಯತ್ ದ ಅಧ್ಯಕ್ಷೆರ್, ಸದಸ್ಯೆರ್, ಸಿಬ್ಬಂದಿಲು, ನಗರ ಸಭೆತ್ತ ಕೌನ್ಸಿಲರ್ ಲು, ಬೇತೆ ಬೇತೆ ಸಂಘಟನೆದ ಸದಸ್ಯೆರ್, ಇಲಾಖೆದ ಅಧಿಕಾರಿಲು, ಅಧ್ಯಾಪಕೆರ್ ಕೈತಲ್ ದ ಜನಕುಲು ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯ

Aug 15, 2022

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುಕ್ಲೆನ ಲೆಕ್ಕೊಡು ಭಾರತ ಸ್ವಾತಂತ್ರ್ಯದ ಅಮೃತ ಮಹೋಚ್ಚಯದ ಧ್ವಜಾರೋಹಣ ಕಜ್ಜ ಕಾಂಡೆ ೮.೩೦ಗ್ ಕೊಲ್ಯ ಶ್ರೀ ಶಾರದಾ ಸಭಾ ಸದನದ ಕೈತಲ್ ನಡತ್ಂಡ್.

ನಿವೃತ್ತ ಯೋಧೆರ್ ಕೆ. ಗೋಪಿನಾಥ್ ಕುಂಪಲ ಮೇರ್ ಧ್ವಜಾರೋಹಣ ಮಲ್ತೆರ್. ಕಾರ್ಯಕ್ರಮದ ಗುರ್ಕಾರ್ಮೆನ್ ಆದರ್ಶ ಮಿತ್ರ ಮಂಡಳಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ರಾಯಿನ ಹೇಮಂತ್ ಕುಮಾರ್ ಕೊಲ್ಯ ವಹಿಸೊನ್ಯೆರ್. ಮಲ್ಲ ಬಿನ್ನೆರಾದ್ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವ ಸಮಿತಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ಹರೀಶ್ ಪೂಜಾರಿ ಕೊಲ್ಯ, ಗೌರವಾಧ್ಯಕ್ಷೆರ್ ಸೀತಾರಾಮ ಬಂಗೇರ ಕೊಲ್ಯ ಅಂಚನೆ ಶ್ರೀ ಶಾರದಾ ಮಹಿಳಾ ಮಂಡಳಿ ಕೊಲ್ಯ ಉಂದೆತ್ತ ಅಧ್ಯಕ್ಷೆರ್ ಮಂಜುಳಾ ಬಾಲಕೃಷ್ಣ ಕೊಲ್ಯ ಲೇಸ್ ಡ್ ಇತ್ತೆರ್. ಪ್ರಕಾಶ್ ಎಚ್ ಕೊಲ್ಯ ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್. ಹೃತ್ವಿಕ್ ಕೊಲ್ಯ ಸೊಲ್ಮೆ ಸಂದೈತ ಮಲ್ತೆರ್. ಹರೀಶ್ ಕೊಲ್ಯ ನಿರೂಪಣೆ ಮಲ್ತೆರ್.

(ವರದಿ : ಸಂತೋಷ್ ಅಂಬ್ಲಮೊಗರು)

ಆ. 18 : ತುಳುನಾಡ್ ಡ್ ಅಬತರ ತುಳು ಪಿಚ್ಚರ್ ಬುಡುಗಡೆ

Aug 13, 2022

ಕುಡ್ಲ : ಬೊಳ್ಳಿ ಮೂವೀಸ್ ಬೊಕ್ಕ ಅವಿಕ ಪ್ರೊಡಕ್ಷನ್ ಡ್ ಅರ್ಜುನ್ ಕಾಪಿಕಾಡ್ ನಿರ್ದೇಶನಡ್ ತಯಾರ್ ಆಯಿನ ತುಳು ಪಿಚ್ಚರ್ “ಅಬತರ” ಅಗೋಸ್ಟ್ 18 ಗ್ ಗುರುವಾರ ತುಳುನಾಡ್ ಡ್ ಬುಡುಗಡೆ ಆಯರೆ ಉಂಡು.

