kudla

ಒಂಜಿ ತಿಂಗೊಲ್ ನಡಪರೆ ಉಂಡು ಅಯೋಧ್ಯೆದ ಶ್ರೀ ರಾಮ ಮಂದಿರದ ಉದಿಪನ ಲೇಸ್

Sep 14, 2022

ಅಯೋಧ್ಯೆಡ್ ಭಗವಾನ್ ಶ್ರೀ ರಾಮ ಮಂದಿರದ ಉದಿಪನ ಲೇಸ್ 2024 ಜನವರಿ 14-15 ರ್‍ದ್ ಸುರು ಆದ್ ಒಂಜಿ ತಿಂಗೊಲ್‌ದ ಕಾಲ ನಡಪರೆ ಉಂಡು.

ದೇವಾಲಯದ ನಿರ್ಮಾಣ 2023ತ್ತ ಕಡೆಕ್ಕ್ ಮುಗಿಯರೆ ಉಂಡು. ಆಂಡ ಭಕ್ತೆರೆಗ್ ಪೂಜೆ ಕೊರಿಯರೆ ಒಂತೆ ಪೊರ್ತು ಬೋಡಾಪುಂಡು ಪಂದ್ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ದ ಪ್ರಧಾನ ಕಾರ್ಯದರ್ಶಿ ಚಂಪತ್ ರಾಯ್ ಮಾಹಿತಿ ಕೊರ್ತೆರ್.

ಸುರತ್ಕಲ್ ಟೋಲ್ ಗೇಟ್ ದೆಪ್ಪರೆ ಸಾರ್ವಜನಿಕೆರ್ನ ಪ್ರತಿಭಟನೆಅ.18 ತಾರೀಕ್ ಗ್ ಗಡು ದೀಯಿನ ಪೊರ್ಂಬಾಟಗಾರೆರ್

Sep 13, 2022

ಸುರತ್ಕಲ್: ಸರ್ಕಾರ ಸುರತ್ಕಲ್ ದ ಅಕ್ರಮ ಟೋಲ್‌ಗೇಟ್ ದೆಪ್ಪರೆ ದಿನ ನೆಕ್ಕಿ ಮಲ್ಪುಲೆ, ಇಜ್ಜಿಂಡ ಉಂದುವೇ ಅಕ್ಟೋಬರ್ 18ಗ್ ಸುರತ್ಕಲ್ ಟೋಲ್‌ಗೇಟ್ ದೆಪ್ಪುನ ಕಾರ್ಯಾಚರಣೆ ನಡಪರೆ ಉಂಡು ಪಂದ್ ಸುರತ್ಕಲ್ ಟೋಲ್ ಗೇಟ್ ವಿರೋಧಿ ಸಮಿತಿದಕುಲು ತೆರಿಪಾದೆರ್.

ನ್ಯಾಷನಲ್ ಹೈವೇ 66ತ್ತ ಎನ್‌ಐಟಿಕೆ ಕೈತಲ್ ಉಪ್ಪುನ ಟೋಲ್‌ಗೇಟ್‌ನ್ ದೆಪ್ಪರೆ ತಾರೀಕ್ ಘೋಷಣೆ ಮಲ್ಪೊಡು ಪಂದ್ ಆಗ್ರಹಿಸಾದ್ ಸಮಾನ ಮನಸ್ಕ ಸಂಘಟನೆದ ಮುತಾಲಿಕೆಡ್ ಸಾಮೂಹಿಕ ಧರಣಿ ಕಾರ್ಯಕ್ರಮ ಅಂಗಾರೆ ಟೋಲ್‌ಗೇಟ್ ಕೈತಲ್ ನಡತ್ಂಡ್.

