ರಾತ್ರೋರಾತ್ರಿ

ದುಬೈಡ್ ರಾತ್ರೋರಾತ್ರಿ 44 ಕೋಟಿ ರೂಪಾಯಿ ಲಾಟ್ರಿ ಪಡೆಯಿನ ಕೇರಳದ ಪೊಣ್ಣು !

ದುಬೈ : ಕರ್ನಾಟಕ ಸೇರಿನಂಚ ಕೆಲವು ರಾಜ್ಯಡ್ ಲಾಟರಿ ಉಂತಾದೆರ್ . ಆಂಡ ಕೆಲವು ರಾಜ್ಯ ಅತ್ತoದೆ ಪರವೂರು ಡುಲ ಲಾಟರಿ ಭರ್ಜರಿಯಾದ್ ಮಾರಾಟ ಆವೊಂದು ಉಂಡು . ನಸೀಬ್ ಇತ್ತುಂಡ ಮಾಲಾಮಾಲ್‌ ಆಪೆರ್ , ಇಜ್ಜಿಡ ಮಾರ್ಗಗ್ ಬೂರುವೆರ್.

ಒಟ್ಟುಡು ಕೇರಳದ ಪೊಣ್ಣಗ್ ಬಂಪರ್‌ ಇನಾಮು ಬೈದುಂಡು . ಲಾಟರಿ ಟಿಕೆಟ್‌ ಪಡೆದ್ ಇತ್ತಿನ ಲೀನಾ ಜಲಾಲ್ 22 ಮಿಲಿಯನ್ ದಿರಂ ಪಂಡ ಸರಿಸುಮಾರು 44.75 ಕೋಟಿ ಪಣವು ಗೆಂದ್ದೆರ್ !

ದುಬೈಡ್ ಉಪ್ಪುನ ಕೇರಳದ ಲೀನಾ ಜಲಾಲ್ ಅಬುದಾಬಿದ ಬುಗ್ ಟಿಕೆಟ್‌ದ ಪ್ರತಿವಾರ ಡ್ರಾ ಮಲ್ಪುನ ಟಿಕೆಟ್‌ಡ್ ಕಾಸ್ ಗೆಂದ್ದೆರ್ . ಮೇರ್ ಅಬುದಾಬಿಡ್ ಕಂಪೆನಿಡ್ ಮಾನವ ಸಂಪನ್ಮೂಲ ಅಧಿಕಾರಿಯಾದ್ ಬೇಲೆ ಮಲ್ತೊಂದು ಉಲ್ಲೆರ್ ತಂಕ್ ಬತ್ತಿನ ಕಾಸ್ ನ್ ಸಾಮಾಜಿಕ ಸೇವೆಗಾದ್ ದೀಪೆ ಪಂದ್ ಲೀನಾ ಕೈತಲ್ ದ ಪತ್ರಿಕೆಗ್ ಕೊರಿನ ಸಂದರ್ಶನಡ್ ಪಂಡೆರ್ .

‌ಆತೆ ಅತ್ತoದೆ , ಸೂರೈಫ್‌ ಸೂರು ಪನ್ಪಿನ ನನೊರಿ ಕೇರಳ ಮಲಪ್ಪುರಂದ ಆಣಗ್ 1 ಮಿಲಿಯನ್ ದಿರಂ ಕಾಸ್ ಬೈದುಂಡು . ಮೇರ್ ತಾನ್ ಪಡೆಯಿನ ಕಾಸ್ ಡ್ ಒಂತೆ ಕಾಸ್ ನ್ ಇಲ್ಲದಕ್ಲೆಗ್ ಕೊರ್ದು ಒರಿನೆನ್ ತನ್ನ ಬೊಡಿದಿ ಜೋಕ್ಲೆಗ್ ದೀಪೆ ಪಂದ್ ಪಂತೆರ್.

ಕರಿನ ವರ್ಷ ದುಬೈಡ್ ಡ್ರೈವರ್ ಆದ್ ಬೇಲೆ ಮಲ್ತೊಂದು ಇತ್ತಿನ ಕೇರಳದ ವ್ಯಕ್ತಿಗ್ 40 ಕೋಟಿ ರೂಪಾಯಿ ಲಾಟರಿ ಬತ್ತ್ದಿತ್ತುಂಡು .