ಈ ಬಗೆಟ್ ಇನಿ ಕುಡ್ಲದ ತುಳುಭವನದ ಚಾವಡಿಡ್ ನಡತಿನ ಪತ್ರಿಕಾಗೋಷ್ಠಿಡ್ ಅಬತರ ಪಿಚ್ಚರ್ ದ ನಿರ್ದೇಶಕೆ ಅರ್ಜುನ್ ಕಾಪಿಕಾಡ್ ಪಾತೆರ್ದ್, ಈ ಪಿಚ್ಚರ್ ಕುಡ್ಲದ ಸುತ್ತಮುತ್ತಲ್ ಡ್ ಚಿತ್ರೀಕರಣ ಆತ್oಡ್. ಕೋವಿಡ್ ಇತ್ತಿನೆಡ್ದಾವರ ಪಿಚ್ಚರ್ ಬುಡುಗಡೆ ಆಯರೆ ತಡ ಆoಡ್. ಜನಕ್ಲೆಗ್ ಇಷ್ಟ ಆಪಿಲೆಕ್ಕ ಉಂದು ಸಂಪೂರ್ಣವಾದ್ ಕಾಮಿಡಿ ಇಪ್ಪುನ ಅಂಚನೆ ಸಮಾಜಗ್ ಎಡ್ಡೆ ಸಂದೇಶ ಕೊರ್ಪಿನ ಪಿಚ್ಚರ್ ಆತ್oಡ್. ಪಿಚ್ಚರ್ ಡ್ ಪೆರಿಯ ಕಲಾವಿದೆರ್ ಆಯಿನ ನವೀನ್ ಡಿ ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಈ ಪಿಚ್ಚರ್ ಡ್ ನಟನೆ ಮಲ್ತ್ ದೆರ್. ಅಂಚನೆ ನಾಯಕ ನಟಿಯಾದ್ ಗಾನ ಭಟ್, ಕ್ರಿಸ್ಟಿನಾ ಅಭಿನಯ ಮಲ್ತ್ ದೆರ್. ಅಬತರ ಪಿಚ್ಚರ್ ದ ಬಿನ್ನೆರ್ ಬೈದಿನ ಗೌಜಿಡ್ ಪದ್ಯ ಪಿಚ್ಚರ್ ಬುಡುಗಡೆ ಆಪಿನ ದುಂಬೆ ಯೂಟ್ಯೂಬ್ ಡ್ 5 ಲಕ್ಷರ್ದ್ ಲ ಎಚ್ಚದ ವೀಕ್ಷಣೆ ಆತ್oಡ್ ಪಂದ್ ಪಂಡೆರ್.

ಕುಸಲ್ದರಸೆ ನವೀನ್ ಡಿ ಪಡೀಲ್ ಪಾತೆರ್ದ್, ಅಬತರ ತುಳು ಪಿಚ್ಚರ್ ದ ಕಥೆನ್ ಡಾ| ದೇವದಾಸ್ ಕಾಪಿಕಾಡ್ ಬರೆತೆರ್ ಅಂಚನೆ ತುಳುನಾಡ ಆಕ್ಷನ್ ಕಿಂಗ್ ಅರ್ಜುನ್ ಕಾಪಿಕಾಡ್ ಅಭಿನಯದೊಟ್ಟುಗ್ ಸುರುತ್ತ ಸರ್ತಿ ನಿರ್ದೇಶನ ಮಲ್ತ್ ದೆರ್ ಪಂದ್ ಪಂಡೆರ್.

ಆಕ್ಟರ್ ಸಾಯಿಕೃಷ್ಣ ಪಾತೆರ್ದ್, ಈ ಪಿಚ್ಚರ್ ಡ್ ಛಾಯಾಗ್ರಾಹಕೆರಾದ್ ವಿಷ್ಣು ಪ್ರಸಾದ್, ಜೇಕೋಬ್, ಕಾರ್ಯಕಾರಿ ನಿರ್ಮಾಪಕೆರಾದ್ ಸಂದೀಪ್ ಶೆಟ್ಟಿ ಬೇಲೆ ಮಲ್ತ್ ದೆರ್. ಅoಚನೆ ನಿಖಿಲ್ ಸಾಲ್ಯಾನ್ ನಿರ್ಮಾಪಕೆರಾದ್, ವೀರಾಜ್ ಅತ್ತಾವರ ಸಹ ನಿರ್ಮಾಪಕೆರಾದ್ ಬೇಲೆ ಮಲ್ತ್ ದೆರ್ ಪಂದ್ ಪಂಡೆರ್.

