ಸಂಭ್ರಮಾಚರಣೆ

ಪೊಲೀಸ್ ಸಿಬ್ಬಂದಿಲೆನ ವಿಭಿನ್ನ ರೀತಿಡ್ ಸಂಭ್ರಮಾಚರಣೆ

ಒಡಿಪು , ಎಪ್ರಿಲ್ 2: ಜಿಲ್ಲೆದ 2005ನೆ ಬ್ಯಾಚ್ ದ 43 ಜನ ಮಹಿಳಾ ಬೊಕ್ಕ ಪುರುಷ ಪೊಲೀಸ್ ಸಿಬ್ಬಂದಿಲು , ತಮ್ಮ ಇಲಾಖೆಗ್ ಸೇರ್ದ್ 16 ವರ್ಷ ಆಯಿನ ಸಂಭ್ರಮನ್ ವಿಭಿನ್ನ ರೀತಿಡ್ ಆಚರಣೆ ಮಲ್ಪುನ ಮುಖೇನ ಮೆಚ್ಚುಗೆಗ್ ಪಾತ್ರರಾತೆರ್.

ಸಂಭ್ರಮಾಚರಣೆದ ಪ್ರಯುಕ್ತ ಮೆಕುಲು , ಮಣಿಪಾಲದ ಸರಳೆಬೆಟ್ಟು ದ ಕೈತಲ್ ಉಪ್ಪುನ ಹೊಸಬೆಳಕು ಆಶ್ರಮಗ್ 20000ರೂ. ಮೌಲ್ಯದ ದಿನಸಿ ಸಾಮಗ್ರಿಲೆನ್ ಕೊರಿಯೆರ್. ಈ ಪೊರ್ತುಡು ಮಣಿಪಾಲ ಠಾಣೆದ ಪೊಲೀಸ್ ನಿರೀಕ್ಷಕ ಮಂಜುನಾಥ್, ಉಪ ನಿರೀಕ್ಷಕ ರಾಜಶೇಖರ ವಂದಲಿ, ಸಹಾಯಕ ಪೊಲೀಸ್ ಉಪ ನಿರೀಕ್ಷಕ ದಿವಾಕರ ಶರ್ಮ, 2005ನೇ ಬ್ಯಾಚಿನ ಪೊಲೀಸ್ ಸಿಬ್ಬಂದಿಲೆನ ಪರವಾದ್ ರಾಜಕುಮಾರ್, ದಯಾನಂದ ಪ್ರಭು, ಶಿವಾನಂದ, ಆಶಾಲತಾ ಬೊಕ್ಕ ನೇತ್ರಾವತಿ, ಹೊಸಬೆಳಕು ಆಶ್ರಮದ ಸಂಚಾಲಕೆರಾಯಿನ ವಿನಯಚಂದ್ರ ಪಾಲ್ ಪಡೆದಿತ್ತೆರ್.