ಕಾಂಡೆ 10 ಗಂಟೆಗ್ ಈ ಧರಣಿ ಸುರು ಆತ್ಂಡ್. ಸುರತ್ಕಲ್ ಟೋಲ್‌ಗೇಟ್ ವಿರೋಧಿ ಹೋರಾಟ ಸಮಿತಿ ಆಯೋಜನೆ ಮಲ್ತಿನ ಈ ಧರಣಿಡ್ ಪ್ರಮುಖೆರ್ ಆಯಿನ ಮುನೀರ್ ಕಾಟಿಪಳ್ಳ, ದಿನೇಶ್ ಹೆಗ್ಡೆ ಉಳೇಪಾಡಿ, ಮೊಯ್ದೀನ್ ಬಾವ, ಮಿಥುನ್ ರೈ, ಪಿ ವಿ ಮೋಹನ್, ಪ್ರತಿಭಾ ಕುಳಾಯಿ, ಇಮ್ತಿಯಾಝ್, ಪುರುಷೋತ್ತಮ ಚಿತ್ರಾಪುರ, ಎಂ ಜಿ ಹೆಗ್ಡೆ, ಶೇಖರ್ ಹೆಗ್ಡೆ ಪಾಲ್ ಪಡೆದಿತ್ತೆರ್. ಟೋಲ್‌ಗೇಟ್ ನ್ ದೆಪ್ಪುನ ಪಂದ್ ಭರವಸೆ ಕೊರಿನ ರಾಷ್ಟ್ರೀಯ ಹೆದ್ದಾರಿ ಇಲಾಖೆ ಅಧಿಕಾರಿಲು ನನಲ ದಿನ ಮಲ್ಪಂದೆ ಜನಕ್ಲೆರ್ದ್ ಟೋಲ್‌ ಶುಲ್ಕನ್ ದೆತೊನೊಂದು ಉಲ್ಲೆರ್.

Public agitation to remove toll gate at Suratkal: The last date set for October 18th.

Suratkal: The toll plaza set up by the government at Suratkal is illegal and has to be removed or it will be forcibly removed said representatives of Suratkal toll gate opposition samithi.They have set the deadline for October 18th.
A demonstration was arranged on Tuesday jointly by many organisations under the leadership of

ಚಿತ್ರಾಪು, ಕೊಳಚಿಕಂಬುಲಡ್ ಗೋಲ್ಡನ್ ಸ್ಟಾರ್ ಗಣೇಶ್ ನ “ಬಾನ ದಾರಿಯಲ್ಲಿ” ಪಿಚ್ಚರ್ ಶೂಟಿಂಗ್

Sep 13, 2022

ಮಲ್ಲ ನಿರ್ದೇಶಕೆರ್ ಪ್ರೀತಂ ಗುಬ್ಬಿ ನಿರ್ದೇಶನೊಡು ಗೋಲ್ಡನ್ ಸ್ಟಾರ್ ಗಣೇಶ್ ಬೊಕ್ಕ ರುಕ್ಮಿಣಿ ವಸಂತ್ ಅಭಿನಯ ಮಲ್ಪುನ ” ಬಾನ ದಾರಿಯಲ್ಲಿ ” ಪಿಚ್ಚರ್ ದ ಶೂಟಿಂಗ್ ಮುಲ್ಕಿ ಕೈತಲ್ದ ಮಂತ್ರ ಸರ್ಫಿಂಗ್ ಪರಿಸರ, ಚಿತ್ರಾಪು ಪರಿಸರೊಡು ಶೂಟಿಂಗ್ ಇಂಚೊಗು ನಡತ್ಂಡ್.

ಶ್ರೀ ವಾರಿ ಟಾಕೀಸ್ ಲಾಂಛನಡ್ ತಯಾರಾಪಿನ ಈ ಸಿನಿಮಾಡ್ ನಾಯಕೆ ಗಣೇಶ್ ಕ್ರಿಕೆಟ್ ಪ್ಲೇಯರ್ ಅಂಚೆನೆ ನಾಯಕಿ ರುಕ್ಮಿಣಿ ಸ್ವಿಮ್ಮರ್ ಆದ್ ಅಭಿನಯ ಮಲ್ತೊಂದು ಕೆಲವು ಸ್ಪೋರ್ಟ್ಸ್ ಗೇಮ್ಸ್ ದ ಶೂಟಿಂಗ್ ನಡತ್ಂಡ್.

ಬೆಂಗಳೂರುಡು ಸುರೂತ್ತ ಹಂತದ ಶೂಟಿಂಗ್ ಆದ್ ಕುಡ್ಲದ ಮುಲ್ಕಿ ಪರಿಸರಡ್ 2ನೇ ಹಂತದ ಶೂಟಿಂಗ್ ನಡತ್ಂಡ್. ಆಫ್ರಿಕಾಡ್ ಮೂಜಿನೇ ಹಂತ ಶೂಟಿಂಗ್ ನಡಪರೆ ಉಂಡು ಪಂದ್ ಕೂಟದಕುಲು ತೆರಿಪಾದೆರ್. ಈ ಪಿಚ್ಚರ್ ಡ್ ರೀಶ್ಮಾ ನಾಣಯ್ಯ, ರಂಗಾಯಣ ರಘು ಇಂಚಿನ ಮಾತ ಮಲ್ಲ ಕಲಾವಿದೆರ್ ಅಭಿನಯ ಮಲ್ದೆರ್.