ಅಬತರ ಪಿಚ್ಚರ್ ಕುಡ್ಲದ ರೂಪವಾಣಿ, ಭಾರತ್ ಮಾಲ್, ಸಿನಿಪೊಲಿಸ್, ಪಿವಿಆರ್, ಬೆದ್ರದ ಅಮರಶ್ರೀ, ಬೊಲ್ತೇರ್ ದ ಭಾರತ್ ಟಾಕೀಸ್, ಸುರತ್ಕಲ್ ದ ಸಿನಿಗ್ಯಾಲಕ್ಸಿ, ಒಡಿಪುದ ಕಲ್ಪನಾ, ಮಣಿಪಾಲದ ಭಾರತ್ ಸಿನಿಮಾಸ್, ಐನಾಕ್ಸ್, ಕಾರ್ಲದ ರಾಧಿಕಾ, ಪ್ಲಾನೆಟ್, ಪುತ್ತೂರ್ ದ ಅರುಣಾ, ಸುಳ್ಯದ ಸಂತೋಷ್ ಟಾಕೀಸ್ ಡ್ ಬುಡುಗಡೆ ಆಯರೆ ಉಂಡು.

ಆಗೋಸ್ಟ್ 16 ಬೊಕ್ಕ 17 ಕ್ ಕುಡ್ಲ, ಬೆದ್ರ, ಪುತ್ತೂರ್, ಒಡಿಪು, ಪಡುಬಿದ್ರೆ, ಕಿನ್ನಿಗೋಳಿ, ಗುರುಪುರ, ಕುಲಶೇಖರ ಇಂಚಿನ ಅನಾಥಾಶ್ರಮದ ಜೋಕುಲೆಗ್ ಈ ಪಿಚ್ಚರ್ ನ್ ಉಚಿತವಾದ್ ತೊಜ್ಪಾಯರೆ ಉಲ್ಲೆರ್.

ಪತ್ರಿಕಾಗೋಷ್ಠಿಡ್ ದೇವದಾಸ್ ಕಾಪಿಕಾಡ್ ಮೇರ್ನ ಬೊಡೆದಿ ಶರ್ಮಿಳಾ ಕಾಪಿಕಾಡ್, ಶನಿಲ್ ಕುಮಾರ್, ನಾಯಕಿ ನಟಿ ಗಾನ ಭಟ್, ಕ್ರಿಸ್ಟಿನಾ, ವೀರಾಜ್ ಅತ್ತಾವರ ಇತ್ತೆರ್.

“Abatara” Tulu movie to be released on August 18th

Mangalore: “Abatara” Tulu movie under Bolli movies and Avika productions banner directed by Arjun Kapikad will be released on August 18th.

Speaking at a press conference Arjun Kapikad the director said that the movie had been picturised in and around Mangalore but the release was delayed due to covid protocol.The humorous movie was a complete family picture and an entertainer to the core.

It features the gems of Tulunadu movies Arvind Bolar, Bojaraj y Naveen Padil .The female lead includes Gana Bhat and Christina.A song released on YouTube has secured five lakh likes .

The story is by Dr Devdas Kapikad and Arjun Kapikad the action king is directing it. The choreography is by Vishnu Prasad, and producers are Nikil Salian and Viraj Attavar.

Tt will be shown to children of orphanage on 16th and 17th at Mangalore, Moodbidri, Kinnigoli, Puttur Udupi and Padubidri.

ಕುಡ್ಲ ಮಹಾನಗರ ಪಾಲಿಕೆದ ಮುತಾಲಿಕೆಡ್ ಗೌಜಿದ ಜಾಥಾ

Aug 12, 2022

ಕುಡ್ಲ: ಕುಡ್ಲ ಮಹಾನಗರ ಪಾಲಿಕೆದ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯದ ಲೆಕ್ಕೊಡ್ ನಡತೊಂದ್ ಪೋಪುನ ಜಾಥಾ ನಡತ್ಂಡ್.

