mangalore gold finch ground

ಕುಡ್ಲಗ್ ಪ್ರಧಾನಿ ಬರ್ಪಿನ ಬಗೆಟ್ ತಯಾರ್ ಆವೊಂದುಂಡು ಗೋಲ್ಡ್ ಫಿಂಚ್ ಸಿಟಿ ಮೈದಾನ

ಕುಡ್ಲ: ಸೆ. 2ಕ್ಕ್ ಪ್ರಧಾನಿ ಮೋದಿ ಕುಡ್ಲಗ್ ಬರ್ಪಿನ ಬಗೆಟ್ ಜಿಲ್ಲಾಡಳಿತ ಭಾರೀ ಸಿದ್ದತೆ ಮಲ್ತೊಂದ್ಂಡು. ಪ್ರಧಾನಿ ಮೆರೆನ ಸಾರ್ವಜನಿಕ ಸಮಾವೇಶಗ್ ಗೋಲ್ಡ್ ಫಿಂಚ್ ಸಿಟಿ ಮೈದಾನ ತಯಾರ್ ಆವೊಂದುಂಡು.

ಸುಮಾರ್ 100 ಎಕ್ರೆ ಇಪ್ಪುನ ಗೋಲ್ಡ್ ಫಿಂಚ್ ಸಿಟಿ ಮೈದಾನನ್ ಸಮಾವೇಶಗಾದ್ ತಯಾರ್ ಮಲ್ತೊಂದುಲ್ಲೆರ್. ಬರ್ಸ ಇಪ್ಪುನೆಡ್ದಾವರ ಮೈದಾನಡ್ ಲಕ್ಷಗಟ್ಲೆ ಜನ ಕುಲ್ಯರೆ ಜಾಗೆಗ್ ಶೀಟ್ ದ ಚಪ್ಪರ ಪಾಡುನ ಬಗೆಟ್ ಯೋಚನೆ ಮಲ್ತೊಂದುಲ್ಲೆರ್. ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್, ಶಾಸಕೆರ್ ವೇದವ್ಯಾಸ ಕಾಮತ್, ಡಾ.ವೈ.ಭರತ್ ಶೆಟ್ಟಿ ಅಂಚೆನೆ ಜಿಲ್ಲಾಧಿಕಾರಿ ರಾಜೇಂದ್ರ, ಕಮಿಷನರ್ ಶಶಿಕುಮಾರ್ ಜಾಗೆಗ್ ಭೇಟಿ ಕೊರ್ದು ಪರಿಶೀಲನೆ ಮಲ್ತೊಂದುಲ್ಲೆರ್.