ಸತ್ತಿಗೆ ಸೇವೆದ ಶೇಖರ ಅಮೀನ್ರೆಗ್ ಹೊಸ ಅಂಗಣ ಪ್ರಶಸ್ತಿದ ಮಾನಾದಿಗೆ
ಮುಲ್ಕಿ : ತುಳುನಾಡ್ದ ದೈವಾರಾಧನೆಡ್ ಕೊಂಬು, ತಂಬಡ, ಪಂಚ ಜೀಟಿಗೆ, ಸತ್ತಿಗೆ ಪನ್ಪಿನ ಪುದರ್ ಮುಖ್ಯವಾದ್ ಕೇಂಡ್ದ್ ಬರ್ಪುಂಡು. ದೈವೊಲೆನ ಸತ್ತಿಗೆ ಪತ್ತುನೆಕ್ಕ್ ಬಾರಿ ಮರ್ಯಾದಿ ಉಂಡು. ಸತ್ತಿಗೆ ದೇವಲೋಕುರ್ದು ಬೈದಿನ ವಸ್ತು ಪನ್ಪಿನ ನಂಬೊಲಿಗೆ ಉಂಡು. ಹರಿಪಾದೆ ಶ್ರೀ ಜಾರಂದಾಯ ದೈವಸ್ಥಾನ, ಪಂಜದಗುತ್ತು ಕಾಂತೇರಿ ಜುಮಾದಿ ಸಾನ, ಕಾರ್ನಾಡ್ ಧರ್ಮಸಾನ ಇಂಚಿನ ಕ್ಷೇತ್ರೊಲೆಡ್ ಕರಿನ ೩೦ ವರ್ಸೊರ್ದಿಂಚಿ ಸತ್ತಿಗೆ ಸೇವೆ ಮಲ್ತೊಂದು ಬೈದಿನ ಶೇಖರ ಅಮೀನ್ ಪುರುಷಬೆಟ್ಟು ಮೆರೆಗ್ ಹೊಸ ಅಂಗಣ ಪತ್ರಿಕೆದ ಪ್ರಶಸ್ತಿ ಕೊರ್ಪುನ ಲೇಸ್ ಅಂಗಾರೆ ನಡತ್ಂಡ್.
ಮುಲ್ಕಿದ ಸ್ವಾಗತ ಹೋಟೆಲ್ ಸಭಾಂಗಣೊಡು ನಡತಿನ ಹೊಸ ಅಂಗಣ ಪತ್ರಿಕೆದ ೬೮ನೇ ಸಂಚಿಕೆ ಆದ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಜಾತ್ರೆದ ಇಸೇಸ ಸಂಚಿಕೆ ಬುಡುಗಡೆ ಬೊಕ್ಕ ತಿಂಗೊಲ್ದ ಬೊಲ್ಪು ಲೇಸ್ಡ್ ಈ ಮಾನಾದಿಗೆ ನಡತ್ಂಡ್.ಮಲ್ಲ ಬಿನ್ನೆರಾದ್ ಬತ್ತ್ತ್ತಿನ ದ.ಕ.ಜಿಲ್ಲೆದ ಬಿಜೆಪಿ ಅಧ್ಯಕ್ಷೆರ್ ಎಂ.ಸುದರ್ಶನ್ ಮೇರ್ ಪಾತೆರ್ದ್, ಮಲ್ಲಾದಿಗೆ ಬಡಪತ್ತ್ ಪನ್ಪಿನವು ಸಮಾಜೊಡು ಏಪಲಾ ಇತ್ತಿನನೆ. ಆಂಡ ಅನುಕೂಲ ಇತ್ತಿನಕುಲು ಉಪ್ಪಂದಿನಕಲೆಗ್ ದಾನ ಮಲ್ಪೊಡು. ಅವ್ವೇ ಮಲ್ಲ ಸಮಾಜ ಸೇವೆ ಪಂಡೆರ್.
ಧರ್ಮದರ್ಶಿ ಹರಿಕೃಷ್ಣ ಪುನರೂರು ಲೇಸ್ದ ಗುರ್ಕಾರ್ಮೆ ಒಯಿಸ್ದಿತ್ತೆರ್. ಮಾನಾದಿಗೆ ಸ್ವೀಕಾರ ಮಲ್ತ್ದ್ ಪಾತೆರಿನ ಶೇಖರ ಅಮೀನ್ ಮೇರ್, ನನದ ಜವನೆರ್ ದೈವಾರಾಧನೆದ ಸೇವೆನ್ ಭಕ್ತಿ, ಶ್ರದ್ಧೆಡ್ ಮಲ್ಪುಲೆ ಪಂಡೆರ್.
ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಎನ್.ಎಸ್. ಮನೋಹರ ಶೆಟ್ರ್, ಮುಲ್ಕಿ ನಗರ ಪಂಚಾಯ್ತಿ ಅಧ್ಯಕ್ಷೆರ್ ಸುಭಾಷ್ ಶೆಟ್ರ್, ಉಪಾಧ್ಯಕ್ಷೆರ್ ಸತೀಶ್ ಅಂಚನ್, ಸದಸ್ಯೆರ್ ಶೈಲೇಶ್, ಸದಸ್ಯೆರ್ ರಾಧಿಕಾ ಯಾದವ ಕೋಟ್ಯಾನ್, ಅತಿಕಾರಿಬೆಟ್ಟು ಗ್ರಾಮ ಪಂಚಾಯ್ತಿ ಅಧ್ಯಕ್ಷೆರ್ ಮನೋಹರ ಕೋಟ್ಯಾನ್, ಸಮಾಜಸೇವಕೆರ್ ಕೆ.ಎಂ.ಕೋಟ್ಯಾನ್ ಚಿತ್ರಾಪು, ಉದ್ಯಮಿ ಶಶೀಂದ್ರ ಎಂ.ಸಾಲ್ಯಾನ್, ಮುಲ್ಕಿ ರೋಟರಿ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ, ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರಕಲ್, ಮುಲ್ಕಿ ವಲಯ ಬಿಜೆಪಿ ಅಧ್ಯಕ್ಷೆರ್ ಸುನಿಲ್ ಆಳ್ವ, ಹರಿಪಾದೆ ಭಂಡಾರದಿಲ್ಲದ ನವೀನ್ ಸಾಲ್ಯಾನ್, ಯುವರಾಜ್ ಪೂಜಾರಿ, ಯಾದವ ಕೋಟ್ಯಾನ್, ಯಾದವ ಅಮೀನ್, ದಯಾನಂದ ಅಮೀನ್, ಅನಿಲ್ ಅಮೀನ್ ಮೊಕುಲು ಮಾತ ಲೇಸ್ಡ್ ಪಾಲ್ ಪಡೆದಿತ್ತೆರ್.
ಉದ್ಯಮಿ ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್. ಹೊಸ ಅಂಗಣ ಪತ್ರಿಕೆದ ಸಂಪೊಲಿಗಾದರ್ ಡಾ.ಹರಿಶ್ಚಂದ್ರ ಪಿ.ಸಾಲ್ಯಾನ್ ಬಿನ್ನೆರೆನ್ ಎದುಕೊಂಡೆರ್. ಯಶೋಧರ ಕೋಟ್ಯಾನ್ ಮಾನಾದಿಗೆ ಪತ್ರ ಓದಿಯೆರ್. ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್.ಮುಲ್ಕಿ ರೋಟರಿ ಉಪ ಗವರ್ನರ್ ರವಿಚಂದ್ರ ಲೇಸ್ ಸುಧಾರ್ಮೆ ಮಲ್ತೆರ್.
