kudla

ರಿಯಾಝ್ ಫರಂಗಿಪೇಟೆ ಇಲ್ಲಗ್ ಎನ್ಐಎ ರೈಡ್: ರಡ್ಡ್ ಮೊಬೈಲ್, ದಾಖಲೆ ಪತ್ರಲು ವಶಕ್ಕ್

Sep 8, 2022

ಕುಡ್ಲ: ಎಸ್ ಡಿಪಿಐ ನಾಯಕೆ ರಿಯಾಝ್ ಫರಂಗಿಪೇಟೆ ಇಲ್ಲದ ಮಿತ್ತ್ ಬಿಹಾರ ಕೇಸ್ ಒಂಜೆಕ್ಕ್ ಸಂಬಂಧಿಸಾದ್ ರಾಷ್ಟ್ರೀಯ ತನಿಖಾ ದಳ ಇನಿ ಕಾಂಡೆ ಬಂಟ್ವಾಳ ನಗರ ಪೊಲೀಸ್ ಠಾಣಾ ವ್ಯಾಪ್ತಿಡ್ ಇಪ್ಪುನ ಪಾರ್ಲಿಯಾ ಇಲ್ಲಗ್ ದಾಳಿ ಮಲ್ತ್ ದಿತ್ತೆರ್.

ದಾಳಿದ ಪೊರ್ತುಡು ಕೆಲ ದಾಖಲೆ ಪತ್ರ ಅಂಚನೆ ರಿಯಾಝ್ ಫರಂಗಿಪೇಟೆ ಮೆರೆನ ಮೊಬೈಲ್ ಬೊಕ್ಕ ಬೊಡೆದಿನ ಝರಿನಾ ಮೆರೆನ ಮೊಬೈಲ್ ಫೋನ್ ವಶಕ್ಕ್ ದೆತೊಂದೆರ್. ಬಂಟ್ವಾಳ ನಗರ ಪೊಲೀಸೆರ್ ಎನ್.ಐ.ಎ ಕೂಟಗ್ ಸೆಕ್ಯುರಿಟಿ ಕೊರ್ದಿತ್ತೆರ್.

Raid by NIA on the house of Riyaz Farangipate- documents and two mobile phones seized:

Manglore: A raid was conducted on the house of SDPI leader Riyaz Farangipate by the NIA in connection with a case at Parliya in Bantwal taluk.

Some mobile phones, documents and other items were seized. The Bantwal police provided security to the N IA.

ಕಟಪಾಡಿ: ಶ್ರೀ ವಿಶ್ವನಾಥ ಕ್ಷೇತ್ರಡ್ ಸೆ.10 ಕ್ಕ್ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮಿಲೆನ 168ನೇ ಪುಟ್ಟಿನ ದಿನಾಚರಣೆ ಬೊಕ್ಕ ಗುರು ಸಂದೇಶ ಜಾಥ

Sep 8, 2022

ಒಡಿಪುದ ಶ್ರೀ ವಿಶ್ವನಾಥ ಕ್ಷೇತ್ರ ಕಟಪಾಡಿಡ್ ಸೇವಾದಳತ್ತ ಮುತಾಲಿಕೆಡ್ ಸೆ. 10 ತಾರೀಕ್ ಶನಿವಾರದಾನಿ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮಿಲೆನ 168ನೇ ಜಯಂತಿ ಬೊಕ್ಕ ಗುರು ಸಂದೇಶ ಜಾಥ ನಡಪರೆ ಉಂಡು.

