ಜಪ್ಪು ಮಜಿಲದಕ್ಲೆನ ಆಟ ಈ ಸರ್ತಿ ಪಾವಂಜೆಡ್ !
ಮುಲ್ಕಿ : ರಾತ್ರೆ ಕರ್ಪ್ಯೂ ಇತ್ತಿನ ಕಾರಣೊರ್ದಾತ್ರ ಅನಿವಾರ್ಯವಾದ್ ಈ ಸರ್ತಿ ಜಪ್ಪು ಮಜಿಲ ಪತ್ತ್ ಸಮಸ್ತೆರ್ನ ಪಾವಂಜೆ ಮೇಳದ ಆಟ ಪಾವಂಜೆ ಕ್ಷೇತ್ರಡ್ ಫೆಬ್ರವರಿ 12 ಸನಿಯಾರ ನಡಪರೆ ಉಂಡು.
ಏಪದಲೆಕ್ಕಾಂಡ ಕುಡ್ಲದ ಪೇಂಟೆಡ್ ಬಾರಿ ಬಿರ್ದಾವಳಿಡ್ ನಡಪೊಡಿತ್ತಿನ “ಶ್ರೀ ದೇವಿ ಮಹಾತ್ಮೆ ” ಯಕ್ಷಗಾನ ಬಯಲಾಟ ಉಂದುವೇ ಸುರೂತ್ತ ಸರ್ತಿ ಊರು ಬುಡ್ದು ಬೇತೆ ಜಾಗೆಡ್ ಆವರೆ ಉಂಡು.
ಸರ್ಕಾರ ಘೋಷಣೆ ಮಲ್ದಿನ ರಾತ್ರಿ ಕರ್ಪ್ಯೂರ್ದಾತ್ರ ರಾತ್ರಿ ಇಡಿಯ ಮಲ್ಪರೆ ಆವಂದಿನೆರ್ದಾವರ ಈ ಸರ್ತಿ ಪಾವಂಜೆ ದೇವಸ್ಥಾನ ದ ವಟಾರೊಡು ಮಲ್ಪುನು ಪಂದ್ ಪತ್ತ್ ಸಮಸ್ತೆರ್ ತೀರ್ಮಾನ ಮಲ್ದೆರ್.
“ಜಪ್ಪು ಮಜಿಲಡ್ ಎಂಕ್ಲೆಗ್ ಪ್ರತೀ ವರ್ಷದಂಚ ವ್ಯವಸ್ಥೆ ಮಲ್ಪರೆ ಕಮ್ಮಿಡ್ಲ ಒಂಜಿ ತಿಂಗೊಲಾಂಡಲಾ ಬೋಡು. ಸರಕಾರದ ರೂಲ್ಸು ಪ್ರಕಾರ, ನನ ಎಂಕ್ಲೆಗ್ ಪೊರ್ತು ಯಾವುಜಿ. ಅಂಚಾದ್ ಶ್ರೀದೇವಿ ಅಂಚೆನೆ ಶ್ರೀ ಸುಬ್ರಾಯ ದೇವೆರ್ನ ಸೇವೆಯಾಟನ್ ಫೆಬ್ರವರಿ ರಡ್ಡನೇ ವಾರ ಸನಿಯಾರ (ಫೆ. 12) ಪಾವಂಜೆ ಕ್ಷೇತ್ರಡೇ ಕಾಲಮಿತಿಟ್ಟ್ ಮಲ್ಪಾವರೆ ತೀರ್ಮಾನ ಮಲ್ದ.ಭಕ್ತೆರ್ ಪೂರ ಸಹಕಾರ ಮಲ್ಪೊಡು” ಪಂದ್ ಜಪ್ಪು ಮಜಿಲ ಪತ್ತ್ ಸಮಸ್ತೆರ್ ಬಿನ್ನಾಪು ಮಲ್ದೆರ್.
