har ghar tiranga

ಸ್ವಾತಂತ್ರ್ಯ ಅಮೃತ ಮಹೋಚ್ಚಯದ ನಿಲೆಟ್ಟ್ ಬ್ಲಾಕ್ ಕಾಂಗ್ರೆಸ್ ಮುತಾಲಿಕೆಡ್ ಜಾಥಾ

ಕಾರ್ಲ: 75 ನೇ ಸ್ವಾತಂತ್ರ್ಯ ಅಮೃತ ಮಹೋಚ್ಚಯದ ಲೆಕ್ಕೊಡ್ ನಡತೊಂದ್ ಪೋಪುನ ಜಾಥಾ ಕಜ್ಜೊ ಇನಿ (ಆ. 9) ಕಾಂಡೆ 9 ಗಂಟೆಗ್ ಸರಿಯಾದ್ ಬ್ಲಾಕ್ ಕಾಂಗ್ರೆಸ್ ಮುತಾಲಿಕೆಡ್ ನಡತ್ಂಡ್. ನಮ್ಮ ದೇಸೊದ ಕೊಡಿ ಪತೊಂದು ಸುಮಾರ್ 400-500 ಜನ ಕಾರ್ಲರ್ದ್ ಅಯ್ಯಪ್ಪ ನಗರ ಮುಟ ಮೆರವಣಿಗೆ ಪೋಯೆರ್.
ಈ ಪೊರ್ತುಡು ಉಡುಪಿ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆರಾಯಿನ ಅಶೋಕ್ ಕುಮಾರ್ ಕೊಡವೂರು, ಮಾಜಿ ಸಚಿವೆರಾಯಿನ ಅಭಯಚಂದ್ರ ಜೈನ್, ವಿನಯಕುಮಾರ್ ಸೊರಕೆ, ವಿಧಾನ ಪರಿಷತ್ ಸದಸ್ಯೆರಾಯಿನ ಮಂಜುನಾಥ್ ಭಂಡಾರಿ ಕೆ.ಪಿ.ಸಿ.ಸಿ ಕಾರ್ಯದರ್ಶಿಲಾಯಿನ ಮಮತಾ ಗಟ್ಟಿ, ಎಂ.ಎ.ಗಫೂರ್ ಬೊಕ ಬೇತೆ ಬೇತೆ ನಾಯಕೆರ್ ಇತ್ತೆರ್. ಸಮುದಾಯ ಭವನ ಅಯ್ಯಪ್ಪ ನಗರೊಡ್ ಕಜ್ಜೊದ ಸ್ವರೂಪ ನಡತ್‌ಂಡ್.

ಸುರೆಂದ್ರ ಶೆಟ್ಟಿ ಮೆರೆಗ್ ಕಾರ್ಲದ ಕಾಂಗ್ರೆಸ್ ಎಂ.ಎಲ್.ಎ. ಸೀಟ್!?

ಸಹನಾ ಗ್ರೂಪ್ ಕುಂದಾಪುರ ಇಂದೆತ ದನಿ ಅಂಚೆನೆ ಉಮಾಮಹೇಶ್ವರಿ ದೇವಲ್ಯೊ ಹಿರಿಯಂಗಡಿ ಮುಲ್ಪದ ಆಡಳಿತ ಮುಕ್ತೇಶರೆ ಆಯಿನ ಸುರೆಂದ್ರ ಶೆಟ್ಟಿ ಮೆರೆಗ್ ಕಾರ್ಲದ ಕಾಂಗ್ರೆಸ್ ಎಂಎಲ್ಎ ಸೀಟ್ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.

✍️ವರದಿ: ಗೋಪಾಲ್ ಶೆಟ್ಟಿ ಜೋಡುರಸ್ತೆ