#Bellare

ಪ್ರವೀಣ್ ನೆಟ್ಟಾರು ಕೇಸ್‌ದ ತನಿಖೆಗ್ ಜತ್ತಿನ ಎನ್‌ಐಎ ಅಧಿಕಾರಿಲು

ಪುತ್ತೂರು: ಬೆಳ್ಳಾರೆಡ್ ಕೊಲೆ ಆಯಿನ ಬಿಜೆಪಿ ಯುವ ನಾಯಕೆ ಪ್ರವೀಣ್ ನೆಟ್ಟಾರ್(34) ಮೆರೆನ ಕೊಲೆ ಕೇಸ್‌ನ್ ರಾಷ್ಟೀಯ ತನಿಖಾ ದಳ (ಎನ್ ಐಎ) ತನಿಖೆ ಸುರು ಮಲ್ದ್ಂಡ್. ಈ ಕೇಸ್‌ನ್ ಕರ್ನಾಟಕ ಪೋಲಿಸ್ ರ್ದ್ ರಾಷ್ಟ್ರೀಯ ತನಿಖಾದಳ ದೆತೊನೊಡು ಪಂದ್ ಸರಕಾರ ಒಯಿಸಾದ್ ಕೊರ್ತುಂಡು.

ಎನ್ಐಎ ಪಂಡ ರಾಷ್ಟ್ರೀಯ ತನಿಖಾ ದಳ
ರಾಷ್ಟ್ರೀಯ ತನಿಖಾ ದಳಟ್ ಪ್ರಾಮಾಣಿಕ ಅಧಿಕಾರಿಲೆನ ಗುಂಪು ಉಪ್ಪುಂಡ್. ಕಾನೂನ್‌ದ ಮಾತ ವಿಸಯೊ ತೆರಿದಿನ ಬೊಕ್ಕ ಕ್ರೈಂ ಲೋಕೊದ ಬಗ್ಗೆ ಗೊತ್ತುಪ್ಪುನ ಅಧಿಕಾರಿಲು ರಾಷ್ಟ್ರೀಯ ತನಿಖಾ ದಳಟ್ ಉಪ್ಪುವೆರ್.

ಸರಿಯಾಯಿನ ದಾಖಲೆ ನಾಡುನು, ಸಾಕ್ಷಿ ನಾಡುನೆಟ್ ಮೊಕುಲು ಉಸಾರ್. ಒವ್ವೇ ಕೇಸ್‌ನ್ ಮೊಕುಲು ಸರಿಯಾದ್ ಮುಗಿಪುವೆರ್. ಕ್ರಿಮಿನಲ್‌ನಕ್ಲೆರ್ದ್ ಮಾಹಿತಿ ದೆತೊನುನೆಟ್‌ಲಾ ಮೊಕುಲು ಉಸಾರ್. ಅಂಚಾದ್ ಸೂಕ್ಷ್ಮ ಕೇಸ್‌ದ ತನಿಖೆನ್ ರಾಷ್ಟ್ರೀಯ ತನಿಖಾ ದಳಗ್ ಕೊರ್ಪೆರ್. ನಮ್ಮ ದೇಸಡ್ ರಾಷ್ಟ್ರೀಯ ತನಿಖಾ ದಳ ಇಡೆ ಮುಟ್ಟ 277 ಕೇಸ್‌ದ ತನಿಖೆ ಮಲ್ದ್ಂಡ್. ನಮ್ಮ ರಾಜ್ಯಡ್ 12 ಕೇಸ್ ಲೆನ್ ತನಿಖೆ ಮಲ್ದ್ಂ‌ಡ್.
ಈ ದಳತ ಪ್ರಧಾನ ಕಚೇರಿ ದೆಲ್ಲಿಡ್ ಉಂಡು. ನಮ್ಮ ದೇಸೊದ 19 ಕಡೆಟ್ ಈ ದಳತ ಕಚೇರಿ ಉಂಡು.

ತನಿಖಾ ದಳತ ಪುಟ್ಟು
ನಮ್ಮ ದೇಸೊದ ಉಲಯಿಡ್ ನಡಪುನ ಭಯೋತ್ಪಾದನೆ ಬೊಕ್ಕ ದೇಸೊನ್ ವಿರೋಧಿಸಾದ್ ನಡಪುನ ಕಜ್ಜೊಲೆನ್ ಉಂತಾಯೆರೆ ರಾಷ್ಟ್ರೀಯ ತನಿಖಾ ದಳನ್ ಸುರು ಮಲ್ತೆರ್. ನವೆಂಬರ್ 26, 2008ತಾನಿ ಮುಂಬೈಡ್ ಭಯೋತ್ಪಾದಕೆರ್ ಮಲ್ತಿನ ದಾಳಿರ್ದ್ ಬೊಕ್ಕ ಅಪಗದ ಕೇಂದ್ರ ಸರಕಾರ ರಾಷ್ಟ್ರೀಯ ತನಿಖಾ ದಳನ್ ಉಂಡು ಮಲ್ತ್ಂಡ್. ಅವ್ವೇ ವರ್ಸೊ ಡಿಸೆಂಬರ್ 31 ದಳತ ಬೇಲೆ ಸುರು ಆಂಡ್.