ಬಿಡಬ್ಲ್ಯುಎಫ್, ಯುಎಇ ನ ವತಿರ್ದ್ ರಮಝಾನ್ ಕಿಟ್
ಕುಡ್ಲ , ಎ.30: ಬ್ಯಾರೀಸ್ ವೆಲ್ಫೇರ್ ಫೋರಂ ಅಬುಧಾಬಿ (ಬಿಡಬ್ಲ್ಯುಎಫ್) ಯುಎಇ ನೆತ್ತ ವತಿರ್ದ್ ದ.ಕ. ಜಿಲ್ಲೆದ ಬೇತೆ ಬೇತೆ ಅರ್ಹ ಕುಟುಂಬಲೆನ್ ರಮಝಾನ್ ಆಹಾರ ಕಿಟ್ಲೆನ್ ಕೊರಿಯೆರ್ .
125 ಕಿಟ್ಲೆನ್ ಉಪ್ಪಿನಂಗಡಿ, ನೆಲ್ಯಾಡಿ, ಗುರುವಾಯನಕೆರೆ, ಕಕ್ಕಿಂಜೆ ಪ್ರದೇಶಡ್ ಅಂಚನೇ ರಡ್ಡನೇ ಹಂತಡ್ ವಿಟ್ಲ ಪರಿಸರದ ಒಕ್ಕೆತ್ತೂರು, ಕನ್ಯಾನ ಆತೆ ಅತ್ತoದೆ ಮೆಲ್ಕಾರ್ ಡ್ ಉಪ್ಪುನ ಕೆಲವು ಆಯ್ದ ಕುಟುಂಬಲೆಗ್ ಕಿಟ್ ಕೊರಿಯೆರ್.
ಬಿಡಬ್ಲ್ಯುಎಫ್ ಪದಾಧಿಕಾರಿ ಹನೀಫ್ ಉಳ್ಳಾಲ್ ಬೊಕ್ಕ ಇಕ್ವಾನ ಅಹ್ಮದ್ ಕುದ್ರೋಳಿ ಮುತಾಲಿಕೆದ ಈ ಕೂಟ ಈ ಕಿಟ್ಲೆನ್ ಕೊರಿಯೆರ್. ವಿತರಣೆಗ್ ಸ್ಥಳೀಯವಾದ್ ಹನೀಫ್ ಹಾಜಿ ಗೋಳ್ತಮಜಲು, ಇಸ್ಮಾಯೀಲ್ ನೆಲ್ಯಾಡಿ, ಶಾಕಿರ್ ಹಕ್ ನೆಲ್ಯಾಡಿ, ರಶೀದ್ ಕಕ್ಕಿಂಜೆ, ಅಬ್ದುಲ್ ಖಾದರ್ ಕುಕ್ಕಾಜೆ, ಎಂ.ಎ.ರಹಿಮಾನ್ ವಿಟ್ಲ, ಹಕೀಂ ಬೊಕ್ಕ ಅಲ್ ವಫಾ ಟ್ರಸ್ಟ್ ಕುಡ್ಲ ಮೆಕುಲು ಸಾಕಾರ ಕೊರಿಯೆರ್ ಪಂದ್ ಬಿಡಬ್ಲ್ಯುಎಫ್ ಅಬುಧಾಬಿ ನೆತ್ತ ಗುರ್ಕಾರ್ಲಾಯಿನ ಮುಹಮ್ಮದ್ ಅಲಿ ಉಚ್ಚಿಲ, ಪ್ರಧಾನ ಕಾರ್ಯದರ್ಶಿ ಅಬ್ದುಲ್ಲಾ ಮದುಮೂಲೆ ಪ್ರಕಟನೆಡ್ ತೆರಿಪಾಯೆರ್ .