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ ಪದ್ಯದ ಒಂಜಿ ಸಾಲ್ “ಬಾನ ದಾರಿಯಲ್ಲಿ” ಟೈಟಲ್ ಈ ಪಿಚ್ಚರ್ ದ ವಿಶೇಷ.

ದ.ಕ. ಜಿಲ್ಲಾ ನಿವೃತ್ತ ಸರಕಾರಿ ನೌಕೆರೆರ್‍ನ ಸಂಘದ 2022-23ನೇ ಸಾಲ್‌ದ ಅಧ್ಯಕ್ಷೆರಾದ್ ಆಯ್ಕೆಯಾಯಿನ ಎನ್. ಸೀತಾರಾಮ

Sep 13, 2022

ದ.ಕ. ಜಿಲ್ಲಾ ನಿವೃತ್ತ ಸರಕಾರಿ ನೌಕೆರೆರ್‍ನ ಸಂಘದ 2022-23ನೇ ಸಾಲ್‌ದ ಅಧ್ಯಕ್ಷೆರಾದ್ ಎನ್. ಸೀತಾರಾಮ ಆಯ್ಕೆಯಾತೆರ್.

ಗೌರವಾಧ್ಯಕ್ಷೆರಾದ್ ಬಿ. ಉಮೇಶ್ ಕುಮಾರ್, ಉಪಾಧ್ಯಕ್ಷೆರಾದ್ ಎನ್. ರಾಮಚಂದ್ರ ಭಟ್ ಬೊಕ್ಕ ಜಲಜಾಕ್ಷಿ ಕುಲಾಲ್ ಪಿ., ಪ್ರಧಾನ ಕಾರ್ಯದರ್ಶಿಯಾದ್ ಕೆ. ಎನ್. ರಮೇಶ್, ಜೊತೆ ಕಾರ್ಯದರ್ಶಿಯಾದ್ ಹೆರಾಲ್ಡ್ ಫ್ರಾಂಕ್, ಕೋಶಾಧಿಕಾರಿಯಾದ್ ಎಂ.ಎಲ್. ಜಯಂತಿ ಆಯ್ಕೆಯಾತೆರ್. ಕಾರ್ಯಕಾರಿ ಸಮಿತಿದ ಸದಸ್ಯೆರಾದ್ ಕೆ. ರಾಮರಾವ್, ಬಿ. ಕೃಷ್ಣಮೂರ್ತಿ, ಬಿ.ಎಂ. ರಾಜಗೋಪಾಲ್, ಎಸ್. ರಾಮಚಂದ್ರ, ಅನಂತರಾಮ ಹೇರಳೆ, ಎಂ. ದಿವಾಕರ, ಅನಂತಕೃಷ್ಣ ನಾಯ್ಕ, ರಘುವೀರ ಭಂಡಾರಿ, ಕೆ. ಗೋಪಾಲ, ಎಂ. ರಾಮಚಂದ್ರರಾವ್, ಮಾಲತಿ ಶೆಣೈ, ಲಲಿತಾ ಶೆಟ್ಟಿ ಅಂಚನೆ ರತ್ನ ಆಯ್ಕೆಯಾತೆರ್.

ಶಿರ್ವ: ಕರೆಂಟ್ ಕಂಬ ಕೊನೊಂದಿಪ್ಪುನಗ ಕಾರ್ ತಾಂಟ್‌ದ್ ನಾಲ್ ಕಾರ್ಮಿಕೆರೆಗ್ ಪೆಟ್ಟ್

Sep 13, 2022

ಶಿರ್ವದ ಬೆಳ್ಮಣ್ ಮಾರ್ಗಡ್ ವಿದ್ಯಾ ಲೇಔಟ್ ಕೈತಲ್ ಕರೆಂಟ್ ಟ್ರಾನ್ಸ್ ಫಾರ್ಮರ್ ನ್ ಪಾಡ್ಯರ ಮೆಸ್ಕಾಂ ಬೇಲೆದಕುಲು ಕಂಬನ್ ಕೊನನಗ ಕಾರ್ ಒಂಜಿ ಬತ್ತ್‌ದ್ ಗುದ್ದ್‌ದ್ ನಾಲ್ ಕಾರ್ಮಿಕೆರೆಗ್ ಪೆಟ್ಟ್ ಆಯಿನ ಘಟನೆ ಶಿರ್ವದ ನ್ಯಾರ್ಮ ಸಂಕದ ಕೈತಲ್ ನಡತ್ಂಡ್.