ಶ್ರೀ ವಿಶ್ವನಾಥ ಕ್ಷೇತ್ರ ರ್ದ್ ಕಾಂಡೆ 9.30 ಗ್ ಪಿದಡ್ದ್ ಕಟಪಾಡಿರ್ದ್ ಹೈವೇ ಮುಖೇನ ದಕ್ಕೆಗ್ ಬತ್ತ್‌ದ್ ಅಲ್ಪ ರ್ದ್ ಕಟಪಾಡಿ ಪೇಂಟೆಯಾದ್ ಸರ್ವಿಸ್ ಮಾರ್ಗ ಆದ್ ಕಲ್ಲಾಪುಗ್ ಬತ್ತ್‌ದ್, ಶ್ರೀ ಕ್ಷೇತ್ರಗ್ ಪೋಯರೆ ಉಂಡು. ಸಾರ್ವಜನಿಕೆರ್ ಅಂಚನೆ ಗುರುಕ್ಲೆನ ಭಕ್ತೆರ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡ್ ಪಂದ್ ಸೇವಾದಳ ಶ್ರೀ ವಿಶ್ವನಾಥ ಕ್ಷೇತ್ರ ಕಟಪಾಡಿದ ಮಾತ ದಳಪತಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಕುಡ್ಲ ದಕ್ಷಿಣ ವಿಭಾಗದ ಬಿಇಓ ಕಚೇರಿದ ಸೂಪರಿಂಟೆಂಡೆಂಟ್ ಮಡಿಕೇರಿಡ್ ಆತ್ಮಹತ್ಯೆ

Sep 8, 2022

ಕೊಡಗು: ಕುಡ್ಲ ದಕ್ಷಿಣ ವಿಭಾಗದ ಬಿಇಓ, ಸೂಪರಿಂಟೆಂಡೆಂಟ್ ಮಡಿಕೇರಿದ ವಸತಿಗೃಹಟ್ ಬಲ್ಲ್ ಪಾಡ್ದ್ ಆತ್ಮಹತ್ಯೆ ಮಲ್ತಿನ ಘಟನೆ ಮಡಿಕೇರಿ ಪೇಂಟೆದ ಪರ ಬಸ್ ಸ್ಟ್ಯಾಂಡ್ ಕೈತಲ್ ಇಪ್ಪುನ ಶ್ರೀಲಾಡ್ಜ್ ಡ್ ನಡತ್ಂಡ್.

ಬಜ್ಪೆದ ಶಿವಾನಂದ (45) ಆತ್ಮಹತ್ಯೆ ಮಲ್ತಿನಾರ್. ತೀರ್ ಪೋಯಿನೆಕ್ಕ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ. ಮಡಿಕೇರಿ ನಗರ ಠಾಣೆಡ್ ಕೇಸ್ ದಾಖಲಾದಿತ್ತ್‌ದ್, ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.

ಸೆ. 9: ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್‌ಡ್ ತುಳು ಅಧ್ಯಯನ ಕೇಂದ್ರ ಉದಿಪನ

Sep 8, 2022

ಕುಡ್ಲ: ವಿಶ್ವವಿದ್ಯಾನಿಲಯ ಘಟಕ ಕಾಲೇಜ್ ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್ ಹಂಪನಕಟ್ಟೆ ಕುಡ್ಲ ಮುಲ್ಪದ ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ಅಂಚನೆ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್ ಮೊಕುಲೆನ ಒಟ್ಟು ಸೇರಿಗೆಡ್ ಸೆಪ್ಟೆಂಬರ್ 9 ಗ್ ಸುಕ್ರಾರ ವಿ.ವಿ. ಸಂಧ್ಯಾ ಕಾಲೇಜ್ ಡ್ ಶ್ರೀ ಸಂಸ್ಥಾನ ಒಡಿಯೂರು ತುಳು ಆಧ್ಯಯನ ಕೇಂದ್ರ ಉಂದೆತ್ತ ಉದಿಪನ ಲೇಸ್ ನಡಪರೆ ಉಂಡು ಪಂದ್ ಪ್ರಭಾರ ಪ್ರಾಂಶುಪಾಲೆರ್ ಡಾ. ಯತೀಶ್ ಪಂಡೆರ್.

ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನಮ್ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ ಎಡ್ಡೆಪ್ಪುನು ಬಯಕ್ಯೆರ ಉಲ್ಲೆರ್. ಆಯಿಬೊಕ್ಕ ಮಂದಾರ ಅಂಚನೆ ಬಂಗಾರ್ದ ಕುರಲ್ ಬೂಕು ಬುಡುಗಡೆ ಆಯರೆ ಉಂಡು. ಶ್ರೀ ಸಂಸ್ಥಾನ ಒಡಿಯೂರು ತುಳು ಅಧ್ಯಯನ ಕೇಂದ್ರನ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಉದಿಪನ ಮಲ್ಪರೆ ಉಲ್ಲೆರ್.

ಮಲ್ಲ ಬಿನ್ನೆರಾದ್ ಶಾಸಕೆರ್ ಡಾ.ವೈ, ಭರತ್ ಶೆಟ್ಟಿ, ಯು.ಟಿ. ಖಾದರ್, ರಾಜೇಶ್ ನಾಯ್ಕ್, ಸಂಜೀವ ಮಠಂದೂರು, ವಿಧಾನಪರಿಷತ್ ಸದಸ್ಯೆರ್ ಪ್ರತಾಪಸಿಂಹ ನಾಯಕ್, ಕನ್ನಡ ಸಾಹಿತ್ಯ ಪರಿಷತ್ ಮಾಜಿ ಅಧ್ಯಕ್ಷೆರ್ ಡಾ. ಹರಿಕೃಷ್ಣ ಪುನರೂರು, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರ್ ದಯಾನಂದ ಕತ್ತಲಸಾರ್, ನಿಕಟಪೂರ್ವ ತುಳು ಅಕಾಡೆಮಿ ಅಧ್ಯಕ್ಷೆರ್ ಎ.ಸಿ.ಭಂಡಾರಿ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.

ಸೆ.10 ತಾರೀಕ್ ಗ್ ನಾರಾಯಣ ಗುರು ಸಂದೇಶ ಯಾತ್ರೆ: ವಿಶ್ವಾಸ್ ಕುಮಾರ್ ದಾಸ್

Sep 8, 2022

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗ ವಿಭಾಗದ ಮುತಾಲಿಕೆಡ್ ಸೆಪ್ಟೆಂಬರ್ 10ಕ್ಕ್ ಸನಿಯಾರ ಕಾಂಡೆ 9.30 ಗ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಜಯಂತಿ ಉತ್ಸವದ ನಿಲೆಟ್ಟ್ ಗುರು ಸಂದೇಶ ಯಾತ್ರೆ ನಡಪರೆ ಉಂಡು ಪಂದ್ ಜಿಲ್ಲಾ ಹಿಂದುಳಿದ ವರ್ಗ ವಿಭಾಗದ ಅಧ್ಯಕ್ಷೆರ್ ವಿಶ್ವಾಸ್ ಕುಮಾರ್ ದಾಸ್ ಪಂಡೆರ್.

ಈ ಬಗೆಟ್ ಕುಡ್ಲದ ಕಾಂಗ್ರೆಸ್ ಕಚೇರಿಡ್ ನಡತಿನ ಸುದ್ದಿಗೋಷ್ಟಿಡ್ ಪಾತೆರಿನ ಆರ್, ಈ ಯಾತ್ರೆ ಕುಡ್ಲ ಸೆಂಟ್ರಲ್ ರೈಲ್ವೆ ನಿಲ್ದಾಣರ್ದ್ ಪಿದಡ್ದ್ ಕೆ.ಎಸ್.ರಾವ್ ರಸ್ತೆ, ಗೋವಿಂದ ಪೈ ಸರ್ಕಲ್, ಡೊಂಗರಕೇರಿ, ನ್ಯೂಚಿತ್ರ, ಅಳಕೆಗ್ ಪೋದು ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ಕ್ಷೇತ್ರಡ್ ನಾರಾಯಣ ಗುರು ಸ್ವಾಮಿಲೆಗ್ ಪೂಜೆ ಮಲ್ಪುನೊಟ್ಟುಗು ಮುಗಿಯರೆ ಉಂಡು ಪಂದ್ ಪೆರಿಪಾಯೆರ್. ಸುದ್ಧಿಗೋಷ್ಠಿಡ್ ಕಾಂಗ್ರೆಸ್ ಮುಖಂಡೆರ್ ಇತ್ತೆರ್.

