ಪೆಜಮಾಡಿಕೋಡಿ: ರಾಷ್ಟ್ರೀಯ ಸಮುದಾಯ ದಂತ ಆರೋಗ್ಯ ವಿಭಾಗ ದಿನಾಚರಣೆ
ಎ. ಬಿ. ಶೆಟ್ಟಿ ದಂತ ವಿಶ್ವ ವಿದ್ಯಾಲಯ ದೇರಳಕಟ್ಟೆ ಅಂಚನೆ ನಿಟ್ಟೆ ಮೀನಾಕ್ಷಿ ಹೆಗ್ಡೆ ದಂತ ಆರೋಗ್ಯ ಕೇಂದ್ರ ಪೆಜಮಾಡಿಕೋಡಿ ಮೊಕ್ಲೆನ ಮುತಾಲಿಕೆಡ್ ಜೂನ್ 20 ಪೆಜಮಾಡಿಕೋಡಿ ಶಾಲೆಡ್ ರಾಷ್ಟ್ರೀಯ ಸಮುದಾಯ ದಂತ ಆರೋಗ್ಯ ವಿಭಾಗ ದಿನಾಚರಣೆ ಆಚರಣೆ ಮಲ್ತೆರ್.
ಸಮುದಾಯಡ್ ಕೂಲಿದ ಬಗೆಟ್ಟ್ ತೆರಿಪಾವುನನೇ ಈ ಲೇಸ್ ದ ಮುಖ್ಯ ಉದ್ದೇಶ ಆದುಂಡು. ಜೂನ್ 14 – 20 ಮುಟ್ಟ ಪೆಜಮಾಡಿ ಅಂಚನೆ ಮುಲ್ಕಿದ ಮಸ್ತ್ ಶಾಲೆಲೆಡ್ ಬಾಯಿದ ಆರೋಗ್ಯದ ಬಗೆಟ್ಟ್ ಮಾಹಿತಿ ಶಿಬಿರ ಮಲ್ತೆರ್.
ಈ ಲೇಸ್ ಡ್ ಎ.ಬಿ ಶೆಟ್ಟಿ ದಂತ ಕಾಲೇಜ್ ದ ಸಮುದಾಯ ದಂತ ಆರೋಗ್ಯ ವಿಭಾಗದ ಮುಖ್ಯಸ್ಥೆರ್ ಪ್ರೊ. ಡಾ. ಆಡ್ರಿ ಡಿ ಕ್ರೂಜ್, ಕ್ಲಿನಿಕಲ್ ಕೋರ್ಡಿನೇಟರ್ ಡಾ. ಸಹನಾ ಮಾಬೆನ್, ನಿಟ್ಟೆ ಮೀನಾಕ್ಷಿ ಹೆಗ್ಡೆ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿಲಾಯಿನ ಡಾ. ಶೋನಿತ್, ಡಾ. ದೀಕ್ಷ, ಶಾಲಾ ಮುಖ್ಯ ಉಪಾಧ್ಯಾಯಿನಿ ಸುಜಾತ ಕುಮಾರಿ ಅಂಚನೆ ಶಾಲಾ ಶಿಕ್ಷಕ ವರ್ಗ, ಸಮಾಜ ಸೇವಕೆರ್ ಜಯಕರ್ ಹೆಜಮಾಡಿ, ಪೆಜಮಾಡಿ ಪಂಚಾಯತ್ ಅಧ್ಯಕ್ಷೆರ್ ಪ್ರಾಣೇಶ್ ಹೆಜಮಾಡಿ ಇತ್ತೆರ್. ಅಯಿರ್ದ್ ಬೊಕ್ಕ ಜೋಕುಲ್ನೊಟ್ಟುಗ್ ಸಂವಾದ ಮಲ್ತಿನ ಡಾ. ಸಹನಾ ಮಾಬೆನ್, ಜೋಕುಲು ಅಕ್ಲೆನ ಕೂಲಿನ್ ಆರೋಗ್ಯಪೂರ್ಣವಾದ್ ತೂಪಿನ 5 ಸೂತ್ರನ್ ತೆರಿಪಾಯೆರ್.