Karnataka News

ಇನಿರ್ದ್ ಶಾಲೆ ಸುರು: ಸ್ಲೇಟ್ ಪುಸ್ತಕನ್ ಪತೊಂದ್ ಪಜ್ಜೆ ಪಾಡಿನ ಜೋಕುಲ್

ಕುಡ್ಲ: ಇನಿರ್ದ್ ಜೋಕುಲೆಗ್ ಶಾಲೆಲು ಸುರು ಆತ್ಂಡ್. ಜೋಕುಲ್ ಸುರುತ್ತ ದಿನ ಶಾಲೆಗ್ ಬನ್ನಗ ಅಕುಲೆಗ್ ಚೀಪೆ ಕೊರ್ದ್ ಅಂಚನೇ ಸಾಂಸ್ಕೃತಿಕ ಲೇಸ್ ನ್ ನಡಪಾದ್ ಕುಷಿಟ್ಟ್ ಶಾಲೆಗ್ ಎದ್ಕೊನೊಡ್ ಪಂದ್ ಶಿಕ್ಷಣ ಇಲಾಖೆ ಶಿಕ್ಷಕರೆಗ್ ನಿರ್ದೇಶನ ಮಲ್ತ್ ದೆರ್.

2022-23ನೇ ಶೈಕ್ಷಣಿಕ ವರ್ಷನ್ ಪೊರ್ತುರ್ದ್ ಬೇಗ 15 ದಿನತ್ತ ದುಂಬು ಸುರು ಮಲ್ತ್ ದೆರ್. ಈ ವರ್ಷನ್ “ಕಲಿಕಾ ಚೇತರಿಕೆ” ವರ್ಷ ಪಂದ್ ಘೋಷಣೆ ಮಲ್ತ್ ದೆರ್.

ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ತುಮಕೂರ್ ಡ್ ಕಲಿಕಾ ಚೇತರಿಕೆ ಕಾರ್ಯಕ್ರಮಗ್ ಚಾಲನೆ ಕೊರಿಯೆರೇ ಉಲ್ಲೆರ್.

ಶಾಲೆಡ್ ಪರ್ಪಿನ ನೀರ್, ಮಧ್ಯಾಹ್ನದ ವನಸ್, ಸಮವಸ್ತ್ರ, ಪಠ್ಯಪುಸ್ತಕ, ಹಾಜರಾತಿ, ದಾಖಲಾತಿ ಉಂದೆನ್ ಪರಿಶೀಲನೇ ಮಲ್ಪರೆ, ಅಕ್ಷರ ದಾಸೋಹ ಕಾರ್ಯಕ್ರಮ ಅನುಷ್ಠಾನ, ಜೋಕ್ಲೆನ ದಾಖಲಾತಿ ಪ್ರಗತಿ ಒಟ್ಟುಗ್ ಶಾಲಾ ಯೋಜನೆದ ವಿಷಯಡ್ ಬಿಇಒ ಅಂಚನೆ ಎಸ್.ಡಿ.ಎಂ.ಸಿ ಸಭೆಲೆನ್ ನಡಪಾವೊಡ್ ಪಂದ್ ಸೂಚನೆ ಮಲ್ತ್ ದೆರ್.