ವಾರ್ಷಿಕ ಜಾತ್ರೆ

ಸರಳ ರೀತಿಡ್ ನಡಪುನ ಇತಿಹಾಸ ಪ್ರಸಿದ್ದ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಾಲಯದ ವಾರ್ಷಿಕ ಜಾತ್ರೆ

ಪುತ್ತೂರು, ಮಾರ್ಚ್ 30: ಜಾಗತಿಕ ಮಹಾಮಾರಿ ಕೊರೊನಾದ 2ನೇ ಅಲೆತ ಪ್ರಭಾವ ಜಾಸ್ತಿ ಆವೊಂದು ಉಪ್ಪುನೆರ್ದಾವರ , ಕೇಂದ್ರ ಸರ್ಕಾರ ರಾಜ್ಯಗ್ ಮಾರ್ಗದರ್ಶಿ ಸೂತ್ರಲೆನ್ ಕಡಪಾದುಂಡು, ಈ ಸಲ ಇತಿಹಾಸ ಪ್ರಸಿದ್ದ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಾಲಯದ ವಾರ್ಷಿಕ ಜಾತ್ರೆನ್ ಕೊರೊನಾ ಮುನ್ನೆಚ್ಚರಿಕೆದೊಟ್ಟುಗು ಸಾಂಪ್ರದಾಯಿಕವಾದ್ ನಡಪಾವ ಪಂದ್ ಪುತ್ತೂರು ಶಾಸಕ ಸಂಜೀವ ಮಠಂದೂರು ತೆರಿಪಾಯೆರ್ .

ಸೋಮವಾರ ದೇವಾಲಯದ ಸಭಾಭವನಡ್ ಪುತ್ತೂರು ಜಾತ್ರೆದ ಪೂರ್ವಭಾವಿಯಾದ್ ದೇವಾಲಯದ ವ್ಯವಸ್ಥಾಪನಾ ಸಮಿತಿದ ಬೊಕ್ಕ ಜನಪ್ರತಿನಿಧಿಲೆನ ಉಪಸ್ಥಿತಿಟ್ ಬೇತೆ ಬೇತೆ ಇಲಾಖೆದ ಅಧಿಕಾರಿಲೆನ ಸಭೆಟ್ ಪಾತೆರಿಯೆರ್.

ಪುತ್ತೂರು ನಗರಸಭೆ, ಪೊಲೀಸ್ ಇಲಾಖೆ, ಲೋಕೋಪಯೋಗಿ ಇಲಾಖೆ, ಮೆಸ್ಕಾಂ ಇಲಾಖೆ ಸೇರಿನಂಚm ಬೇತೆ ಬೇತೆ ಇಲಾಖೆಲು ಜಾತ್ರಾ ಪೊರ್ತುಡು ಮಲ್ಪೋಡಾಯಿನ ಬೇಲೆನ್ ಪಂಡೆರ್ .