kolya

ಎ.10 ಕ್ಕ್ ಕೊಲ್ಯಡ್ ಲೋಕಾರ್ಪಣೆ ಆಯರೇ ಉಂಡು ಭವ್ಯವಾಯಿನ ಕುಲಾಲ ಭವನ

ಕುಡ್ಲ : ಕುಲಾಲ ಸಂಘದ ವತಿರ್ದ್ ಸೋಮೇಶ್ವರ ಕೊಲ್ಯಡ್ ಕಟ್ಟಿನ ಕುಲಾಲ ಸಮುದಾಯ ಭವನದ ಲೋಕಾರ್ಪಣೆ ಏ.10ಕ್ಕ್ ಕಾಂಡೆ 10.30ಕ್ ನಡಪರೆ ಉಂಡು .ಕಾಂಡೆ 7 ಗಂಟೆಗ್ ಗಣಹೋಮ ಆದ್ ಐರ್ದ್ ಬೊಕ್ಕ , ಶಾಸಕ ಯು.ಟಿ.ಖಾದರ್ ಸಭಾಂಗಣ ಉದಿಪನ ಮಲ್ಪರೆ ಉಲ್ಲೆರ್ .

ಮಾಣಿಲ ಶ್ರೀಧಾಮದ ಮೋಹನದಾಸ ಪರಮಹಂಸ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್ . ಕುಲಾಲ ಸಂಘದ ಗುರ್ಕಾರ್ಲಾಯಿನ ಬಿ.ಭಾಸ್ಕರ ಕುತ್ತಾರು ಗುರ್ಕಾರ್ಮೆ ವಹಿಸರೆ ಉಲ್ಲೆರ್ . ಸಂಸದ ನಳಿನ್ ಕುಮಾರ್ ಕಟೀಲ್ ಸಭಾ ಕಾರ್ಯಕ್ರಮ ಉದಿಪನ ಮಲ್ಪರೆ ಉಲ್ಲೆರ್ . ಜಿಲ್ಲಾ ಉಸ್ತುವಾರಿ ಸಚಿವ ಸುನಿಲ್ ಕುಮಾರ್, ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ಜನಪ್ರತಿನಿಧಿನಕುಲು ಉದ್ಯಮಿಲು,, ಸಮುದಾಯದ ಮುಖಂಡೆರ್ ಪಾಲ್ ಪಡೆಯರೇ ಉಲ್ಲೆರ್ ಪಂದ್ ಕಟ್ಟಡ ನಿರ್ಮಾಣ ಸಮಿತಿ ಗುರ್ಕಾರ್ಲಾಯಿನ ಅನಿಲ್ ದಾಸ್ ಅಂಬಿಕಾರೋಡ್ ಪಂಡೆರ್.

₹ 2.5 ಕೋಟಿ ಪಣವುದ ವೆಚ್ಚಡ್ ಕಟ್ಟಿನ ಭವನ , ಶಾಸಕೆರ್ನ ಮುಖೇನ ₹ 80 ಲಕ್ಷ ಅನುದಾನ ಬೈದುಂಡು . ತಿರ್ತ್ 500 ಆಸನದ ವ್ಯವಸ್ಥೆ, ಸುರುತ ಮಹಡಿಡ್ 900 ಆಸನದ ವ್ಯವಸ್ಥೆ ಉಂಡು .