ಬಾಲೆ ತಸ್ವಿನ ಚಿಕಿತ್ಸೆಗ್ ಪಣವುದ ಸಕಾಯ ಮಲ್ಪುಲೆ

Sep 8, 2022

ನನಾತೆ ಪ್ರಪಂಚದ ಬೊಲ್ಪುನು ತೂವೊಡಾಯಿನ ಒಂಜಿ ವರುಷ ಮೂಜಿ ತಿಂಗೊಲ್ದ ಬಾಲೆ ತಸ್ವಿ. ಈ ಬಾಲೆ ಇತ್ತೆ ಸಾವು ಬದ್‌ಕ್ ದ ನಡುಟ್ಟು ಆಸ್ಪತ್ರೆಡ್ ಉಂಡು.

ಬಜ್ಪೆ ಕರ್ಂಬಾರ್ ದ ರಿಕ್ಷಾ ಡ್ರೈವರ್ ದನಂಜಯ ಬೊಕ್ಕ ರೇವತಿ ಪನ್ಪಿನ ದಂಪತಿಲೆನ ಈ ಕಿನ್ಯ ಬಾಲೆ ಆಕಸ್ಮಿಕವಾದ್ ಬೆಚ್ಚ ಗಂಜಿದ ತೇಲಿ ನೀರ್ ಮೈಕ್ ಬೂರ್ದ್ ಭಾಗಶಃ ಪೊತ್ತ್ ದ್ ಪೋತುಂಡು. ಕುಡ್ಲದ ಫಾದರ್ ಮುಲ್ಲರ್ ಆಸ್ಪತ್ರೆದ ಐಸಿಯು ವಿಭಾಗಡ್ ಜೀವನ್ಮರಣ ಸ್ಥಿತಿಟ್ ಪೊರ್ಂಬಾಟ ಮಲ್ತೊಂದುಂಡ್. ಈ ಬಾಲೆದ ಜೀವ ಒರಿಯೊಡಾಂಡ ಲಕ್ಷಾಂತರ ರೂಪಾಯಿ ಬೋಡಾಪುಂಡ್. ಅಂಚಾದ್ ನಮ್ಮ ಕಷ್ಟ ಕಾಲೊಡ್ ನಮ ಲೆತ್ತಿನಡೆಗ್ ಬರ್ಪಿನ ರಿಕ್ಷಾ ಡ್ರೈವರ್‍ನ ಬಾಲೆದ ಕಷ್ಟೊಗು ನಮ ಮಾತ ಪಣವುದ ಸಕಾರ ಮಲ್ಪುಗ.

ಧನಂಜಯ
CANARA BANK
A/c No: 02472250004838 IFSC : CNRB0010247
ಗೂಗಲ್ ಪೇ-ಧನು ಪೂಜಾರಿ: 8792685377

ತುಳುನಾಡ್‌ಡ್ ಭಾರೀ ಗೌಜಿಡ್ ಆಚರಣೆ ಮಲ್ತೊಂದುಲ್ಲೆರ್ ಕೊರಲ್ ಪರ್ಬ

Sep 8, 2022

ಕುಡ್ಲ: ಇನಿ ತುಳುನಾಡ್‌ದ ಕ್ರೈಸ್ತ ಕುಟುಂಬದಕುಲು ಒಟ್ಟು ಸೇರ್ದ್ ಆಚರಣೆ ಮಲ್ಪುನ ಕೊರಲ್ ಪರ್ಬ ಪಂಡ ಮೊಂತಿ ಫೆಸ್ತ್.

