Kotekar News

ಶಾಸಕೆರ್ ಯು.ಟಿ.ಖಾದರ್ ಅನುದಾನರ್ದ್ ಕೋಟೆಕಾರ್‌ಡ್ ಆಟೋ ಸ್ಟ್ಯಾಂಡ್‌ಗ್ ಕೆಸರ್ ಕಲ್ಲ್ ಪಾಡುನ ಲೇಸ್

ಕುಡ್ಲ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಯು.ಟಿ.ಖಾದರ್ ಮೆರೆನ ಪ್ರದೇಶಾಭಿವೃದ್ಧಿ ಯೋಜನೆದ ಅನುದಾನರ್ದ್ ಕೋಟೆಕಾರ್ ಆಟೋ ಸ್ಟ್ಯಾಂಡ್ ನಿರ್ಮಾಣಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ನಡತ್ಂಡ್.

ಉಳ್ಳಾಲ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಸದಾಶಿವ ಉಳ್ಳಾಲ್ ಆಟೋ ಸ್ಟ್ಯಾಂಡ್‌ಗ್ ಕೇಸರ್ ಕಲ್ಲ್ ಪಾಡಿಯೆರ್. ಆಯಿಬೊಕ್ಕ ಪಾತೆರಿನ ಆರ್, ಕೋಟೆಕಾರು ರಿಕ್ಷಾ ಡ್ರೈವರ್‌ನಕುಲು ಶಾಸಕೆರ್ ಯು.ಟಿ.ಖಾದರ್ ಮೆರೆಡ ಆಟೋ ಸ್ಟ್ಯಾಂಡ್ ಬೋಡು ಪಂದ್ ಬಿನ್ನಾಪು ಮಲ್ತಿನಪಗ ಅಕ್ಲೆನ ಬಿನ್ನಾಪುಗ್ ಒತ್ತೊಂದು ಆಟೋ ಸ್ಟ್ಯಾಂಡ್ ಮಲ್ಪರೆ ಅನುದಾನ ಕೊರ್ತೆರ್ ಪಂದ್ ಪಂಡೆರ್.

ಈ ಪೊರ್ತುಡು ಸಲ್ಮಾನ್ ಇನ್ಫ್ರಾಸ್ಟ್ರಕ್ಚರ್ಸ್ ದ ಧನಿ ಮೊಹಮ್ಮದ್ ಮಸೂದ್ ಚಿಕ್ಕಮಗಳೂರು, ಕೆ.ಪಿ.ಸಿ.ಸಿ ಕಾರ್ಯದರ್ಶಿ ಸುರೇಖಾ ಚಂದ್ರಹಾಸ್, ಉಳ್ಳಾಲ ಬ್ಲಾಕ್ ಕಾಂಗ್ರೆಸ್ ಮಹಿಳಾ ಅಧ್ಯಕ್ಷೆರ್ ಚಂದ್ರಿಕಾ ರೈ, ದೀಪಕ್ ಪಿಲಾರ್, ಬಾಸ್ಕರ್ ಗಟ್ಟಿ, ಸುಕುಮಾರ್ ಗಟ್ಟಿ ಸೇರಿನಂಚನೆ ಮಸ್ತ್ ಜನ ಲೇಸ್‌ಡ್ ಇತ್ತೆರ್.