ಭಾರತದ

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಸದಸ್ಯೆರಾಯಿನ ಚೇತಕ್ ಪೂಜಾರಿ ನಿರ್ದೇಶನದ “ಭಾರತದ ಐಸಿರ” ತುಳು ಚಿತ್ರ ಪದ ಬುಡುಗಡೆ

Aug 8, 2022

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ ಸದಸ್ಯೆರಾಯಿನ ಚೇತಕ್ ಪೂಜಾರಿ ನಿರ್ದೇಶನದ “ಭಾರತದ ಐಸಿರ” ತುಳು ಚಿತ್ರ ಪದ ಬುಡುಗಡೆ

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಚೇತಕ್ ಪೂಜಾರಿ ನಿರ್ದೇಶನದ “ಭಾರತದ ಐಸಿರ” ತುಳು ಚಿತ್ರ ಪದೊನು ಬಿಜೆಪಿ ಜಿಲ್ಲಾಧ್ಯಕ್ಷೆರಾಯಿನ ಸುದರ್ಶನ್ ಎಂ.ರವರು ಬುಡುಗಡೆ ಮಲ್ತೆರ್ . ಈ ಪೊರ್ತುಡು ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್ಸಾರ್ ಮ.ನ.ಪ. ಸದಸ್ಯೆರಾಯಿನ ಜಯಲಕ್ಷ್ಮಿ ಶೆಟ್ಟಿ, ವಾಕ್ಸ್ ಬೋರ್ಡ್‌ ಒತ್ತು ಗುರ್ಕಾರ್ಲಾಯಿನ ಪಕಿರಬ್ಬ, ಬೋಳಾರ ಮುಖ್ಯಪ್ರಾಣ ದೇವಸ್ಥಾನದ ಟ್ರಸ್ಟಿ ವಸಂತ್ ಶೆಟ್ಟಿ, ಸನಾತನ ನಾಟ್ಯಾಲಯದ ಚಂದ್ರಶೇಕರ್ ಶೆಟ್ಟಿ, ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯ ಸಂಜೀವ ಸೂಟರ್ ಪೇಟೆ ಪಾಲ್ ಪಡೆದಿತ್ತೆರ್ .

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರಾಷ್ಟ್ರಪತಿ ವೋಟು ಗೆನ್ಪರೆ ಸುರು ಏರ್ ಆವೆರ್ ಭಾರತದ ಪ್ರೆಸಿಡೆಂಟ್ ?

Jul 21, 2022

ಕರ್ನಾಟಕ : ಇತ್ತೆ 11 ಗಂಟೆಗ್ ರಾಷ್ಟ್ರಪತಿ ವೋಟುದ ಲೆಕ್ಕ ಸುರು ಆತ್ಂಡ್.
ಆಯ್ಕೆಯಾಯಿನ ಅಭ್ಯರ್ಥಿ ಭಾರತದ 15ನೇ ರಾಷ್ಟ್ರಪತಿಯಾದ್ ಅಧಿಕಾರ ದೆತೊನೆರೆ ಉಲ್ಲೆರ್ .

