ರಿಲೀಫ್

ಕುಡ್ಲಡ್ ಇನಿರ್ದ್ ನನಾತ್ ರಿಲೀಫ್

Jul 2, 2021

ಕುಡ್ಲ : ಜುಲೈ 2: ಕುಡ್ಲಡ್ ಇನಿರ್ದ್ ಕಾಂಡೆ 7 ಗಂಟೆರ್ದ್ ಬೈಯ್ಯ 5 ಗಂಟೆ ಮುಟ ಬೇರ ಮಲ್ಪರೆ ಅನುಮತಿ ಕೊರ್ತೆರ್. ಬಸ್ ಸಂಚಾರ ಸೇರ್ದ್ ಮಾತಾ ಚಟುವಟಿಕೆಗ್ ಲಾ ಬೈಯ್ಯ 5 ಗಂಟೆ ಮುಟ ಅವಕಾಶ ಉಂಡು. ಅಂಚನೇ ಶನಿವಾರ ಬೊಕ್ಕ ಐತಾರ ವೀಕೆಂಡ್ ಕರ್ಫ್ಯೂ ಜಾರಿಡ್ ಉಪ್ಪುಂಡು. ವೀಕೆಂಡ್ ಕರ್ಫ್ಯೂ ಪೊರ್ತುಡು ಕಾಂಡೆ 6 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ಮಾತ್ರ ಅವಕಾಶ , ಪೇರ್, ತರಕಾರಿ, ಮೀನ್ ಮಾಸ ಬೇರ ಮಲ್ಪರೆ ಮಾತ್ರ ಅವಕಾಶ ಒವ್ವೆ ಅಂಗಡಿ ಬಸ್ ಗ್ ಅವಕಾಶ ಇಜ್ಜಿ ಸರಕಾರದ ಈ ಆದೇಶ ಜುಲೈ 5 ತಾರೀಖ್ ಮುಟ ಜಾರಿಡ್ ಉಪ್ಪುಂಡು.

ರಾಜ್ಯಡ್ ಕೋವಿಡ್ ರಿಲೀಫ್ ಟಾಸ್ಕ್ ಫೋರ್ಸ್ ಸುರು

May 1, 2021

ಕುಡ್ಲ, ಮೇ 02: ರಾಜ್ಯಡ್ ಕೋವಿಡ್ ರಡ್ಡನೇ ಅಲೆತ ತೀವ್ರ ಸ್ವರೂಪನ್ ಪಡೆಯೊಂದು ಉಪ್ಪುನ ನೆಲೆಟ್ಟ್ ಜಮಾಅತೆ ಇಸ್ಲಾಮೀ ಹಿಂದ್‍ದ ರಾಜ್ಯ ಘಟಕ ತನ್ನ ಅಂಗಸಂಸ್ಥೆಲಾಯಿನ ಹುಮ್ಯಾನಿಟೇರಿಯನ್ ರಿಲೀಫ್ ಸೊಸೈಟಿ (ಹೆಚ್.ಆರ್.ಎಸ್.), ಎಸ್.ಐ.ಓ., ಸಾಲಿಡಾರಿಟಿ ಯೂತ್ ಮೂವ್‍ಮೆಂಟ್, ಡಾಕ್ಟರ್ಸ್ ಫಾರ್ ಹುಮ್ಯಾನಿಟಿ ಬೊಕ್ಕ ಫಾರ್ವರ್ಡ್ ಟ್ರಸ್ಟ್- ಮೆಕ್ಲೆನ ಒಟ್ಟು ಸೇರಿಗೆಡ್ ರಾಜ್ಯಡ್ ಕೋವಿಡ್ ರಿಲೀಫ್ ಟಾಸ್ಕ್ ಫೋರ್ಸ್ ಸುರು ಮಲ್ದೆರ್ .

ಈ ಟಾಸ್ಕ್ ಫೋರ್ಸ್ಡ್ ರಾಜ್ಯದ ಬೇತೆ ಬೇತೆ ಭಾಗದ ಸುಮಾರ್ 1500ರ್ದ್ ಲಾ ಜಾಸ್ತಿ ಸ್ವಯಂ ಸೇವಕೆರ್ ಬೇಲೆ ಮಲ್ತೊಂದು ಉಲ್ಲೆರ್.

ಟಾಸ್ಕ್ ಫೋರ್ಸ್ಡ್ ಮೆಡಿಕಲ್ ಎಮರ್ಜೆನ್ಸಿ ಫೋರ್ಸ್, ರಿಲೀಫ್ ವರ್ಕ್ ಫೋರ್ಸ್ ಬೊಕ್ಕ ವಾರ್ ರೂಮ್ ವರ್ಕ್‍ ಫೋರ್ಸ್‍ ಪನ್ಪಿನ 3 ವಿಭಾಗ ಉಂಡು ವ್ಯವಸ್ಥಿತವಾದ್ ಮೆಕುಲು ಬೇಲೆ ಮಲ್ತೊಂದು ಉಲ್ಲೆರ್.