bolara

ಕುಡ್ಲ ದಸರಾಗ್ ಕಾಳಿಚರಣ್ ಫ್ರೆಂಡ್ಸ್ (ರಿ.)ದ 38ನೇ ವರ್ಷದ ಶ್ರೀ ಶಾರದಾ ಪಿಲಿ ಮೆರವಣಿಗೆ

ಬೋಳಾರ : ಮಾಜಿ ಸಚಿವೆರ್ ಬಿ. ಜನಾರ್ಧನ ಪೂಜಾರಿ ಮೆರೆನ ಮುತಾಲಿಕೆಡ್ ಕುದ್ರೋಳಿ ಶ್ರೀ ಗೋಕರ್ಣನಾಥ ದೇವಲ್ಯಡ್ ನಡಪುನ ಕುಡ್ಲ ದಸರಾ ಉಚ್ಚಯಗ್ ಬೋಳಾರದ ಕಾಳಿಚರಣ್ ಫ್ರೆಂಡ್ಸ್ (ರಿ.) ಮುಕಲೆಡ್ದ್ 38ನೇ ವರ್ಷದ ಶ್ರೀ ಶಾರದಾ ಪಿಲಿ ಮೆರವಣಿಗೆಡ್ ಪಾಲ್ ಪಡೆಯರೆ ಉಂಡು.

ಕುಡ್ಲ ದಸರಾ ಉಚ್ಚಯದ ಟ್ಯಾಬ್ಲೋ ಮೆರವಣಿಗೆಡ್ ರಡ್ಡನೇ ತಾನೊ ಪಡೆಯಿನ ಈ ಕೂಟ ಕೇರಳ ಬೊಕ್ಕ ಬೊಂಬಾಯಿಡ್ ಪ್ರದರ್ಶನ ಕೊರ್ದು ಪುಗರ್ತೆ ಪಡೆತ್ಂಡ್.

ಶ್ರೀ ಶಾರದಾ ಪಿಲಿ ವೇಷದ ಊದು ಕಾರ್ಯಕ್ರಮ ಅಕ್ಟೋಬರ್ 4 ಕ್ಕ್ ಅಂಗಾರೆ ಬಯ್ಯ 7 ಗಂಟೆಗ್ ನಡಪರೆ ಉಂಡು. ಅಂಚೆನೆ ದಸರಾ ಪಿಲಿ ಅ. 5 ತಾರೀಕ್‌ಗ್ ಬುಧಾರ ಕಾಂಡೆ 9 ಗಂಟೆಗ್ ಬೊಕ್ಕಪಟ್ಣದ ದ.ಕ.ಜಿ.ಪಂ.ಕಿರಿಯ ಪ್ರಾಥಮಿಕ ಶಾಲೆರ್ದ್ ಪಿದಡ್ಯರ ಉಂಡು.
(ವರದಿ: ಸಂತೋಷ್ ಅಂಬ್ಲಮೊಗರು)