ಮಾರ್ಗ ಬಂದ್ ಮಲ್ತ್‌ದ್ ಕಾರ್ಮಿಕೆರ್ ಕಂಬನ್ ಕೊನನಗ ಬೀಸಡ್ ಬತ್ತಿನ ಕಾರ್ ಕಂಬಗ್ ತಾಂಟ್‌ದ್ ನಾಲ್ ಕಾರ್ಮಿಕೆರೆಗ್ ಪೆಟ್ಟ್ ಆತ್ಂಡ್. ಕಂಬ ಕಾರ್‌ದ ಮಿತ್ತ್ ಬೂರ್‍ದಿನೆಡ್ದಾವರ ದಾಲ ತೊಂದರೆ ಆತಿಜಿ. ಪೆಟ್ಟ್ ಆತಿನ ಕಾರ್ಮಿಕೆರೆನ್ ಶಿರ್ವ ಸಮುದಾಯ ಆರೋಗ್ಯ ಕೇಂದ್ರಗ್ ದಾಖಲ್ ಮಲ್ತ್‌ದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News

ಸಮಾಜ ಸೇವಕೆರ್ ಸದಾಶಿವ ಎ.ಕರ್ಕೇರ ಮೇರೆಗ್ ಆಜಾದಿ ಕಿ ಅಮೃತ ಮಹೋತ್ಸವ ಪುರಸ್ಕಾರ

Sep 13, 2022

ಪೀಪಲ್ಸ್ ಆರ್ಟ್ಸ್ ಸೆಂಟರ್ (ರಿ.) ಬೊಂಬಾಯಿ ಮೊಕ್ಲೆನ ಲೆಕ್ಕೊಡು ಆಜಾದಿ ಕಿ ಅಮೃತ ಮಹೋತ್ಸವ ಪುರಸ್ಕಾರ ಕೊರ್ಪಿನ ಲೇಸ್ ಅಗೋಸ್ಟ್ 28 ತಾರೀಕ್‌ಗ್ ಹೋಟೆಲ್ ಅವಿನೋ ವೈಲ್ ಪರ್ಲ್ ಡ್ ನಡತ್ಂಡ್.

ಸಮಾಜ ಸೇವಕೆರ್ ಆಯಿನ ಸದಾಶಿವ ಎ.ಕರ್ಕೇರ ಮೇರೆಗ್ ಆಜಾದಿ ಕಿ ಅಮೃತ ಮಹೋತ್ಸವ ಪುರಸ್ಕಾರನ್ ಮಹಾರಾಷ್ಟ್ರ ವಿಧಾನಸಭೆತ್ತ ಗೌರವಾನ್ವಿತ ಸ್ಪೀಕರ್ ಆಯಿನ ರಾಹುಲ್ ಎಸ್ ನಾರ್ವೇಕರ್ ಕೊರ್ದು ಅಭಿನಂದನೆ ಮಲ್ತೆರ್.

Azadi ka Amrut Mahotsav Puraskar award- given to social worker Sadashiv A Karkera.

People Arts Center (R) Mumbai had organised a program on the 28 th of August to give away the Azadi ka Amrut Mahotsav Puraskar

The award was presented to social worker Sadashiv A Karkera by the speaker of Maharashtra assembly Rahul S Narvekar.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಕೊಹಿನೂರ್ ವಜ್ರನ್ ಬ್ರಿಟನ್‌ರ್ದ್ ಪಿರ ಕನಲೆ: ರಾಷ್ಟ್ರಪತಿಗ್ ಮನವಿ

Sep 13, 2022

ಭುವನೇಶ್ವರ: ಕೊಹಿನೂರ್ ವಜ್ರ ಜಗನ್ನಾಥ ದೇವಲ್ಯಗ್ ಸೇರ್‍ದಿನವ್, ಬ್ರಿಟನ್‌ರ್ದ್ ಅವೆನ್ ಪಿರ ಕನಲೆ ಪಂದ್ ಒಡಿಶಾದ ಸಾಮಾಜಿಕ-ಸಾಂಸ್ಕೃತಿಕ ಸಂಸ್ಥೆ ರಾಷ್ಟ್ರಪತಿಗ್ ಮನವಿ ಮಲ್ತ್‌ದ್ಂಡ್.

