engineers day

ಅಸೋಸಿಯೇಷನ್ ಆಫ್ ಇಂಜಿನಿಯರ್ಸ್ ಮುಲ್ಕಿ, ರೋಟರಿ ಕ್ಲಬ್ ಮುಲ್ಕಿ ಮುತಾಲಿಕೆಡ್ ಇಂಜಿನಿಯರ್ಸ್ ಡೇ ಆಚರಣೆ

ಮುಲ್ಕಿ: ಅಸೋಸಿಯೇಶನ್ ಆಫ್ ಸಿವಿಲ್ ಇಂಜಿನಿಯರ್ಸ್ ಬೊಕ್ಕ ರೋಟರಿ ಕ್ಲಬ್ ಮುಲ್ಕಿ ಮುತಾಲಿಕೆಡ್ ಇಂಜಿನಿಯರ್ಸ್ ಡೇ ಆಚರಣೆ ಬುಧಾರ ಬಯ್ಯಡ್ ಕಾರ್ನಾಡ್ ದ ರೋಟರಿ ಶತಾಬ್ಧ ಭವನಡ್ ನಡತ್ಂಡ್.

ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ನಿಟ್ಟೆ ಇಂಜಿನಿಯರಿಂಗ್ ಕಾಲೇಜಿದ ಡೀನ್ ಬೊಕ್ಕ ವೈಸ್ ಪ್ರಿನ್ಸಿಪಾಲ್ ಡಾ.ಐ.ರಮೇಶ್ ಮಿತ್ತಂತಾಯ ಮೆರೆಗ್ ಮಾನಾದಿಗೆ ನಡತ್ಂಡ್. ಆರ್ ಪಾತೆರ್ದ್, ನಮ ಸಮಾಜದ ಕೆಲಸೊಡು ನಮನ್ ತೊಡಗಿಸಾಂಡ ಜೀವನ ಸಾರ್ಥಕ. ಈ ಬಗೆಟ್ಟ್ ಜೋಕುಲೆಗ್ ಶಿಕ್ಷಣ ಕೊರೊಡು. ಕೇಂದ್ರ ಸರಕಾರ ಇಂಚೊಗು ಜಾರಿಗ್ ಕನದಿನ ರಾಷ್ಟ್ರೀಯ ಶಿಕ್ಷಣ ನೀತಿ (ಎನ್ ಇಪಿ) ಈ ಉದ್ದೇಶೊಗು ಪೂರಕವಾದುಂಡು. ಶಿಕ್ಷಣರ್ದ್ ಸಮಾಜೊಗು ಪ್ರಯೋಜನ ಆವೊಡು. ಆ ಉದ್ದೇಶ ಎನ್ ಇಪಿಡ್ ಕಾರ್ಯಗತ ಆಪುಂಡು ಪಂಡೆರ್.

ಪೊಸತ್ತಾದ್ ಸ್ಥಾಪನೆ ಆಯಿನ ಮುಲ್ಕಿ ಇಂಜಿನಿಯರ್ಸ್ ಸಂಘದ ಅಧ್ಯಕ್ಷೆರ್ ಜೀವನ್ ಕೆ. ಶೆಟ್ಟಿ ಮೆರೆನ್ ಮಾನಾದಿಗೆ ಮಲ್ತೆರ್. ಈ ಪೊರ್ತುಡು ಪಾತೆರಿನ ಆರ್, ಸರ್.ಎಂ.ವಿಶ್ವೇಶ್ವರಯ್ಯ , ಡಾ.ಆರ್.ಎನ್.ಶೆಟ್ಟಿ ಮೊಕ್ಲೆನ ಆದರ್ಶನ್ ಪಾಲನೆ ಮಲ್ತೊಂದು ಮುಲ್ಕಿ ತಾಲೂಕುದ ಅಭಿವೃದ್ಧಿಗಾದ್ ಕೆಲಸ ಆವೊಂದುಂಡು. ಸ್ಮಾರ್ಟ್ ಮುಲ್ಕಿ ಮಲ್ಪುನ ಉದ್ದೇಶನ್ ಎಂಜಿನಿಯರ್ಸ್ ಸಂಘ ಬೊಕ್ಕ ರೋಟರಿ ಕ್ಲಬ್ ದೀವೊಂದುಂಡು. ಮುಲ್ಕಿಡ್ ಕೃಷಿ ವಿಶ್ವವಿದ್ಯಾನಿಲಯ, ಆಯುರ್ವೇದ ವಿದ್ಯಾಲಯ, ಐಟಿ ಪಾರ್ಕ್ ಮುಲ್ಕಿ ಟೂರಿಸಂ ಕಾರಿಡಾರ್ ಉಂದು ಪೂರ ಆವೊಡು ಪನ್ಪಿನ ನಿಲೆಟ್ಟ್ ಪ್ರಯತ್ನ ನಡತೊಂದು ಉಂಡು. ಉಂದೆಕ್ಕ್ ಮಾತೆರ್ನಲ ಸಕಾಯ ಬೋಡು ಪಂಡೆರ್.

ಈ ಪೊರ್ತುಡು ಮುಲ್ಕಿ ತಾಲೂಕು ಪತ್ರಕರ್ತೆರ್ನ ಸಂಘದ ಅಧ್ಯಕ್ಷೆರ್ ನಿಶಾಂತ್ ಶೆಟ್ಟಿ ಕಿಲೆಂಜೂರು ಮೆರೆನ್ ಮಾನಾದಿಗೆ ಮಲ್ತೆರ್.

ಬಿನ್ನೆರಾದ್ ರೋಟರಿ ಅಸಿಸ್ಟೆಂಟ್ ಗವರ್ನರ್ ಎಂ.ನಾರಾಯಣ್, ಝೋನಲ್ ಲೆಫ್ಟಿನೆಂಟ್ ಮೈಕೆಲ್ ಪಿಂಟೊ, ರೋಟರಿ ಕ್ಲಬ್ ಅಧ್ಯಕ್ಷೆರ್ ಜೊವಿನ್ ಪ್ರಕಾಶ್ ಡಿಸೋಜ, ಕಾರ್ಯದರ್ಶಿ ಭುಜಂಗ ಕವತಾರ್, ಎಸಿಇಎಮ್ ಅಧ್ಯಕ್ಷೆರ್ ಜೇವನ್ ಕೆ.ಶೆಟ್ಟಿ, ಕಾರ್ಯದರ್ಶಿ ಸುಜಿತ್ ಸಾಲ್ಯಾನ್, ರವಿಚಂದ್ರ, ವೈ.ಎನ್.ಸಾಲ್ಯಾನ್, ಶಿವರಾಮ್ ಜಿ. ಅಮೀನ್, ಅಶೋಕ್ ಕುಮಾರ್ ಶೆಟ್ಟಿ ,ಪಿ.ವಾಸು ಪೂಜಾರಿ ಮೊಕುಲು ಮಾತ ಪಾಲ್ ಪಡೆದಿತ್ತೆರ್. ಅಲ್ವಿನ್ ಪತ್ರಾವೊ ಬೊಕ್ಕ ಜಿನರಾಜ್ ಸಾಲ್ಯಾನ್ ಸಭೆ ಸುಧಾರಿಕೆ ಮಲ್ತೆರ್. ಭುಜಂಗ ಕವತಾರ್ ಸೊಲ್ಮೆ ಸಂದಾಯೆರ್.