ಸವಣೂರು ಸೀತಾರಾಮ ರೈಗ್ ” ಸಹಕಾರಿ ರತ್ನ ಪ್ರಶಸ್ತಿ “
ಪುತ್ತೂರು: ರಾಜ್ಯ ಸರ್ಕಾರ ಕೊರ್ಪಿನ ರಾಜ್ಯ ಸಹಕಾರಿ ರತ್ನ ಪ್ರಶಸ್ತಿಗ್ ಪುತ್ತೂರುದ ಸವಣೂರುದ ಶಿಲ್ಪಿ ಪಂದೆ ಪುಗಾರ್ತೆ ಪಡೆಯಿನ ವಿದ್ಯಾರಶ್ಮಿ ಶಿಕ್ಷಣ ಸಮೂಹ ಸಂಸ್ಥೆದ ಸಂಚಾಲಕ ಬೊಕ್ಕ ಹಿರಿಯ ಸಹಕಾರಿ ಧುರೀಣ, ಆದರ್ಶ ವಿವಿದೋದ್ಧೇಸ ಸಹಕಾರಿ ಸಂಘದ ಅಧ್ಯಕ್ಷ ಸವಣೂರು ಕೆ.ಸೀತಾರಾಮ ರೈ ಮೇರ್ ಆಯ್ಕೆ ಆತೆರ್.
ಪ್ರಶಸ್ತಿ ಪ್ರಧಾನ ಲೇಸ್ ಮಾ.20 ತಾರೀಖ್ ಗ್ ಬೆಂಗ್ಳೂರುದ ಕೆಂಗೇರಿ ಉಪನಗರದ 1ನೇ ಮುಖ್ಯ ಮಾರ್ಗದ ಗಣೇಶ ಮೈದಾನಡ್ ನಡಪರೆ ಉಂಡು . ಸಿಎಂ ಬಸವರಾಜ ಎಸ್ ಬೊಮ್ಮಾಯಿ ಪ್ರಶಸ್ತಿ ಪ್ರಧಾನ ಮಲ್ಪರೆ ಉಲ್ಲೆರ್ .
ರಾಜ್ಯ ಸಹಕಾರ ಚಳುವಳಿದ ಬುಲೆಚ್ಚಿಲ್ ಗ್ ಸೀತಾರಾಮ ರೈ ಮೇರ್ ಕೊರಿನ ಇಸೇಸ ಸೇವೆನ್ ಲೆಕ್ಕಗ್ ದೀದ್ ಸಹಕಾರಿ ರತ್ನ ಪ್ರಶಸ್ತಿಗ್ ಆಯ್ಕೆ ಮಲ್ದೆರ್ ಪಂದ್ ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳ ನಿಯಮಿತ ಪಂತೆರ್ .
