mahammad samir

ಒಡಿಪು: ಕಂಡ್ ದ್ ಕೊನೊಂದಿತ್ತಿನ ಅನ್ನಭಾಗ್ಯದ ಅರಿತ್ರ ಲಾರಿ ವಶ ಮಲ್ತಿನ ಪೊಲೀಸೆರ್ : ಆರೋಪಿಲು ಅರೆಸ್ಟ್

ಅನ್ನಭಾಗ್ಯದ ಅರಿನ್ ಲಾರಿದ್ ಕಂಡ್ ದ್ ಸಾಗಾಟ ಮಲ್ತೊಂದ್ ಇತ್ತಿನ ಆರೋಪಿಲೆನ್ ಪೊಲೀಸರ್ ಲಾರಿ ಬೊಕ್ಕ ಅರಿನ್ ವಶಕ್ಕ್ ದೆತೊಂದಿನ ಘಟನೆ ಒಡಿಪು ಜಿಲ್ಲೆದ ಬೈ೦ದೂರ್ ಡ್ ನಡತ್ ದ್೦ಡ್.

ಲಾರಿದ ಧನಿ ಮಹಮ್ಮದ್ ಸಮೀರ್ ಬೊಕ್ಕ ಸುನೀಲ್ ಸೇರಿನಂಚನೆ ಮೂಜಿ ಜನ ಆರೋಪಿಲೆನ್ ಪೊಲೀಸೆರ್ ಪತ್ ದೆರ್. ಬೆಂಗ್ಳೂರ್ ದ ಲಾರಿಡ್ ಅಂದಾಜಿ 16,000 ಕೆ.ಜಿ ಅರಿ ಉಂಡು.

ಬೈಂದೂರ್ ಠಾಣೆದ ಡಿ.ವೈ.ಎಸ್.ಪಿ ಶ್ರೀಕಾಂತ್ ಅಂಚನೆ ಪಿ.ಎಸ್.ಐ ಪವನ್ ನಾಯಕ್ ಮುತಾಲಿಕೆದ ತಂಡ ಕಾರ್ಯಾಚರಣೆ ಮಲ್ತ್ ದ್ ವಶಕ್ಕ್ ದೆತೊಂದೆರ್. ಬೈಂದೂರ್ ಠಾಣೆಡ್ ಕೇಸ್ ದಾಖಲಾತ್೦ಡ್.