ಕೊರೊನಾರ್‍ದಾವರ ರಡ್ಡ್ ವರ್ಷ ಮೊಂತಿ ಫೆಸ್ತ್ ಪರ್ಬ ತುಳುನಾಡ್‌ಡ್ ಇಜ್ಜಾಂಡ್. ಆಂಡ ಈ ಸರ್ತಿ ತುಳುನಾಡ್ ಅಂಚನೆ ಕಾಸ್ರೋಡ್ ಜಿಲ್ಲೆಲೆಡ್ ಎಚ್ಚದ ಸಂಖ್ಯೆಡ್ ಕ್ರೈಸ್ತ ಸಮುದಾಯ ಗೌಜಿಡ್ ಪರ್ಬನ್ ಆಚರಣೆ ಮಲ್ತೊಂದುಲ್ಲೆರ್.

ಮಾನವೀಯತೆದ ಮಾಮಲ್ಲ ಮೂರ್ತಿ ಅಪ್ಪೆ ಮೇರಿನ ಪುಟ್ಟುಪರ್ಬ ಅಂಚೆನೆ ಕೊರಲ್ ಪರ್ಬದ ಈ ಪೊರ್ತುಡು ಮಾತಾ ಕ್ರಿಶ್ಚಿಯನ್ ಬಂಧುಲು ಮೊಂತಿ ಫೆಸ್ತ್ ನ್ ಆಚರಣೆ ಮಲ್ಪುವೆರ್.

ಇನಿ ಕುಟುಂಬದ ಸದಸ್ಯೆರ್‍ನ ನಡುಟ್ ಒವ್ವೇ ರೀತಿದ ಮನಸ್ತಾಪ ಇತ್ತ್ಂಡಲ ಮಾತೆನ್ಲ ಮರತ್ತ್‌ದ್ ಒಟ್ಟು ಸೇರ್ದ್ ತೆನೆ ವನಸ್ ನ್ ಪಲ್ಪುನ ಪರಂಪರೆ ಮೊಂತಿ ಫೆಸ್ತ್ ಪರ್ಬಗ್ ಉಂಡು. ತುಳುನಾಡ್‌ದ ಮಾತ ಚರ್ಚ್‌ಲೆಡ್ ಇನಿ ಮೊಂತಿ ಫೆಸ್ತ್‌ನ್ ಭಾರೀ ಗೌಜಿಡ್ ಆಚರಣೆ ಮಲ್ತೆರ್. ಕುರಲ್, ಕರ್ಂಬು ಭಕ್ತೆರೆಗ್ ಪ್ರಸಾದ ರೀತಿಡ್ ಪಟ್ಟಿಯೆರ್.

Nativity festival celebrated with tradition and pomp in Tulunadu.

Manglore: The Christians are celebrating the Nativity festival with pomp all over Tulunadu today.

For the past two years the celebration was in a small scale due to covid 19 restrictions.

It is celebrated to commorate the birth day of Mother Mary and in the coastal regions it is also celebrated as a day to bring in and offer the Lord the farm produce.Family members get together and celebrate with gaiety. Churches all over Tulunadu have prayers to celebrate Nativity festival.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಬಸ್‌ರ್ದ್ ಒರಿಯನ್ ನೂಕುದ್ ಪಿದಯಿ ಪಾಡಿನ ಕಂಡೆಕ್ಟರ್

Sep 8, 2022

ಪುತ್ತೂರ್: ಗಂಗಸರ ಪರ್ದ್ ಬಸ್ ಮಿತರಿಯೆ ಪನ್ಪಿನ ಕಾರಣಗ್ ಒರಿಯನ್ ಕೆಎಸ್‌ಆರ್‌ಟಿಸಿ ಬಸ್ ಕಂಡೆಕ್ಟರ್ ಕಾರ್‌ಡ್ ದೊಂಕುದ್ ಪಿದಯಿ ಪಾಡ್ದಿನ ಘಟನೆ ಪುತ್ತೂರ್ ತಾಲೂಕ್ ದ ಈಶ್ವರಮಂಗಲ ಪೇಂಟೆದ ಜಂಕ್ಷನ್ ಡ್ ನಡತ್ಂಡ್.