ಕುಡ್ಲ ಮಹಾನಗರ ಪಾಲಿಕೆದ ಕಚೇರಿದ ಎದುರು ಗೌಜಿದ ಜಾಥಾಗ್ ಚಾಲನೆ ಕೊರಿಯೆರ್. ಲೇಸ್ ಡ್ ಕುಡ್ಲ ಪೇಂಟೆದ ಕಾಲೇಜ್ ದ ಕಲ್ಪಾರ್ಥಿಲು ಗೌಜಿದ ಜಾಥಾಡ್ ಪಜ್ಜೆ ಪಾಡಿಯೆರ್. ಕುಡ್ಲ ದಕ್ಷಿಣ ಶಾಸಕೆರ್ ವೇದವ್ಯಾಸ್ ಕಾಮತ್, ಮಹಾನಗರ ಪಾಲಿಕೆದ ಅಧಿಕಾರಿಲು ಪಾಲ್ ಪಡೆದಿತ್ತೆರ್.

ಬೊಡೆದಿನೊಟ್ಟುಗು ಲಡಾಯಿ ಮಲ್ತಿನೆಕ್ಕ್ ಯೋಧನ್ ಕೆರಿನ ಬಾವೆ

Aug 12, 2022

ಬಾಗಲಕೋಟೆ: ವನಸ್ ಮಲ್ಪುನ ಪೊರ್ತುಡು ಬೊಡೆದಿನೊಟ್ಟುಗು ಲಡಾಯಿ ಮಲ್ತಿನ ಕಾರಣಗ್ ಯೋಧ ಒರಿಯನ್ ಬೊಡೆದಿನ ಮೆಗ್ಯನೇ ಕೆರಿನ ಘಟನೆ ಗುರುವಾರ ಕತ್ತಲೆಗ್ ಬಾದಾಮಿ ತಾಲೂಕ್ ದ ನೀರಲಕೇರಿ ಗ್ರಾಮಡ್ ನಡತ್ ದ್ಂಡ್.

ಕರಿಸಿದ್ದಪ್ಪ ಕಳಸ (೨೫) ತೀರ್ ಪೋಯಿನ ಯೋಧೆ. ವಿದ್ಯಾ ಪನ್ಪಿನಾರೆನ್ ಮೋಕೆ ಮಲ್ತ್ ದ್ ೨ ವರ್ಷದ ಪಿರವು ಮದಿಮೆ ಆದಿತ್ತೆರ್. ಭಾರತೀಯ ಸೇನೆದ ರಾಜಸ್ಥಾನಡ್ ಬೇಲೆ ಮಲ್ತೊಂದಿತ್ತಿನ ಕರಿಸಿದ್ದಪ್ಪ ರಜೆಟ್ಟ್ ಊರುಗ್ ಬತ್ತಿತ್ತೆರ್. ಕೋಡೆ ಕತ್ತಲೆಗ್ ವನಸ್ ಮಲ್ಪುನ ಪೊರ್ತುಡ್ ಲಡಾಯಿ ಮಲ್ತಿತ್ತೆರ್. ಈ ಇಚಾರನ್ ವಿದ್ಯಾ ಮೆಗ್ಯೆ ಧರಿಗೌಡಗ್ ಪಂದಿತ್ತೆರ್. ಉಂದೆರ್‍ದ ಬೆಚ್ಚ ಆಯಿನ ಮೆಗ್ಯೆ ಇಲ್ಲಗ್ ಬತ್ತ್ ದ್ “ಯನ್ನ ಮೆಗ್ದಿಗ್ ಉಪದ್ರ ಮಲ್ತೊಂದುಲ್ಲನ” ಪಂದ್ ಪ್ರಶ್ನೆ ಮಲ್ತ್ ದ್ ಬಿಸತ್ತಿ ಪಾಡ್ದ್ ಕೆರ್‍ತೆರ್ ಪಂದ್ ದೂರು ದಾಖಲಾತ್ಂಡ್.

