ಮಾರುಕಟ್ಟೆ

ಉರ್ವ ಮಾರುಕಟ್ಟೆ ಬಗ್ಗೆ ಸಭೆ ನಡಪಾಯಿನ ಮೇಯರ್

Jul 10, 2021

ಕುಡ್ಲ, ಜುಲೈ 10: ಕುಡ್ಲ ಮಹಾನಗರಪಾಲಿಕೆ ವ್ಯಾಪ್ತಿದ ಉರ್ವ ಮಾರುಕಟ್ಟೆನ್ ಮುಡಾರ್ದ್ ಪಾಲಿಕೆಗ್ ಹಸ್ತಾಂತರ ಮಲ್ಪುನ ಬಗ್ಗೆ ಮೇಯರ್ ಪ್ರೇಮಾನಂದ ಶೆಟ್ಟಿ ಮೆರ್ನ ಗುರ್ಕಾರ್ಮೆ ಡ್ ನಡತಿನ ಪಾಲಿಕೆದ ಸಮಿತಿ ಸಭಾಂಗಣಡ್ ಶುಕ್ರವಾರ ಸಭೆ ನಡತುಂಡು .

ಮುಡಾ ಕಚೇರಿರ್ದ್ ಇತ್ತೇ ಉರ್ವ ಮಾರುಕಟ್ಟೆದ ಮಿತ್ತ್ ದ ಮಹಡಿಡ್ ಉಪ್ಪುನ ಕೆಲವು ಅಂಗಡಿಲೆಗ್ ಸಂಬಂಧಿ ಹರಾಜು ಪ್ರಕ್ರಿಯೆ ಸುರು ಮಲ್ದೆರ್ . ಈ ದುಂಬು ಪರ ಮಾರುಕಟ್ಟೆಡ್ ಬೇರ ಮಲ್ತೊಂದು ಇತ್ತಿನಕ್ಲೆನ್ ಪೊಸ ಮಾರುಕಟ್ಟೆಗ್ ಸ್ಥಳಾಂತರ ಮಲ್ಪರೆ ಬೊಕ್ಕ ಸರಕಾರದ ನಿಯಮಾವಳಿದ ಪ್ರಕಾರ ಹರಾಜು ಹಾಮಲ್ಪುನ ಸಲುವಾದ್ ವ್ಯಾಪಾರಿಲೆನ ಸಭೆ ಲಿಪ್ಪರೆ ನಿರ್ಣಯ ಮಲ್ತೆರ್ .

ಸಭೆಟ್ ಮುಡಾ ಗುರ್ಕಾರ್ಲಾಯಿನ ರವಿಶಂಕರ್ ಮಿಜಾರು, ಪಾಲಿಕೆದ ಆಯುಕ್ತ ಅಕ್ಷಯ್ ಶ್ರೀಧರ್, ಪಾಲಿಕೆದ ಸದಸ್ಯೆರಾಯಿನ ಸಂಧ್ಯಾ ಮೋಹನ್ ಆಚಾರ್ಯ, ರಾಧಾಕೃಷ್ಣ ಪಾಲ್ ಪಡೆದಿತ್ತೆರ್.

ಕೇಂದ್ರ ಮಾರುಕಟ್ಟೆದ ಕೈತಲ್ ಬೇರ ಮಲ್ಪರೆ ಅವಕಾಶ ಇಜ್ಜಿ: ಡಾ.ರಾಜೇಂದ್ರ ಕೆ.ವಿ. ಘೋಷಣೆ

May 1, 2021

ಕುಡ್ಲ ,ಮೇ 01:ಪೇಂಟೆದ ಕೇಂದ್ರ ಮಾರುಕಟ್ಟೆನ್ ಬೈಕಂಪಾಡಿಗ್ ಸ್ಥಳಾಂತರ ಮಲ್ತ್ ತುಂಡಲ ಕೆಲವು ಜನ ಕೋವಿಡ್-19 ನಿಯಮ ಉಲ್ಲಂಘನೆ ಮಲ್ತ್ ದ್ ಸೋಂಕು ಪರಡರೆ ಅನುವು ಮಲ್ತ್ ಕೊರ್ಪಿನ ನೆಲೆಟ್ಟ್ ಕೇಂದ್ರ ಮಾರುಕಟ್ಟೆದ ಕೈತಲ್ ಬೇರ ಮಲ್ತೊಂದು ಉಲ್ಲೆರ್ ಅಂಚಾದ್ ಈ ಪರಿಸರ ಡ್ ಬೇರ ಮಲ್ಪರೆ ಅವಕಾಶ ಇಜ್ಜಿ ಪಂದ್ ದ.ಕ.ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ತೆರಿಪಾದೆರ್ .