ಬ್ರಿಟನ್ ರಾಣಿ ಎಲಿಜಬೆತ್ ತೀರ್ ಪೋಯಿಬೊಕ್ಕ ಅರೆನ ಪೆರಿಯ ಮಗೆ ಪ್ರಿನ್ಸ್ ಚಾರ್ಲ್ಸ್ ಬ್ರಿಟನ್ ರಾಜನಾದ್ ಅಧಿಕಾರ ವಹಿಸೊಂದೆರ್. ನಿಯಮದ ಪ್ರಕಾರ, 105 ಕ್ಯಾರೆಟ್ ವಜ್ರ ಇಪ್ಪುನ ಕಿರೀಟನ್ ಚಾರ್ಲ್ಸ್ ಬೊಡೆದಿ ಕಾರ್ನ್ವಾಲ್ ಕ್ಯಾಮಿಲ್ಲಾ ಮೇರ್ ಪಾಡಿಯರೆ ಉಲ್ಲೆರ್. ಆಂಡ ಅವೆನ್ ಇತ್ತೆ ಪಿರ ಕನಲೆ ಪಂದ್ ಒಡಿಶಾದ ಸಾಮಾಜಿಕ-ಸಾಂಸ್ಕೃತಿಕ ಸಂಸ್ಥೆ ರಾಷ್ಟ್ರಪತಿಗ್ ಮನವಿ ಮಲ್ತ್‌ದೆರ್.

Bring back the Kohinoor- An appeal to the President of India.

Bhuvaneshwar: The Orissa Social- Cultural association has sent an appeal to the President requesting him to get back the Kohinoor diamond to India as it rightfully belongs to the Jagannath temple.
This comes at the backdrop of the demise of Queen Elizabeth of England and Prince Charles is now the King.

ಪೋವೊಂದಿತ್ತಿನ ರೈಲ್‌ ಬರ್ತರೆ ಪೋದ್ ತೀರ್ ಪೋಯೆರ್ ಅಮ್ಮೆ ಬೊಕ್ಕ ಮಗೆ

Sep 13, 2022

ಶಿವಮೊಗ್ಗ: ಪೋವೊಂದಿತ್ತಿನ ರೈಲ್ ಬರ್ತರೆ ಪೋದ್ ಪ್ಲಾಟ್ ಫಾರಂ ರ್ದ್ ತಿರ್ತ್ ಬೂರ್ದು ಅಮ್ಮೆ ಬೊಕ್ಕ ಮಗೆ ತೀರ್ ಪೋಯಿನ ಘಟನೆ ಜಿಲ್ಲೆದ ಭದ್ರಾವತಿ ರೈಲ್ವೆ ನಿಲ್ದಾಣದ ಪ್ಲಾಟ್ ಫಾರಂ 1ಟ್ ನಡತ್ಂಡ್.

ಮೋಹನ್ ಪ್ರಸಾದ್ (70) ಬೊಕ್ಕ ಅಮರನಾಥ (30) ತೀರ್ ಪೋಯಿನಕುಲು. ರೈಲ್ ಬರ್ತ್‌ನಗ ಕಾರ್ ಜಾರ್‌ದ್ ತಿರ್ತ್ ಬೂರ್ದ್ ತಾಳಗುಪ್ಪ-ಬೆಂಗ್ಲೂರ್-ಮೈಸೂರ್ ಎಕ್ಸ್‌ಪ್ರೆಸ್ ರೈಲ್‌ಗ್ ತಿಕ್ಕ್‌ದ್ ಬೂರ್‍ದ್ ಅಮ್ಮೆ ಬೊಕ್ಕ ಮಗೆ ತೀರ್ ಪೋತೆರ್. ಶಿವಮೊಗ್ಗ ರೈಲ್ವೆ ಪೊಲೀಸ್ ಠಾಣೆಡ್ ಕೇಸ್ ದಾಖಲಾತ್ಂಡ್.

