ಶ್ರೀ ನಾಗಬ್ರಹ್ಮ ಸುಬ್ರಹ್ಮಣೇಶ್ವರ ದೇವಸ್ಥಾನ ಬದನಡಿ : ಬ್ರಹ್ಮಕಲಶೋಚ್ಚಯ
ಬಂಟ್ವಾಳ : ಶ್ರೀ ನಾಗಬ್ರಹ್ಮ ಸುಬ್ರಹ್ಮಣೇಶ್ವರ ದೇವಸ್ಥಾನ ಬದನಡಿಟ್, ತಾರೀಖ್ 10-04-2022ನೇ ಐತಾರ ಕಾಂಡೆ 9.21ಕ್ ಬರ್ಪಿನ ವೃಷಭ ಲಗ್ನ ಸುಮುಹೂರ್ತಡ್ ಧರ್ಮಸ್ಥಳದ ಧರ್ಮಾಧಿಕಾರಿ ರಾಜರ್ಷಿ ಡಿ. ವೀರೇಂದ್ರ ಹೆಗ್ಡೆರ್ ಬೊಕ್ಕ ಶ್ರೀಧಾಮ ಮಾಣಿಲದ ಪರಮಪೂಜ್ಯ ಶ್ರೀ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿಲೆನ ಶುಭಾಶೀರ್ವಾದದೊಟ್ಟುಗು ಶ್ರೀ ನಾಗಬ್ರಹ್ಮ ಸುಬ್ರಹ್ಮಣೇಶ್ವರ ದೇವೆರೆಗ್ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಕ್ಷೇತ್ರದ ತಂತ್ರಿಲಾಯಿನ ಬ್ರಹ್ಮಶ್ರೀ ವೇದಮೂರ್ತಿ ನಡ್ಡಂತಾಡಿ ಶ್ರೀಪಾದ ಪಾಂಗಣ್ಯಾಯದ ಆಚಾರ್ಯತ್ವಡ್ ನಡಪರೆ ಉಂಡು.
ಆ ನೆಲೆಟ್ಟ್ ತಾ. 05-04-2022ರ್ದ್ 10-04-2022ರ ಮುಟ ನಡಪುನ ವೈದಿಕ ಬೊಕ್ಕ ತಾಂತ್ರಿಕ, ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ಗ್ ಬತ್ತ್ ದ್ ಈ ಮಂಗಳ ಉಚ್ಚಯಡ್ ಪಾಲ್ ಪಡೆದ್ ,ಶ್ರೀಮುಡಿ ಗಂಧಪ್ರಸಾದ ಸ್ವೀಕಾರ ಮಲ್ಪೊಡು ಪಂದ್ ಆಡಳಿತ ವರ್ಗದ ಪರವಾದ್ ಬಿನ್ನಾಪು ಮಲ್ದೆರ್.
ತಾರೀಖ್ 05-04-2022ನೇ ಅಂಗಾರೆ ಬಯ್ಯಗ್ 3 ಗಂಟೆಗ್ ಪುದೆಕಾಣಿಕೆ ಸಮರ್ಪಣಾ ಮೆರವಣಿಗೆ ನಡಪರೆ ಉಂಡು ನೆತ್ತ ಉದಿಪನ ನ್ ಪರಮಪೂಜ್ಯ ಶ್ರೀ ಕಮಲಪ್ರಸಾದ ಆಸ್ರಣ್ಣೆರ್ ಮಲ್ಪರೆ ಉಲ್ಲೆರ್.ಸಿದ್ಧಟ್ಟೆಡ್ ಮೆರವಣಿಗೆದ ಉದಿಪನನ್ ವೇದಮೂರ್ತಿ ಕೃಷ್ಣಪ್ರಸಾದ ಅಸ್ರಣ್ಣೆರ್ ನಡಪಾದ್ ಕೊರ್ರೆ ಉಲ್ಲೆರ್.