ಕೆಎ 21 ಎಫ್ 0002 ನಂಬರ್‌ದ ಬಸ್ ಕಂಡೆಕ್ಟರ್ ಕಾರ್ ಡ್ ನೂಕುದ್ ಬಸ್ ರ್ದ್ ಪಿದಯ್ ಪಾಡ್ದಿನ ವಿಡಿಯೋ ಇತ್ತೆ ಸಾಮಾಜಿಕ ಜಾಲತಾಣಡ್ ವೈರಲ್ ಆವೊಂದುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬೊಲ್ತೇರ್ ಡ್ “ಬರೆಕ ನಮ ತುಳು ಲಿಪಿ” ಅಭಿಯಾನ

Sep 8, 2022

ಬೊಲ್ತೇರ್: ಬರೆಕ ನಮ ತುಳು ಲಿಪಿ ಅಭಿಯಾನ ಬೊಲ್ತೇರ್ ತಾಲೂಕ್ ದ ಕೊಜಪಾಡಿ ಜಾಗೆಡ್ ನಡತ್ಂಡ್.

ಈ ಲೇಸ್ ದ ಅಧ್ಯಕ್ಷೆತೆನ್ ಶಾಂತರಾಜ್ ಜೈನ್ ವಹಿಸೊಂದು ಇತ್ತೆರ್. ಬಿನ್ನೆರಾದ್ ಸ್ಟಾರ್ ಯುವಕ ಮಂಡಲ ಕಾರ್ಯದರ್ಶಿ ನಾಗೇಶ್, ತುಳುವೆರ್ ಕುಡ್ಲ (ರಿ.) ಮಹಿಳಾ ಘಟಕದ ಅಧ್ಯಕ್ಷೆರ್ ಪೂಜಾ ಶೆಟ್ಟಿ, ತುಳು ಲಿಪಿ ಕಲ್ಪಾದಿ ಗೌತಮ್, ಅಂಗನವಾಡಿದ ಶಿಕ್ಷಕಿ ಪ್ರತಿಭಾ ಶೆಟ್ಟಿ ಲೇಸ್ ಡ್ ಇತ್ತೆರ್.

“Bareka Nama Tulu Lipi” Abyan at Bheltangady

This program ” Bareka Nama Tulu Lipi” was conducted at Kojapadi in Bheltangady taluk.

The program was presided by Shantiraj Jain.The chief guest was Nagesh, Secretary of Star Youth Association and Pooja Shetty president of the women’s wing of Tuluvere Kudla (R). The teacher of Tulu Lipi Gautam and Anganwadi teacher Prathiba were present on the occasion.

ಕಾರ್ಲ: ಬಲ್ಲ್ ಪಾಡ್ದ್ ಆತ್ಮಹತ್ಯೆ ಮಲ್ತಿನ ನಿಟ್ಟೆದ ಪೊಂಜೊವು

Sep 7, 2022

ಕಾರ್ಲ: ತಾಲೂಕ್ ದ ನಿಟ್ಟೆ ಗ್ರಾಮದ ಪರ್ಪಲೆ ಪನ್ಪಿನಲ್ಪ ಪೊಂಜೊವು ಒರ್ತಿ ಬಲ್ಲ್ ಪಾಡ್ದ್ ಆತ್ಮಹತ್ಯೆ ಮಲ್ತಿನ ಘಟನೆ ನಡತ್ಂಡ್.