ಸೆ.24 : ಕುಡ್ಲಡ್ ಯಕ್ಷ ಕೂಟ ಮುಚ್ಚೂರು ಮುತಾಲಿಕೆಡ್ “ದೇವಿ ಹೇ ಪಾವನ ಚರಿತೆ” ಗೌಜಿದ ಯಕ್ಷಗಾನ

Sep 13, 2022

ಕುಡ್ಲ: ಯಕ್ಷ ಕೂಟ ಮುಚ್ಚೂರು ಮುತಾಲಿಕೆಡ್ ತೆಂಕುತಿಟ್ಟ್‌ದ ಪುಗರ್ತೆದ ಕಲಾವಿದೆರ್‍ನ ಒಟ್ಟುಸೇರಿಗೆಡ್ “ದೇವಿ ಹೇ ಪಾವನ ಚರಿತೆ” ಪನ್ಪಿನ ಯಕ್ಷಗಾನ ಸೆಪ್ಟೆಂಬರ್ 24 ತಾರೀಕ್ ಸನಿವಾರದಾನಿ ರಾತ್ರೆ 9 ಗಂಟೆಗ್ ಕುಡ್ಲದ ಪುರಭವನಡ್ ನಡಪರೆ ಉಂಡು.

ಪಾವಂಜೆ ಮೇಳದ ಪುಗರ್ತೆದ ಕಲಾವಿದೆರ್ ಆಯಿನ ಡಿ. ಮಾಧವ ಬಂಗೇರ ಕೊಳತ್ತಮಜಲು ಬೊಕ್ಕ ದಿಗಿಣ ವೀರ ಲೋಕೇಶ್ ಮುಚ್ಚೂರು ಮೊಕ್ಲೆನ ಸಂಚಾಲಕತ್ವೊಡು ನಡಪುನ ಈ ಯಕ್ಷಗಾನ ಪ್ರದರ್ಶನೊಡು 55 ಜನ ಕಲಾವಿದೆರ್ ಪಾಲ್ ಪಡೆದ್ 65 ವೇಷದ ಕಲಾ ಪೂಜೆ ಮಲ್ಪರೆ ಉಲ್ಲೆರ್. ಪುಗರ್ತೆದ ಪಂಚ ಭಾಗವತೆರ್‍ನ ಗಾನ ಸುಧೆದ ಒರುಟ್ಟ್ “ದೇವಿ ಹೇ ಪಾವನ ಚರಿತೆ” ಪ್ರಸಂಗ ಸುರು ಆಯರೆ ಉಂಡು. ಈ ಆಟೊಗು ಟಿಕೆಟ್ ಇತ್ತ್‌ದ್ ಫಸ್ಟ್ ಕ್ಲಾಸ್ -1000, ಸೆಕೆಂಡ್ ಕ್ಲಾಸ್ -500 ಅಂಚನೆ ಬಾಲ್ಕನಿ 300 ರೂ. ಟಿಕೆಟ್‌ದ ಬಿಲೆ ಉಂಡು.

ಕಾರ್ಲ: ಬಸ್ ಬೊಕ್ಕ ಪಿಕಪ್ ಗಾಡಿ ತಾಂಟ್‌ದ್ ಡ್ರೈವರ್ ತೀರ್ ಪೋಯೆರ್

Sep 13, 2022

ಕಾರ್ಲ ತಾಲೂಕು ಹಿರ್ಗಾನದ ದುಗ್ಗನರಾಯ ಚಡವುಡ್ ಖಾಸಗಿ ಬಸ್ ಅಂಚನೆ ಪಿಕಪ್ ತಾಂಟ್‌ದ್ ಪಿಕಪ್ ಡ್ರೈವರ್ ತೀರ್ ಪೋಯಿನ ಘಟನೆ ನಡತ್ಂಡ್.