ಬಿಜೆಪಿ ಮುತಾಲಿಕೆದ ಎನ್‌ಡಿಎ ಅಭ್ಯರ್ಥಿ ದ್ರೌಪದಿ ಮುರ್ಮು ಬೊಕ್ಕ ಜಂಟಿ ವಿರೋಧ ಪಕ್ಷದ ಅಭ್ಯರ್ಥಿ ಯಶವಂತ್ ಸಿನ್ಹಾ ನಡುಟು ಪಂಥ ನಡತೊಂದು ಉಂಡು. ಆಡಳಿತಡ್ ಉಪ್ಪುನ ಬಿಜೆಪಿದ ಸಂಖ್ಯಾಬಲ ಜಾಸ್ತಿ ಉಂಡು ಮುರ್ಮು ಗೆಂದುನ ಖಚಿತ ಪಂದ್ ಪನೊಂದು ಉಲ್ಲೆರ್ . ಜಾರ್ಖಂಡ್‌ದ ಮಾಜಿ ಗವರ್ನರ್ ಆಯಿನ ದ್ರೌಪದಿ ಮುರ್ಮು ಮೇರ್ ಆಯ್ಕೆ ಆಂಡ , ಭಾರತದ ಸುರುತ ಬುಡಕಟ್ಟು ರಾಷ್ಟ್ರಪತಿ ಬೊಕ್ಕ ದೇಶದ ರಡ್ಡನೇ ಪೊಂಜೊವು ರಾಷ್ಟ್ರಪತಿ ಪನ್ಪಿನ ಪುಗಾರ್ತೆ ಪಡೆಯೆರೆ ಉಲ್ಲೆರ್ .

ಜುಲೈ 18 ಗ್ ದೇಶಡ್ ಮಾತಾ ಚುನಾಯಿತ ಶಾಸಕೆರ್ ಬೊಕ್ಕ ಸಂಸದೆರ್ ರಾಮನಾಥ್ ಕೋವಿಂದ್ ಮೆರ್ನ ಉತ್ತರಾಧಿಕಾರಿಗ್ ವೋಟು ಪಾಡ್ದ್ ಇತ್ತೆರ್ . ಸಂಸತ್ ಭವನಡ್ ನಡತಿನ ವೋಟುಡು 736 ಜನಟ್ 728 ಮತದಾರೆರ್ ವೋಟು ಪಾಡ್ದೆರ್.

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಭಾರತದ ರಕ್ಷಣಾ ಇಲಾಖೆದ ಬ್ರಿಗೇಡಿಯರ್ ಹುದ್ದೆ ಪಡೆಯಿನ ಅಜೆಕಾರ್ ದ ಸಚ್ಚಿದಾನಂದ ಪ್ರಭು

Apr 14, 2022

ಕಾರ್ಲ : ಅಜೆಕಾರು ಮರ್ಣೆ ಗ್ರಾಮದ ಕಾಡುಹೊಳೆ ಸಚ್ಚಿದಾನಂದ ಪ್ರಭು ಮೇರ್ ಭಾರತದ ರಕ್ಷಣಾ ಇಲಾಖೆದ ಬ್ರಿಗೇಡಿಯರ್ ಹುದ್ದೆ ಪಡೆತೆರ್ .ಕಾಡುಹೊಳೆಟ್ ಪ್ರಾಥಮಿಕ ಶಿಕ್ಷಣ, ಅಜೆಕಾರು ಜ್ಯೋತಿ ಶಾಲೆಡ್ ಪ್ರೌಢಶಿಕ್ಷಣ, ಎಸ್‌ಡಿಎಂ ಉಜಿರೆಡ್ ಪಿಯು ಶಿಕ್ಷಣ ಮಲ್ತಿನ ಪ್ರಭು ಮೇರ್ ಒಡಿಪು ವೈಕುಂಠ ಬಾಳಿಗಾ ಕಾಲೇಜಿಡ್ ಎಲ್‌ಎಲ್‌ಬಿ ಪದವಿ ಪಡೆತೆರ್ .

1997ಟ್ಟ್ ಭಾರತೀಯ ಭೂಸೇನೆಡ್ ಅಸಿಸ್ಟೆಂಟ್ ಜಡ್ಜ್ ಅಡ್ವಕೇಟ್ ಜನರಲ್ ಹುದ್ದೆಗ್ ನೇಮಕ ಆದ್ ಇತ್ತೆರ್ . ಐರ್ದ್ ಬೊಕ್ಕ ಕರ್ನಲ್ ಮಿಲಿಟರಿ ಸೆಕ್ರೆಟರಿ (ಕಾನೂನು), ಡೆಪ್ಯೂಟಿ ಜಡ್ಜ್ ಅಡ್ವಕೇಟ್ ಜನರಲ್ ಆಗಿ ಸೇವೆ ಮಲ್ತೆರ್ ..