ಕೇಂದ್ರ ಮಾರುಕಟ್ಟೆದ ಪರಿಸರಡ್ ವ್ಯಾಪಾರ ವಹಿವಾಟು ಮಲ್ತೊಂದು ಉಪ್ಪುನ ಬಗ್ಗೆ ಗುರುವಾರ ನಡತಿನ್ ಸಭೆತ ಗುರ್ಕಾರ್ಮೆ ವಯಿಸೊಂದು ಮೇರ್ ಪಾತೆರಿಯೆರ್.

ಕುಡ್ಲ ಕೇಂದ್ರ ತರಕಾರಿ ಬೊಕ್ಕ ಮೀನು ಮಾರುಕಟ್ಟೆದ ಕೈತಲ್ ದ ಪ್ರದೇಶಡ್ ಮಾರ್ಗದ ಬರಿ ಬೇರ ಮಲ್ಪುನಕುಲು ಕೋವಿಡ್ ನಿಯಮಲೆನ್ ಮದತ್ ದ್ ಜನಕ್ಲೆನ್ ಸೇರ್ಪಾದ್ ಬೇರ ಮಲ್ಪುನ ತೊಜಿದ್ ಬೈದುಂಡು.

ಮಾರುಕಟ್ಟೆಲೆನ್ ಗ್ರಾಹಕ-ವ್ಯಾಪಾರಸ್ಥ ಸ್ನೇಹಿಯಾದ್ ರೂಪಿಸಾವೊಡು : ಪ್ರೇಮಾನಂದ ಶೆಟ್ಟಿ

Apr 24, 2021

ಕುಡ್ಲ, ಎಪ್ರಿಲ್ 24: ಕುಡ್ಲಡ್ ಇತ್ತೇ ನಿರ್ಮಾಣ ಆತಿನ ಮಾರುಕಟ್ಟೆ ದ ಸ್ಥಿತಿ-ಗತಿ, ಪ್ರಸ್ತುತ ಎದುರಿಸಾವೊಂದು ಉಪ್ಪುನ ಸಮಸ್ಯೆದ ಬಗ್ಗೆ ಅಧ್ಯಯನ ನಡಪಾದ್ ಮಾತಾ ಮಾರುಕಟ್ಟೆಲೆನ್ ಗ್ರಾಹಕ-ವ್ಯಾಪಾರಸ್ಥ ಸ್ನೇಹಿಯಾದ್ ರೂಪಿಸಾಯರೇ ಪರಿನಿತೆರ್ ಇತ್ತಿನ ವಿಶೇಷ ತಂಡ ರಚನೆ ಮಲ್ಪುವ ಪಂದ್ ಮಂಗಳೂರು ಮಹಾನಗರ ಪಾಲಿಕೆ ಮೇಯರ್‌ ಪ್ರೇಮಾನಂದ ಶೆಟ್ಟಿ ಬೊಕ್ಕ ಆಯಕ್ತ ಅಕ್ಷಯ್‌ ಶ್ರೀಧರ್‌ ತೆರಿಪಾದೆರ್ .

“ಮಾರುಕಟ್ಟೆ ಸುಧಾರಣೆ ಏಪ ?’ಪನ್ಪಿನ ಶೀರ್ಷಿಕೆದಡಿ ಅಟ್ಟನೆ ಮಲ್ದಿನ ಅಭಿಯಾನಗ್ ಪೂರಕವಾದ್ ಗುರುವಾರ ಅಟ್ಟನೆ ಮಲ್ತಿನ ಫೋನ್‌-ಇನ್‌ ಲೇಸ್ ಡ್ ಸಾರ್ವಜನಿಕೆರ್ನ ದೂರವಾಣಿ ಕರೆಕ್ ಉತ್ತರ ಕೊರಿನ ಮೇಯರ್‌ ಬೊಕ್ಕ ಆಯುಕ್ತೆರ್ , ಪೇಂಟೆಡ್ ಇತ್ತೇ ಆತಿನ ಮಾರುಕಟ್ಟೆಲು ಅವ್ವೆತೋ ಬಗೆತ ಸಮಸ್ಯೆ ಎದುರಿಸಾವೊಂದು ಉಪ್ಪುನವು ನಿಜ ಪಂದ್ ಪಂಡೆರ್.