Mangalore

20 ದಿನಟ್ 30 ಕೋಟಿರ್ದ್ ಲ ಎಚ್ಚದ ರಾಷ್ಟ್ರಧ್ವಜ ತಯಾರ್: 500 ಕೋಟಿ ರೂ. ಸೇಲ್ !

ದ.ಕ ಜಿಲ್ಲೆದ 2 ನೇ ಮಾಮಲ್ಲ ರಾಷ್ಟ್ರ ಕೊಡಿ ಉದಿಪನ; ತೊಕ್ಕೊಟ್ಟುಡು 110 ಅಡಿ ಎತ್ತರಡ್ ರಾವೊಂದುಂಡು 30 ಅಡಿ ಎತ್ತರದ ಬಾವುಟ

ಪುತ್ತೂರ್ ಸ್ವಾತಂತ್ರ್ಯ ದಿನಾಚರಣೆಗ್ ಬರಂದಿನ ಕಲ್ಪಾರ್ಥಿಲೆಡ ೫೦೦ ಸರ್ತಿ “ಭಾರತ್ ಮಾತಾ ಕೀ ಜೈ” ಬರೆಪಾಯಿನ ಶಿಕ್ಷಕೆರ್

ಹಳೆಯಂಗಡಿ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲಡ್ ಸ್ವಾತಂತ್ರ್ಯ ದಿನತ್ತ ಅಮೃತ ವರ್ಸದ ಆಚರಣೆ

ಸ್ವಾತಂತ್ರ್ಯ ದಿನತ್ತ ಅಮೃತ ಮಹೋಚ್ಚಯ; ಉಳ್ಳಾಲ ಜನಕ್ಲೆಗ್ ಶಾಸಕೆರ್ ಖಾದರ್ ಮೇರ್ನ ಕೊಡುಗೆ

ಆದರ್ಶ ಮಿತ್ರ ಮಂಡಳಿ ಕೊಲ್ಯ ಸೋಮೇಶ್ವರ ಮುತಾಲಿಕೆಡ್ ಸ್ವಾತಂತ್ರ್ಯ ಅಮೃತ ಮಹೋಚ್ಚಯ

ಆ. 18 : ತುಳುನಾಡ್ ಡ್ ಅಬತರ ತುಳು ಪಿಚ್ಚರ್ ಬುಡುಗಡೆ

ಕುಡ್ಲ ಮಹಾನಗರ ಪಾಲಿಕೆದ ಮುತಾಲಿಕೆಡ್ ಗೌಜಿದ ಜಾಥಾ

ಬೊಡೆದಿನೊಟ್ಟುಗು ಲಡಾಯಿ ಮಲ್ತಿನೆಕ್ಕ್ ಯೋಧನ್ ಕೆರಿನ ಬಾವೆ

You Missed

ಆ.02: ಹಳೆಯಂಗಡಿ ಬಿಲ್ಲವ ಸಂಘ, ಯುವವಾಹಿನಿ ಒಟ್ಟುಸೇರಿಗೆಡ್ “ಆಟಿದ ಗೇನ’ ಲೇಸ್

ಕೆಳೆಂಜಿರ್ದ್ ದಿಂಜಿದ್ ಪೊತ್ಂಡ್ ನೀರುಡೆ: ಕೋರಿ ಫಾರಂದ ಮಿತ್ತ್ ಬೆಚ್ಚ ಆಯಿನ ಗ್ರಾಮಸ್ಥೆರ್

ವಿಟ್ಲ ಸ್ವಸ್ತಿಕ್ ಫ್ರೆಂಡ್ಸ್ ಮೊಕ್ಲೆರ್ದ್ ಆಟಿಡೊಂಜಿ ಕೂಟ ಲೇಸ್

ಡಿ ಗ್ರೂಪು ಕೆಲಸಡ್ ಇಪ್ಪುನ ಪೊಂಜೋವುನ ಮಿತ್ತ್ ಲೈಂಗಿಕ ಕಿರುಕುಳ: ಎಪಿಎಂಸಿ ಜಂಟಿ ನಿರ್ದೇಶಕೆರ್ ಸಿ.ಎಚ್ ಮೋಹನ್ ಮಿತ್ತ್ ಕೇಸ್