ಅಬಾಕಸ್ ಡ್ ಸುಲಭವಾದ್ ಗಣಿತ ಕಲ್ಪೊಲಿ: ರಾಮಚಂದ್ರ ಭಟ್
ಹೆಬ್ರಿ: ಗಣಿತ ವಿಷಯಗ್ ಸಂಬಂಧಿಸಾದ್ ವಿಶ್ವಗ್ ಭಾರತ ತನ್ನನೇ ಆಯಿನ ಕೊಡುಗೆ ಕೊರ್ತುಂಡ್. ಅಬಾಕಸ್ ಮುಖೇನ ಜೋಕುಲು ಸುಲಭವಾದ್ ಗಣಿತ ಕಲ್ಪೊಲಿ ಪಂದ್ ಮೈಸ್ ಕೇಂದ್ರದ ಸಂಚಾಲಕೆರ್ ಕಬ್ಬಿನಾಲೆ ರಾಮಚಂದ್ರ ಭಟ್ ಪಂಡೆರ್.
ಆರ್ ಹೆಬ್ರಿದ ಅಬಾಕಸ್ ಸಂಸ್ಥೆದ ಮುತಾಲಿಕೆಡ್ ಐತಾರ ಶ್ರೀ ರಾಮ ಟವರ್ಸ್ದ ತ್ರಿಶಾ ಸಭಾಭವನಡ್ ನಡತಿನ ರಾಜ್ಯ ಮಟ್ಟದ ಅಬಕಾಸ್ ಪಂತೊನು ಉದಿಪನ ಮಲ್ತ್ದ್ ಪಾತೆರಿಯೆರ್.
ಜೋಕ್ಲೆನ ಮೆದುಳು ಚುರುಕಾದ್ ಬಂಗದ ಅಂಕ ಗಣಿತನ್ ಮನಸ್ಸ್ಡೇ ಮಲ್ತ್ ಮುಗಿಪಾವುನ ಸಾಮರ್ಥ್ಯ ಅಬಾಕಸ್ ಕಲ್ಪಾರ್ಥಿಲೆಗ್ ಉಂಡು. ಈ ಮುಖೇನ ವಿದ್ಯಾಭ್ಯಾಸಗ್ ಎಡ್ಡೆ ರೀತಿದ ಅಡಿಪಾಯ ಕೊರ್ದು ಆಕ್ಲೆನ ಭವಿಷ್ಯ ಎಡ್ಡೆ ಆವಡ್ ಪಂದ್ ರಾಮಚಂದ್ರ ಭಟ್ ಪಂಡೆರ್.
ಹೆಬ್ರಿ, ಮುನಿಯಾಲು, ಕಾರ್ಲ, ಶಿರ್ವ, ಹಿರಿಯಡ್ಕ, ಬ್ರಹ್ಮಾವರ, ಪೇತ್ರಿ, ಬೆದ್ರಡ್ ಅಬಾಕಸ್ ಕ್ಲಾಸ್ ಕೊರೊಂದುಲ್ಲೆರ್. ಅಬಕಾಸ್ದೊಟ್ಟುಗ್ ವೇದಿಕ್ ಮ್ಯಾತ್ಸ್, ಕಿಡ್ಸ್ ಇಂಗ್ಲೀಷ್, ಡ್ರಾಯಿಂಗ್, ಚೆಸ್, ಬರವು, ಟ್ಯೂಷನ್ ಕ್ಲಾಸ್ ಉಂಡು ಪಂದ್ ಸಂಸ್ಥೆದ ಮುಖ್ಯಸ್ಥೆರ್ ಸುನೀತಾ ಹೆಬ್ಬಾರ ತೆರಿಪಾಯೆರ್.
ಶಿಕ್ಷಕಿಯೆರ್ ಆಯಿನ ಅಮೃತ ಎದ್ಕೊನಿಯೆರ್, ಸವಿತಾ ಲೇಸ್ ಸುದಾರಿಕೆ ಮಲ್ತೆರ್. ರಚನಾ ಸೊಲ್ಮೆ ಸಂದಾದ್, ಆಶಾ, ಸಿದ್ದಾರ್ಥ ಸಾಕಾರ ಕೊರಿಯೆರ್.