#Bajarangadala

ಕೊಡಗು : ಶಾಲೆದ ಉಲಯಿ ಬಜರಂಗದಳರ್ದ್ ಶಸ್ತ್ರಾಸ್ತ್ರ ತರಬೇತಿ : ಫೋಟೋ ವೈರಲ್

ಕೊಡಗು : ಕೊಡಗುದ ಪೊನ್ನಂಪೇಟೆ ತಾಲೂಕುದ ಸಾಯಿ ಶಂಕರ ಶಾಲೆಡ್ ಬಜರಂಗದಳರ್ದ್ ಅವ್ವೆತೋ ಜವಣ್ಯೆರೆಗ್ ಶಸ್ತ್ರಾಸ್ತ್ರ ತರಬೇತಿ ಕೊರಿನ ತೊಜೀದ್ ಬೈದುಂಡು . ಈ ಬಗ್ಗೆ ಫೋಟೋ ಸಾಮಾಜಿಕ ಜಾಲತಾಣಡ್ ಬರೊಂದು ಉಪ್ಪುನೆರ್ದಾವರ ಜನಕುಲು ಆಕ್ರೋಶ ವ್ಯಕ್ತ ಮಲ್ದೆರ್.

ಕೊಡಗುದ ಪೊನ್ನಂಪೇಟೆ ಸಾಯಿ ಶಂಕರ ಶಾಲೆಡ್ ಕರಿನ ವಾರ ಮುಗಿಯಿನ ಶೌರ್ಯ ಪ್ರಶಿಕ್ಷಣ ವರ್ಗಡ್ ಬಜರಂಗದಳದ ಕಾರ್ಯಂತೆರೆಗ್ ಶಸ್ತ್ರಾಸ್ತ್ರ ತರಬೇತಿ ಕೊರ್ತೆರ್ . ಶಾಲಾ ಜಾಲ್ ಡೇ ಸುಮಾರ್ 8 ದಿನ ಶೌರ್ಯ ಪ್ರಶಿಕ್ಷಣ ವರ್ಗದ ತರಬೇತಿ ಕೊರ್ತೆರ್ . ರಾಜ್ಯದ ಮಸ್ತ್ ಕಡೆರ್ದ್ ಬೈದಿನ ವಿಶ್ವ ಹಿಂದೂ ಪರಿಷತ್ ಬೊಕ್ಕ ಬಜರಂಗದಳ ಕಾರ್ಯಕರ್ತೆರ್ ತರಬೇತಿ ಪಡೆತೆರ್ . ಶಾಲಾ ಅಂಗಣಡ್ ಬಂದೂಕು ಪತ್ತ್ ದ್ ತರಬೇತಿ ಪಡೆಯಿನ ಬೊಕ್ಕ ಸಂಸ್ಥೆದ ಸಭಾಂಗಣಡ್ ತ್ರಿಶೂಲ ಪತ್ತ್ದ್ ದೀಕ್ಷೆ ಪಡೆಯೊಂದು ಇತ್ತಿನ ಚಿತ್ರ ಸಾಮಾಜಿಕ ಜಾಲತಾಣಡ್ ಬರೊಂದು ಉಂಡು .