ಶ್ರೀ ಕ್ರಷ್ಣಾಷ್ಟೋತ್ತರ ಶತನಾಮ

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ಲಕ್ಷದೀಪೋತ್ಸವ

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ಲಕ್ಷದೀಪೋತ್ಸವದ 3ನೇ ದಿನತಾನಿ ಶ್ರೀ ಶಂಕರನಾರಾಯಣ ದೇವೆರ್ನ ವಿಶ್ವರೂಪ ದರ್ಶನ,ಶ್ರೀ ವಿಷ್ಣು ಸಹಸ್ರನಾಮ, ಶ್ರೀ ಕ್ರಷ್ಣಾಷ್ಟೋತ್ತರ ಶತನಾಮ,ಲಕ್ಷತುಳಸಿ ಬಿಲ್ವಾರ್ಚನೆ ನಡತುಂಡ್.

ದೇವಳದ ಚಾವಡಿಡ್ ನಡತಿನ ಸಭಾಕಜ್ಜೊಡ್ 2021ತ್ತ ಕ್ಯಾಲೆಂಡರ್ ಬೊಕ್ಕ ರಾಶಿಪೂಜೆ ಮಹೋತ್ಸವದ ಲೆಪ್ಪೋಲೆನ್ ಶ್ರೀ ಪುತ್ತಿಗೆ ಮಠತ್ತ ಶ್ರೀ ಪಾದೆರಾಯಿನ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥೆರ್ ಬುಡುಗಡೆ ಮಲ್ತುದ್ ರಾಶಿಪೂಜೆ ಮಹೋತ್ಸವಗ್ ಎಡ್ಡೆಪ್ಪುನ್ ಬಯಕಿಯೆರ್.ದೇವಳದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆರಾಯಿನ ಶ್ರೀ ಪ್ರಕಾಶ್ ಜಿ.ಕೊಡವೂರು ಗುರ್ಕಾರ್ಮೆಡಿತ್ತೆರ್.ಮಲ್ಲ ಬಿನ್ನೆರಾದ್ ದೇವಳದ ಪ್ರಧಾನ ತಂತ್ರಿಲಾಯಿನ ವೇದಮೂರ್ತಿ ಹಯವದನ ತಂತ್ರಿ ಪುತ್ತೂರು,ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್,ಕೊಡವೂರು ವಾರ್ಡ್ ದ ನಗರಸಭಾ ಸದಸ್ಯೆರಾಯಿನ ವಿಜಯ ಕೊಡವೂರು,ಕೆನರಾ ಬ್ಯಾಂಕ್ ಪ್ರಾದೇಶಿಕ ಕಚೇರಿ ಉಡುಪಿದ ಸಹಾಯಕ ಪ್ರಬಂಧಕೆರಾಯಿನ ಶ್ರೀ ಎಮ್.ವೈ.ಹರೀಶ್, ದೇವಳದ ಭಕ್ತವ್ರಂದದ ಗುರ್ಕಾರೆರಾಯಿನ ರವಿರಾಜ್ ಹೆಗ್ಡೆ ಮತ್ತರ್ಮೆಡ್ ಪಾಲ್ ಪಡೆಯೆರ್.

ಸಭೆಟ್ ಸ್ವರ್ಗಸ್ಥೆರಾಯಿನ ವಿದ್ವಾಂಸೆ ಬನ್ನಂಜೆ ಗೋವಿಂದಾಚಾರ್ಯೆರೆಗ್ ಮೌನಪ್ರಾರ್ಥನೆ ಸಲ್ಲಿಸಾಯೆರ್.ಸತೀಶ್ ಜಿ.ಕೊಡವೂರು ಸಭಾ ಕಜ್ಜೊದ ನಿರೂಪಣೆ ಮಲ್ತೆರ್.ಪೂರ್ಣಿಮಾ ಜನಾರ್ಧನ್ ಸೊಲ್ಮೆ‌ಸಂದಾಯ್ತ ಮಲ್ತೆರ್.