ಜಾರ್ಜ್ ಡಿ’ಸೋಜಾ ಮೆರೆನ ಮಗಲ್ ರೆನಿಟಾ(32) ಆತ್ಮಹತ್ಯೆ ಮಲ್ತಿನಾರ್. ರೆನಿಟಾ ಮೆರೆಗ್ 11 ವರ್ಷದ ಪಿರ ಮುಲ್ಕಿದ ಕಿರಣ್‌ನೊಟ್ಟುಗ್ ಮದಿಮೆಯಾದಿತ್ತ್‌ದ್, ಮದಿಮೆಯಾದ್ 6 ವರ್ಷಡೇ ಕೋರ್ಟುಡು ಡಿವೋರ್ಸ್ ಆದಿತ್ತ್ಂಡ್. ರೆನಿಟಾ ಮೇರ್ ಕರಿನ 2-3 ದಿನರ್‍ದ್ ತರೆ ಬೇನೆ ಆವೊಂದುಂಡು ಪಂದ್ ಪಂಡ್‌ದಿತ್ತೆರ್. ಕೋಡೆ ಬಲ್ಲ್ ಪಾರ್‍ದ್ ಆತ್ಮಹತ್ಯೆ ಮಲ್ತ್‌ದೆರ್. ಕಾರ್ಲ ಗ್ರಾಮಾಂತರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

kudla

ರಿಯಾಝ್ ಫರಂಗಿಪೇಟೆ ಇಲ್ಲಗ್ ಎನ್ಐಎ ರೈಡ್: ರಡ್ಡ್ ಮೊಬೈಲ್, ದಾಖಲೆ ಪತ್ರಲು ವಶಕ್ಕ್

ಕುಡ್ಲ ದಕ್ಷಿಣ ವಿಭಾಗದ ಬಿಇಓ ಕಚೇರಿದ ಸೂಪರಿಂಟೆಂಡೆಂಟ್ ಮಡಿಕೇರಿಡ್ ಆತ್ಮಹತ್ಯೆ

ಸೆ. 9: ಕುಡ್ಲ ವಿ.ವಿ ಸಂಧ್ಯಾ ಕಾಲೇಜ್‌ಡ್ ತುಳು ಅಧ್ಯಯನ ಕೇಂದ್ರ ಉದಿಪನ

ಸೆ.10 ತಾರೀಕ್ ಗ್ ನಾರಾಯಣ ಗುರು ಸಂದೇಶ ಯಾತ್ರೆ: ವಿಶ್ವಾಸ್ ಕುಮಾರ್ ದಾಸ್

ಬಾಲೆ ತಸ್ವಿನ ಚಿಕಿತ್ಸೆಗ್ ಪಣವುದ ಸಕಾಯ ಮಲ್ಪುಲೆ

ತುಳುನಾಡ್‌ಡ್ ಭಾರೀ ಗೌಜಿಡ್ ಆಚರಣೆ ಮಲ್ತೊಂದುಲ್ಲೆರ್ ಕೊರಲ್ ಪರ್ಬ

ಬಸ್‌ರ್ದ್ ಒರಿಯನ್ ನೂಕುದ್ ಪಿದಯಿ ಪಾಡಿನ ಕಂಡೆಕ್ಟರ್

ಬೊಲ್ತೇರ್ ಡ್ “ಬರೆಕ ನಮ ತುಳು ಲಿಪಿ” ಅಭಿಯಾನ

ಕಾರ್ಲ: ಬಲ್ಲ್ ಪಾಡ್ದ್ ಆತ್ಮಹತ್ಯೆ ಮಲ್ತಿನ ನಿಟ್ಟೆದ ಪೊಂಜೊವು

You Missed

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಯುವವಾಹಿನಿ (ರಿ) ಹಳೆಯಂಗಡಿ ಘಟಕದ ನಿರೆಲ್‌ಡ್ “ಆಟಿದ ಗೇನ” ಲೇಸ್

ಆ.15: ಪುಣೆ ತುಳುಕೂಟ(ರಿ.)ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್ -2026

ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 45ನೇ ವರ್ಷೊದ ಚೌತಿ ಪರ್ಬದ ಲೆಪ್ಪೋಲೆ ಬುಡುಗಡೆ

ಕಲ್ಯಾಣ್ ತುಳುನಾಡ ತುಳುವೆರ್ ಕೂಟದ ಪೊಂಜೊವುಲೆರ್ದ್ ” ಪಗೆಲ್ಡ್ ಅಗೆಲ್ ” ಲೇಸ್