ಪಿಕಪ್ ಡ್ರೈವರ್ ಸಂತೋಷ್ ನಾಯಕ್ ತೀರ್ ಪೋಯಿನಾರ್. ಹೆಬ್ರಿರ್ದ್ ಬೆಂಗ್ಲೂರ್‌ದಂಚಿ ಪೋವೊಂದಿತ್ತಿನ ಬಸ್, ಹಿರ್ಗಾನರ್ದ್ ನೆಲ್ಲಿಕಟ್ಟೆದಂಚಿ ಪೋವೊಂದಿತ್ತಿನ ಪಿಕಪ್ ಗ್ ತಾಂಟ್‌ದ್ಂಡ್. ಕಾರ್ಲ ಪೇಂಟೆದ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

kudla

ಒಂಜಿ ತಿಂಗೊಲ್ ನಡಪರೆ ಉಂಡು ಅಯೋಧ್ಯೆದ ಶ್ರೀ ರಾಮ ಮಂದಿರದ ಉದಿಪನ ಲೇಸ್

ಸುರತ್ಕಲ್ ಟೋಲ್ ಗೇಟ್ ದೆಪ್ಪರೆ ಸಾರ್ವಜನಿಕೆರ್ನ ಪ್ರತಿಭಟನೆಅ.18 ತಾರೀಕ್ ಗ್ ಗಡು ದೀಯಿನ ಪೊರ್ಂಬಾಟಗಾರೆರ್

ಚಿತ್ರಾಪು, ಕೊಳಚಿಕಂಬುಲಡ್ ಗೋಲ್ಡನ್ ಸ್ಟಾರ್ ಗಣೇಶ್ ನ “ಬಾನ ದಾರಿಯಲ್ಲಿ” ಪಿಚ್ಚರ್ ಶೂಟಿಂಗ್

ದ.ಕ. ಜಿಲ್ಲಾ ನಿವೃತ್ತ ಸರಕಾರಿ ನೌಕೆರೆರ್‍ನ ಸಂಘದ 2022-23ನೇ ಸಾಲ್‌ದ ಅಧ್ಯಕ್ಷೆರಾದ್ ಆಯ್ಕೆಯಾಯಿನ ಎನ್. ಸೀತಾರಾಮ

ಶಿರ್ವ: ಕರೆಂಟ್ ಕಂಬ ಕೊನೊಂದಿಪ್ಪುನಗ ಕಾರ್ ತಾಂಟ್‌ದ್ ನಾಲ್ ಕಾರ್ಮಿಕೆರೆಗ್ ಪೆಟ್ಟ್

ಸಮಾಜ ಸೇವಕೆರ್ ಸದಾಶಿವ ಎ.ಕರ್ಕೇರ ಮೇರೆಗ್ ಆಜಾದಿ ಕಿ ಅಮೃತ ಮಹೋತ್ಸವ ಪುರಸ್ಕಾರ

ಕೊಹಿನೂರ್ ವಜ್ರನ್ ಬ್ರಿಟನ್‌ರ್ದ್ ಪಿರ ಕನಲೆ: ರಾಷ್ಟ್ರಪತಿಗ್ ಮನವಿ

ಪೋವೊಂದಿತ್ತಿನ ರೈಲ್‌ ಬರ್ತರೆ ಪೋದ್ ತೀರ್ ಪೋಯೆರ್ ಅಮ್ಮೆ ಬೊಕ್ಕ ಮಗೆ

ಸೆ.24 : ಕುಡ್ಲಡ್ ಯಕ್ಷ ಕೂಟ ಮುಚ್ಚೂರು ಮುತಾಲಿಕೆಡ್ “ದೇವಿ ಹೇ ಪಾವನ ಚರಿತೆ” ಗೌಜಿದ ಯಕ್ಷಗಾನ

ಕಾರ್ಲ: ಬಸ್ ಬೊಕ್ಕ ಪಿಕಪ್ ಗಾಡಿ ತಾಂಟ್‌ದ್ ಡ್ರೈವರ್ ತೀರ್ ಪೋಯೆರ್

You Missed

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಯುವವಾಹಿನಿ (ರಿ) ಹಳೆಯಂಗಡಿ ಘಟಕದ ನಿರೆಲ್‌ಡ್ “ಆಟಿದ ಗೇನ” ಲೇಸ್

ಆ.15: ಪುಣೆ ತುಳುಕೂಟ(ರಿ.)ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್ -2026

ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 45ನೇ ವರ್ಷೊದ ಚೌತಿ ಪರ್ಬದ ಲೆಪ್ಪೋಲೆ ಬುಡುಗಡೆ

ಕಲ್ಯಾಣ್ ತುಳುನಾಡ ತುಳುವೆರ್ ಕೂಟದ ಪೊಂಜೊವುಲೆರ್ದ್ ” ಪಗೆಲ್ಡ್ ಅಗೆಲ್ ” ಲೇಸ್