ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ರಾಜ್ಯದ ಸುದ್ದಿ | State News
ಫ್ಯಾಟ್ ಸರ್ಜರಿದ ಪೊರ್ತುಡು ತೀರ್ ಪೋಯೆರ್ ದೊರೆಸಾನಿ ಸೀರಿಯಲ್ ದ ನಟಿ ಚೇತನಾ ರಾಜ್
ಬೆಂಗ್ಳೂರ್: ಫ್ಯಾಟ್ ಸರ್ಜರಿ ಮಲ್ಪುನ ಪೊರ್ತುಡು ಚಿಕಿತ್ಸೆ ಸರಿ ಆವಂದೆ ಸಿನಿಮಾ ಬೊಕ್ಕ ಕಿರುತೆರೆದ ನಟಿ ಚೇತನಾ ರಾಜ್ (21 ವರ್ಷ) ತೀರ್ ಪೋತೆರ್. ಅಪ್ಪೆ ಅಮ್ಮನ ಅನುಮತಿ ದೆತೊನಂದೆ ಸರ್ಜರಿ ಮಲ್ಪಾದಿತ್ತ್ ದ್, ತೀರ್ ಪೋಯಿನೆಕ್ಕ್ ಡಾಕ್ಟರ್ ನ ನಿರ್ಲಕ್ಷ್ಯನೇ ಕಾರಣ ಪಂದ್ ಪೋಷಕೆರ್ ಆರೋಪ ಮಲ್ತ್ ದೆರ್.
ಬೆಂಗ್ಳೂರ್ ದ ಡಾ.ಶೆಟ್ಟಿಸ್ ಕಾಸ್ಮೆಟಿಕ್ ಆಸ್ಪತ್ರೆಡ್ ನಟಿ ಚೇತನಾ ರಾಜ್ ಫ್ಯಾಟ್ ಸರ್ಜರಿನ್ ಮಲ್ಪಾದೆರ್. ಈ ಪೊರ್ತುಡ್ ಶ್ವಾಸಕೋಶಡ್ ನೀರ್ ದಿಂಜಿದ್ ತೀರ್ ಪೋತೆರ್ ಪಂದ್ ತೆರಿದ್ ಬೈದ್ಂಡ್. ವೈದ್ಯೆರ್ ಇಲ್ಲದಕ್ಲೆನ ಅನುಮತಿ ದೆತೊನಂದೆ ಸರ್ಜರಿ ಮಲ್ತ್ ದೆರ್ ಪಂದ್ ಚೇತನಾ ಕುಟುಂಬದಾರ್ ಆಯಿನ ರಾಜಣ್ಣ ಆರೋಪ ಮಲ್ದೆರ್.
ಕಿರುತೆರೆದ ಗೀತಾ, ದೊರೆಸಾನಿ ಸೇರಿನಂಚನೆ ಮಸ್ತ್ ಧಾರಾವಾಹಿಡ್ ಪಿಚ್ಚರ್ ಡ್ ಚೇತನಾ ರಾಜ್ ನಟನೆ ಮಲ್ತ್ ದೆರ್. ಮಗಲ್ ನ ಪುನತ್ತ ಎದುರ್ ಅಪ್ಪೆ ಕಣ್ಣ ನೀರ್ ಪನಿನ್ ಪಾಡ್ದೆರ್. ಸುಬ್ರಹ್ಮಣ್ಯ ನಗರ ಪೊಲೀಸ್ ಠಾಣೆಡ್ ಈ ಬಗೆಟ್ಟ್ ಪ್ರಕರಣ ದಾಖಲಾತ್ಂಡ್.