D K Shivkumar

ಅಪ್ಪೆ ಚಾಮುಂಡಿನ ಕೃಪೆರ್ದ್ ಯಾನೆ ನನದ ಮುಖ್ಯಮಂತ್ರಿ : ಹೆಚ್ ಡಿ ಕುಮಾರಸ್ವಾಮಿ

ರಾಮನಗರ: ಕಾಂಗ್ರೆಸ್‌ಡ್ ಸಿಎಂ ಕುರ್ಸುಗ್ ಸಿದ್ದರಾಮಯ್ಯ ಬೊಕ್ಕ ಡಿಕೆಶಿ ನಡುಟು ಕೆಲವು ಮನಸ್ತಾಪ ಆವೊಂದು ಇಪ್ಪುನಗನೆ ಮುಲ್ಪ ಜೆಡಿಎಸ್‌ದ ಮಾಜಿ ಮುಖ್ಯಮಂತ್ರಿ ಹೆಚ್ ಡಿ ಕುಮಾರಸ್ವಾಮಿ ಕುಡೊರ ಸಿಎಂ ಆಪಿನ ಆಶಯೊನು ಪಂಡೆರ್.

ಕೋಡೆ ರಾಮನಗರೊಡು ಚಾಮುಂಡೇಶ್ವರಿ ಕರಗ ಮಹೋತ್ಸವಡ್ ಸಾಂಸ್ಕೃತಿಕ ಕಜ್ಜೊಡ್ ಪಾತೆರ್‌ನ ಕುಮಾರಸ್ವಾಮಿ, ಕರ್ನಾಟಕೊದ ಸಿಎಂ ಆಯೆರೆ ಮಸ್ತ್ ಜನ ಆಸೆಡ್ ಉಲ್ಲೆರ್. ಆಂಡ ದೇವೆರ್‌ನ ಇಚ್ಛೆ, ತಾಯಿ ಚಾಮುಂಡೇಶ್ವರಿನ ಇಚ್ಛೆ ಬೇತೆನೆ ಉಂಡು. ಚಾಮುಂಡೇಶ್ವರಿ ಬೊಕ್ಕ ಜನಕ್ಲೆನ ಆಶೀರ್ವಾದೊಡು ರಾಜ್ಯಡ್ ಕುಡೊರ ಜೆಡಿಎಸ್ ಪಕ್ಷ ಅಧಿಕಾರಗ್ ಬರ್ಪುಂಡು, ನಿಕ್ಲೆನ ಆಶೀರ್ವಾದಡ್ ಕುಡೊರ ಮುಖ್ಯಮಂತ್ರಿ ಆದ್ ಯಾನ್ ಬರ್ಪೆ ಪಂದ್ ಬಿರ್ಸ್ ಡೆ ಪಂಡೆರ್.