ಬೆಂಗ್ಳೂರು ತುಳುಪರ್ಬ-2022 ” ತುಳುವೆರೆಂಕುಲು ಬೆಂಗ್ಳೂರು (ರಿ.)” ಸಂಘದ 30 ನೇ ವರ್ಷದ ಸಂಭ್ರಮಾಚಾರಣೆ
ಬೆಂಗ್ಳೂರು : ರಾಜಧಾನಿ ಬೆಂಗ್ಳೂರುದ ಮುಖ್ಯ ತುಳು ಸಾಂಸ್ಕೃತಿಕ ಸಂಘಟನೆ ನಮ್ಮ “ತುಳುವೆರೆಂಕುಲು ಬೆಂಗ್ಳೂರು (ರಿ.)” ಕರಿನ 30 ವರ್ಷರ್ದ್ ತುಳು ಭಾಷೆ,ಸಂಸ್ಕೃತಿ, ಆಚಾರ ವಿಚಾರ, ಕಲೆ-ಕ್ರೀಡೆ-ಸಾಹಿತ್ಯದ ಬುಲೆಚ್ಚಿಲ್ ಗಾದ್ , ಕನ್ನಡದ ಒಟ್ಟುಗು ಅವ್ವೆತೋ ಸೃಜನಾತ್ಮಕ ಲೇಸ್ ನಡಪಾದ್ ಬೈದುಂಡು . ವರ್ಷಂಪ್ರತಿ ಬಿಸು ಆಚರಣೆ, ಬಲಿಯೇಂದ್ರ ಪರ್ಬ- ಬಲಿಯೇಂದ್ರ ಪುರಸ್ಕಾರ, ಆಟಿದ ಕೂಟ- ಗ್ರಾಮೀಣ ಕ್ರೀಡಾ ಪಂಥನ್ ಅಟ್ಟನೆ ಮಲ್ತ್ , ಒವ್ವೆ ಜಾತಿ ಮತ, ಪ್ರಾದೇಶಿಕತೆ ತಾರತಮ್ಯ ದಾಂತೆ ರಾಜಧಾನಿಡ್ ತುಳು-ಕನ್ನಡ ಬಂಧುಲೆನ್ ಅವ್ವೆತೋ ಸಂಖ್ಯೆಡ್ ಒಟ್ಟು ಮಲ್ತ್ , ಅಪಾರ ಜನ ಮೆಚ್ಚುಗೆ ಪಡೆತುಂಡು . ಕರಿನ ಪೊರ್ತುಡು “ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ”ರ್ದ್ ನಮ್ಮ “ತುಳುವೆರೆಂಕುಲು ಬೆಂಗ್ಳೂರು (ರಿ.)” ಸಂಘವು ಪ್ರತಿಷ್ಠಿತ ಸಂಘಟನಾ ಪ್ರಶಸ್ತಿ ಪಡೆತುಂಡು .
ಉಂದುವೇ ಬರ್ಪಿನ ತಾರೀಖ್ 15-05-2022 ಐತಾರ ಕಾಂಡೆ 10.30 ರ್ದ್ ರಾತ್ರಿ 8 ಗಂಟೆ ಮುಟ ಬೆಂಗ್ಳೂರುದ ರವೀಂದ್ರ ಕಲಾಕ್ಷೇತ್ರಡ್ ನಮ್ಮ “ತುಳುವೆರೆಂಕುಲು ಬೆಂಗ್ಳೂರು (ರಿ.)” ಸಂಘದ 30ನೇ ವರ್ಷಾಚರಣೆದ ಪರವಾದ್ “ಬೆಂಗ್ಳೂರು ತುಳುಪರ್ಬ -2022” ನ್ ಅಟ್ಟನೆ ಮಲ್ದೆರ್ . ನಾಡ್ ದ ಸಂಸ್ಕೃನ್ ತೋಜಾವುನ ವೈವಿಧ್ಯಮಯ ಲೇಸ್ ದ ಒಟ್ಟುಗು , ನಮ್ಮ ನಾಡ್ ದ ಭಾಷೆ ಸಂಸ್ಕೃತಿಗಾದ್ ಊರು ಪರ ಊರುಡುಲಾ ಬೆನ್ನಿ ಬೆನೊಂದು ಉಪ್ಪುನ ಅವ್ವೆತೋ ಸಾಧಕೆರೆನ್ ಗುರ್ತಿಸಾದ್ , ತಮ್ಮ ಸಮ್ಮುಖಡ್ ವಾರ್ಷಿಕ ‘ಬಲಿಯೇಂದ್ರ ಪುರಸ್ಕಾರ’ನ್ ಅಂಚನೆ ಅವ್ವೆತೋ ಗಣ್ಯ ಸಾಧಕಕೆರೆಗ್ ವಿಶೇಷ ಮಾನದಿಗೆದ ಮುಖೇನ ಮಾನದಿಗೆದ ಲೇಸ್ ನಡಪರೆ ಉಂಡು ಪಂದ್ ಸಂಘದ ಗುರ್ಕಾರ್ಲಾಯಿನ ವೈ. ಜಯಂತ್ ರಾವ್, ಕಾರ್ಯಂತೆರಾಯಿನ ಪಳ್ಳಿ ವಿಶ್ವನಾಥ ಶೆಟ್ಟಿ ಬೊಕ್ಕ ಪದುಕೆರ್ ಬಿನ್ನಾಪು ಮಲ್ದೆರ್.
