kudla degree

ಕೇರಳಡ್ ಕೋವಿಡ್ ಜಾಸ್ತಿ ಆಯಿನ ನೆಲೆಟ್ಟ್  ವಿವಿ ಪದವಿ ಪರೀಕ್ಷೆ ದುಂಬು ಪಾರ್ದಿನವು ಸರಿಯಾಯಿನ ಕ್ರಮ ಅತ್ತ್ : ರಘುಪತಿ ಭಟ್

ಒಡಿಪು : ಕೇರಳಡ್ ಕೋವಿಡ್ ಜಾಸ್ತಿ ಆಯಿನ ನೆಲೆಟ್ಟ್ ಮಂಗಳೂರು ವಿಶ್ವವಿದ್ಯಾನಿಲಯ ಪದವಿ(ಡಿಗ್ರಿ) ಪರೀಕ್ಷೆ ದುಂಬು ಪಾರ್ದಿನವು ಸರಿಯಾಯಿನ ಕ್ರಮ ಅತ್ತ್ . ಅಲ್ಪದ ಜೋಕ್ಲೆಗಾದ್ ಪದವಿ ಪರೀಕ್ಷೆ ದುಂಬು ಪಾರ್ದಿನೆರ್ದಾವರ ನಮ್ಮ ಭಾಗದ ಜೋಕ್ಲೆಗ್ ಅನ್ಯಾಯ ಮಲ್ತಿಲಕ ಆಪುಂಡು . ಪದವಿ ಪರೀಕ್ಷೆ ನಡಪಾವೊಡು ಪಂದ್ ಯಾನ್ ಆಗ್ರಹ ಮಲ್ಪುವೆ ಪಂದ್ ರಘುಪತಿ ಭಟ್ ಪಂಡೆರ್.

ನಮ್ಮ ಭಾಗದ ಜೋಕುಲು ಇತ್ತೆ ಪರೀಕ್ಷೆಗ್ ತಯಾರಿ ಮಲ್ದೆರ್, ಪರೀಕ್ಷೆ ನಡಪಾವಂದೆ ಇತ್ತುಂಡ ಅಕ್ಲೆನ ದುಂಬುದ ಉನ್ನತ ವ್ಯಾಸಂಗಗ್ ಬಂಗ ಆಪುಂಡು ಪಂದ್ ಪಂಡೆರ್ .ಇತ್ತೆ ಪರೀಕ್ಷೆ ದುಂಬು ಪಾಡoದೆ ನಡಪಾದ್ ಕೇರಳದ ಜೋಕ್ಲೆಗ್ ಬೊಕ್ಕ ಬೇತೆನೇ ಪರೀಕ್ಷೆದ ವ್ಯವಸ್ಥೆ ಮಲ್ಪೊಲಿ ಪಂದ್ ಟ್ವೀಟ್ ಮಲ್ದೆರ್ .