ಮಹಾಮಾರಿ

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೋವಿಡ್ ಮಹಾಮಾರಿನ್ ನಿರ್ಲಕ್ಷಿಸಾದ್ ಮರ್ದ್ ಪಡೆಯಂದೆ ಸೋಂಕು ಬತ್ದ್ ತೀರ್ ಪೋಯಿನ ಜೆಕ್ ಜಾನಪದ ಗಾಯಕಿ ಹನ ಹೊರ್ಕಾ

Jan 21, 2022

ಜೆಕ್ ಜಾನಪದ ಗಾಯಕಿ ಹನ ಹೊರ್ಕಾ , ಕೋವಿಡ್ ಪನ್ಪಿನ ಸುಳ್ಳು, ವ್ಯಾಕ್ಸಿನ್ ಪಡೆದಯುನ ಅಗತ್ಯ ಇಜ್ಜಿ ಪಂದ್ ಉದ್ದೇಶಪೂರ್ವಕವಾದ್ ಕೋವಿಡ್ ಬತ್ದ್ ತೀರ್ ಪೋಯಿನ ಘಟನೆ ವರದಿಯಾತುಂಡು .

ಹನ ಹೊರ್ಕಾ ಮಗ ಪಾತೆರ್ದ್ , ಎಂಕ್ ಬೊಕ್ಕ ಎನ್ನ ಪೊಪ್ಪಗ್ ಕೋವಿಡ್ ಸೋಂಕು ಬೈದುಂಡು ನಮ ಹುಷಾರ್ ಆದ್ ಅಮ್ಮ ನಮರ್ದ್ ಬೋಡು ಪಂದೆ ಅಂತರ ಕಾಪಂದೆ ಸೋಂಕು ಪಡೆಯೆರ್ . ಐರ್ದ್ ಬೊಕ್ಕ ವೈದ್ಯೆರ್ನ ಸಲಹೆದಲಕ ಮರ್ದ್ ಪಡೆಯೆರ್ . ಚಿಕಿತ್ಸೆ ಫಲಕಾರಿಯಾವಂದೆ ತೀರ್ ಪೋಯೆರ್ ಪಂದ್ ಆರ್ನ ಮಗೆ ರೈಕ್ಸ್ ಪಂತೆರ್ .

ಕುಕ್ಕೆ ಶ್ರೀ ಸುಬ್ರಹ್ಮಣ್ಯಡ್ ಕೊರೊನಾ ಮಹಾಮಾರಿ ನಿಯಂತ್ರಣಗ್ ಅಂಚನೇ ಲೋಕ ಕಲ್ಯಾಣಾರ್ಥವಾದ್ ವಿಶೇಷ ಪೂಜೆ

May 8, 2021

ಕುಡ್ಲ , ಮೇ 8: ದೇಶಡ್ ಕೊರೊನಾ ಸೋಂಕು ಪ್ರಕರಣ ದಿನರ್ದ್ ದಿನ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಕೊರೋನ ನಿಯಂತ್ರಣಗ್ ಲಸಿಕೆ ತಯಾರ್ ಆಂಡಲಾ ಒವ್ವೆ ಬದಲಾವಣೆ ತೋಜೋoದು ಇಜ್ಜಿ.

ಪ್ರಪಂಚದ ಅತಿರಥ ಮಹಾರಥ ವಿಜ್ಞಾನಿಲೆ ಅನೇಕ ಸಂಶೋಧನೆ ಮಲ್ತುಂಡಲ , ಕೊರೊನಾ ಪನ್ಪಿ ಮಹಾಮಾರಿನ್ ಕಟ್ಟ್ ದ್ ಪಾಡ್ಯರೆ ಸಾಧ್ಯ ಆವೊಂದು ಇಜ್ಜಿ. ಇಂಚಿಪ್ಪ ಪೊರ್ತುಡು ಕೊರೊನಾನ್ ಶಮನ ಮಲ್ಪರೆ ಮಂತ್ರಶಕ್ತಿದ ಪ್ರಯತ್ನಲ ನಡತೊಂದು ಉಂಡು.

ದಕ್ಷಿಣ ಭಾರತದ ಪುಗಾರ್ತೆ ಪಡೆಯಿನ ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯಡ್ ಕೊರೊನಾ ಮಹಾಮಾರಿ ನಿಯಂತ್ರಣಗ್ ಅಂಚನೇ ಲೋಕ ಕಲ್ಯಾಣಾರ್ಥವಾದ್ ವಿಶೇಷ ಪೂಜೆನ್ ಸುರು ಮಲ್ದೆರ್. ಮೇ 5ರ್ದ್ ಮೇ 11 ಮುಟ ನಿರಂತರ ಒಂಜಿ ವಾರದ ಪೂಜಾ ಹೋಮ ಹವನಲು ನಡತೊಂದು ಉಂಡು.