ಶಾಹಿ ಸ್ನಾನ

ಕುಂಭಮೇಳಡ್ ಕಡೆತ ಶಾಹಿ ಸ್ನಾನ

ಹರಿದ್ವಾರ, ಎಪ್ರಿಲ್ 28: ದೇಶೋಡು ಕೋವಿಡ್‌ ರಡ್ಡನೇ ಅಲೆತ ತೀವ್ರ ಸ್ವರೂಪ ಜಾಸ್ತಿ ಆವೊಂದು ಇತ್ತಿಲಕನೇ ಕುಂಭಮೇಳಡ್ ಕಡೆತ ಶಾಹಿ ಸ್ನಾನ ನಡಪಾಯೆರ್ . ಕೋಡೆ ಕಾಂಡೆ ಐನರೆ ಗಂಟೆರ್ದ್ ಸ್ನಾನ ಸುರು ಆತುಂಡು , ಭಕ್ತಾದಿಲೆನ ಸಂಖ್ಯೆ ಜಾಸ್ತಿ ಇತ್ತುಂಡು ಪಂದ್ ತೆರಿದ್ ಬೈದುಂಡು.

ಬೇತೆ ಬೇತೆ ಘಾಟ್‌ಡ್ ಚೈತ್ರ ಪೂರ್ಣಿಮೆದಾನಿ ಬತ್ತಿನ ಭಕ್ತೆರ್ ಸಾಮೂಹಿಕ ಸ್ನಾನ ಮಲ್ತೆರ್ . ಇತ್ತೇ ಕುಂಭಮೇಳಡ್ ಪಾಲ್ ಪಡೆಯಿನ ಕೆಲವು ಜನಕ್ ಕೋವಿಡ್‌ ಸೋಂಕು ಬತ್ತಿನ ಕಾರಣ ಮಸ್ತ್ ಜನ ಅಖಾಡದ ಸನ್ಯಾಸಿಲು ಕುಂಭಮೇಳರ್ದ್ ಪಿರ ಜಾರ್ದ್ ಇತ್ತೆರ್

ಕಾಂಡೆದ ಬ್ರಾಹ್ಮಿ ಮುರ್ತಡ್ ಸ್ನಾನ ಸುರು ಆತುಂಡು ೧೦೦ ಜಾಸ್ತಿ ಸನ್ಯಾಸಿಲೆಗ್ ಒಟ್ಟುಗು ಅವಕಾಶ ಕೊರ್ತೆರ್.