Blue tick

ಟ್ವಿಟ್ಟರ್‌ಡ್ ಅಭಿಯಾನ; ಅಭಿಮಾನಿಲೆನ ಅಭಿಯಾನಗ್ ಪುನೀತ್ ರಾಜಕುಮಾರ್‌ರೆನ ಖಾತೆಗ್ ಪಿರ ತಿಕ್ಕ್ಂಡ್ ‘ಬ್ಲೂ ಟಿಕ್’

ಬೆಂಗ್ಲೂರು : ಪುಗರ್ತೆ ಪಡೆತಿನ ನಟೆ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ತೀರ್ದ್ ಕೆಲವು ತಿಂಗೊಲು ಆಂಡಲಾ ಜನಕ್ಲೆನ ಮನಸ್ಸ್‌ಡ್ ನನಲಾ ಉಲ್ಲೆರ್. ಆಂಡ ಟ್ವಿಟ್ಟರ್ ಮಲ್ತಿನ ಬೇಲೆರ್ದ್ ಜನಕ್ಲೆಗ್ ಬೆಚ್ಚ ಆದಿತ್ತ್ಂಡ್.

ಟ್ವಿಟ್ಟರ್ ಸಂಸ್ಥೆ ಸೆಲೆಬ್ರಿಟಿಲೆಗ್ ಬ್ಲೂ ಟಿಕ್ (ನೀಲಿ ಗುರ್ತದ ಗೌರವ) ಕೊರ್ಪುಂಡು. ಅಂಚೆನೆ ಪುನೀತ್ ರಾಜಕುಮಾರ್ ಮೆರೆಗ್ಲಾ ಕೊರ್ದಿತ್ತ್ಂಡ್. ಆಂಡ ಆರ್ ತೀರಿ ಬೊಕ್ಕ ಬ್ಲೂ ಟಿಕ್‌ನ್ ಪಿರ ದೆತೊಂದಿತ್ತಂಡ್. ಇಂದೆರ್ದ್ ಬೆಚ್ಚ ಆಯಿನ ಜನಕುಲು ಟ್ವಿಟ್ಟರ್‌ಡ್ #verifypuneethrajkumaartwitter ಪಂದ್ ಒಂಜಿ ಅಭಿಯಾನನ್ ಸುರು ಮಲ್ತ್ ದಿತ್ತೆರ್. ಉಂದೆಕ್ ಪ್ರತಿಯಾದ್ ಟ್ವಿಟ್ಟರ್ ಪುನೀತ್ ರಾಜಕುಮಾರ್‌ರೆನ ಅಕೌಂಟ್‌ಗ್ ಪಿರ ಬ್ಲೂ ಟಿಕ್ ಪಾಡ್ದ್ಂಡ್.