#CampusFrontOfIndia

ಪೊಸ ಜಿಲ್ಲಾಧಿಕಾರಿ ಕೂರ್ಮ ರಾವ್ ಇಂಬೆರೆಗ್ ಭೇಟಿಯಾದ್ ಪ್ರೈವೆಟ್ ವೈದ್ಯಕೀಯ ಕಾಲೇಜ್ ಬೊಡ್ಚಿ, ಸಂಪೂರ್ಣವಾದ್ ಸರ್ಕಾರಿ ವೈದ್ಯಕೀಯ ಕಾಲೇಜ್ ಬೋಡು ಪಂದು ಕ್ಯಾಂಪಸ್ ಫ್ರಂಟ್ ಆಫ್ ಉಡುಪಿ ಜಿಲ್ಲೆದಕುಲ್ ಕೆನೊಂಡೆರ್

Sep 7, 2021

ಒಡಿಪು: ಪೊಸ ಜಿಲ್ಲಾಧಿಕಾರಿಯಾದ್ ನೇಮಕ ಆಯಿನ ಕೂರ್ಮ ರಾವ್ ಇಂಬೆರೆನ್ ಕ್ಯಾಂಪಸ್ ಫ್ರಂಟ್ ಒಡಿಪು ಜಿಲ್ಲಾ ನಿಯೋಗದಕುಲ್ ಭೇಟಿ ಆದ್ ಎದುಕೊನಿಯೆರ್.

ಅಂಚನೆ ಒಡಿಪು ಜಿಲ್ಲೆದ ಖಾಸಗಿ ಸಹಭಾಗಿತ್ವಡ್ ಪ್ರೈವೆಟ್ ವೈದ್ಯಕೀಯ ಕಾಲೇಜ್ ಬೊಡ್ಚಿ, ಸಂಪೂರ್ಣವಾಯಿನ ಸರಕಾರಿ ವೈದ್ಯಕೀಯ ಕಾಲೇಜ್ ಬೋಡು ಪಂದು ಆಗ್ರಹಿಸಿಸಾದ್ ಮನವಿ ಮಲ್ತೆರ್. ಈ ಸಂದರ್ಭಡ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಒಡಿಪು ಜಿಲ್ಲಾಧ್ಯಕ್ಷೆರಾಯಿನ ಅಸೀಲ್ ಅಕ್ರಮ್, ಜಿಲ್ಲಾ ಸಮಿತಿ ಸದಸ್ಯೆ ಅರ್ಫಾಝ್ ಅಂಚನೆ ಬೇತೆ ಸದಸ್ಯೆರ್ ಲೀಸುಡ್ ಪಾಲ್ ಪಡೆದಿತ್ತೆರ್.

ಎಂಕುಲ್ ತಯಾರಾದುಲ್ಲ ಎನ್.ಇ.ಪಿ ದ ಬಗೆಟ್ ಚರ್ಚೆಗೆ ನಿಕುಲ್ ತಯಾರಾದುಲ್ಲರಾ?; ಕ್ಯಾಂಪಸ್ ಫ್ರಂಟ್ ಉಡುಪಿ ಜಿಲ್ಲೆಡ್ ಚೀಟಿ ಪ್ರದರ್ಶನ

Sep 2, 2021

ಓಡಿಪು: ಪೊಸ ರಾಷ್ಟ್ರೀಯ ಶಿಕ್ಷಣ ನೀತಿ ವಿರೋಧಿಸಾದ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ನಡೆಸಾಯಿನ ಪ್ರತಿಭಟನೆಗ್ ಉತ್ತರ ಕೊರ್ನ ಉನ್ನತ ಶಿಕ್ಷಣ ಸಚಿವೆರಾಯಿನ ಅಶ್ವಥ್ ನಾರಾಯಣ್ ಇಂಬೆರ್ ಎನ್.ಇ.ಪಿ ಡ್ ಲೋಪದೋಷ ಇತ್ತುಂಡ ಚರ್ಚೆಗೆ ಬಲೆ ಪಂದು ಯಂಕುಲ್ ಪಂಡಿನ ಸವಾಲನ್ ಸ್ವೀಕರಿಸಾಲೆ. ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾದ ವಿದ್ಯಾರ್ಥಿಲ್ ಎಂಕುಲ್ ಚರ್ಚೆಗ್ ತಯಾರಾದುಲ್ಲ!! ನಿಕುಲ್ ತಯಾರಾದುಲ್ಲಾರ?? ಪನ್ಪಿನ ಕಾಕಜಿನ್ ಪ್ರದರ್ಶನ ಮಲ್ಪುನ ಮುಲೊಕ ಪೊಸ ರಾಷ್ಟ್ರೀಯ ಶಿಕ್ಷಣ ನೀತಿದ ವಿರುಧ್ದ ಪ್ರತಿಭಟಿಸಿಸಾಯೆರ್.

ಖಾಸಗೀಕರಣ, ಕೇಂದ್ರೀಕರಣ ಅಂಚನೆ ಕೇಸರೀಕರಣಗ್ ಒತ್ತನು ಕೊರ್ಪಿನ ಈ ಪೊಸ ರಾಷ್ಟ್ರೀಯ ಶಿಕ್ಷಣ ನೀತಿನು ಒಪ್ಪರ ಸಾಧ್ಯಇಜ್ಜಿ. ಈ ವಿಷಯಡ್ ಇಪ್ಪುನ ಚರ್ಚೆಗ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ತಯಾರಾದುಂಡು. ಉನ್ನತ ಶಿಕ್ಷಣ ಸಚಿವೆರ್ ತಯಾರಾದುಲ್ಲಾರ? ಪಂದು ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಓಡಿಪು ಜಿಲ್ಲೆದ ಸದಸ್ಯೆರ್ ಕಾಕಜಿನ್ ಪ್ರದರ್ಶನ ಮಲ್ಪುನ ಮುಖಾಂತರ ಕೆಂಡೆರ್.

ಈ ಸಂದರ್ಬೊಡು ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ಓಡಿಪು ಜಿಲ್ಲಾಧ್ಯಕ್ಷೆ ಅಸೀಲ್ ಅಕ್ರಮ್, ಜಿಲ್ಲಾ ಸಮಿತಿ ಸದಸ್ಯೆರ್ ಅರ್ಫಾಝ್, ನಝ್ ಹತ್ ಅಂಚನೆ ಬೇತೆ ಸದಸ್ಯೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.