ಹಿಂದೂ ಸಂಘಟನೆ

ದೇವಸ್ಥಾನ ತೆರವು ಮಲ್ಪುನ ಬಗ್ಗೆ ಸರಕಾರದ ನಡೆ ಖಂಡಿಸಾದ್ ಹಿಂದೂ ಸಂಘಟನೆರ್ದ್ ಪ್ರತಿಭಟನೆ

Sep 17, 2021

ಕುಡ್ಲ : ಮೈಸೂರು ಪುರಾತನ ದೇವಸ್ಥಾನ ದ್ವಂಸ ಬೊಕ್ಕ ರಾಜ್ಯೋಡು ದೇವಸ್ಥಾನಲೆನ್ ತೆರವು ಮಲ್ಪುನ ಸರಕಾರದ ನಡೆನ್ ವಿಶ್ವ ಹಿಂದು ಪರಿಷತ್ ಬಜರಂಗದಳ ಖಂಡಿಸಾದ್ ಪೇಂಟೆದ ಕದ್ರಿ ಮಲ್ಲಿಕಟ್ಟೆ ದ್ವಾರದ ಕೈತಲ್ ಸೆ.16 ಕ್ಕ್ ಪ್ರತಿಭಟನೆ ಮಲ್ತೆರ್ .

ಮೈಸೂರುದ ನಂಜನಗೂಡು ತಾಲೂಕಿನ ಆದಿಶಕ್ತಿ ಶ್ರೀ ಮಹದೇವಮ್ಮ ಭೈರವೇಶ್ವರ ಪುರಾತನ ದೇವಸ್ಥಾನನ್ ಬಲವಂತಡ್ ಪುಡಾತ್ ಪಾಡಿನ ಈ ಕೃತ್ಯನ್ ಅಂಚನೇ ರಾಜ್ಯೋಡು ದೇವಸ್ಥಾನಲೆನ್ ತೆರವು ಮಲ್ಪುನ ಸರ್ಕಾರದ ನಡೆನ್ ಖಂಡಿಸಾಯಿನ ವಿಶ್ವ ಹಿಂದು ಪರಿಷತ್ ಬಜರಂಗದಳ ತಕ್ಷಣ ಸರಕಾರ ದೇವಸ್ಥಾನಲೆನ್ ತೆರವು ಮಲ್ಪುನ ನಿರ್ಧಾರನ್ ಪಿರ ದೆಪ್ಪೊಡು ಪಂದ್ ಅಗ್ರಹ ಮಲ್ತೆರ್.