ಮೇರ್ ಕಾಡುಹೊಳೆ ಕೊಪ್ಪಲದ ದಿ. ಬಾಬುರಾಯ ಪ್ರಭು ಬೊಕ್ಕ ರತ್ನಮ್ಮ ದಂಪತಿ ಪುತ್ರ, ಬೈಲೂರು ಜ್ಯೋತಿ ಪ್ರಭು ಅರೆನ ಬೊಡೆದಿ .

ನಾಗಕ್ಷೇತ್ರ ಕುಕ್ಕೆಡ್ ಸುರು ಆಯೆರೆ ಉಂಡು ಭಾರತದ ರಡ್ಡನೇ ವಿಷ ಚಿಕಿತ್ಸಾಲಯ| ಉಚ್ಚು ಚುಚ್ಚಿನೆಕ್ಕ್ ಆಯುರ್ವೇದ ಪದ್ದತಿಡ್ ಮರ್ದ್

Feb 14, 2022

ಸುಬ್ರಹ್ಮಣ್ಯ : ಪ್ರಸಿದ್ಧ ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯಡ್ ವಿಷದ ಉಚ್ಚು ಚುಚ್ಚಿನೆಕ್ಕ್ ಆಯುರ್ವೇದ ಮರ್ದ್ ಕೊರ್ಪಿನ ಆಸ್ಪತ್ರೆ ಸುರು ಮಲ್ಪರೆ ಸರಕಾರ ಚಿಂತನೆ ಕೊರ್ತುಂಡು .

ಮುಜರಾಯಿ ಇಲಾಖೆ 300 ಕೋ.ರೂ. ಪಣವುಡು ಕ್ಷೇತ್ರದ ಸಮಗ್ರ ಅಭಿವೃದ್ಧಿಗ್ ಯೋಜನೆ ಪಾಡ್ದೆರ್ , ಇಂಜಾಡಿದ ಕೈತಲ್ 50 ಎಕರೆ ಪ್ರದೇಶೊಡು 100 ಕೋ.ರೂ. ಪಣವುಡು ಪರಿಸರ ಸ್ನೇಹಿ ಕುಟೀರನ್ ಕಟ್ಟೊಂದು ಉಲ್ಲೆರ್ . ಅಲ್ಪ ಮನಃ ಶಾಂತಿ ತಿಕ್ಕುನ ಯೋಗ, ಥೆರಪಿ, ಧ್ಯಾನ, ಆಯು ರ್ವೇದ ಚಿಕಿತ್ಸೆ ಇಂಚಿನ ಸೌಲಭ್ಯ ಉಂಡು . ವಿಷ ಚಿಕಿತ್ಸೆದ ಆಸ್ಪತ್ರೆಲ ಐಟ್ ಒಂಜಿ . ಉಚ್ಚು ಚುಚ್ಚಿನಕ್ಲೆಗ್ ದಾಖಲ್ ಮಲ್ತೊನೆರೆ 5 ರ್ದ್ 6 ಬೆಡ್‌ ವ್ಯವಸ್ಥೆ ಉಂಡು . ಆಯುರ್ವೇದ ವೈದ್ಯೆರ್ ದಾದಿನಕುಲು ಉಲ್ಲೆರ್ ಗಿಡಮೂಲಿಕೆದ ಮುಖೇನ ಮರ್ದ್ ಕೊರಿಯೆರೆ ಉಲ್ಲೆರ್.

ಉಚ್ಚು ಚುಚ್ಚಿನೆರ್ದ್ ದೇಶೋಡು ವರ್ಷಡ್ 20 ಸಾರರ್ದ್ 50 ಸಾರದಾತ್ ಜನಕುಲು ಸೈಯೊಂದು ಉಲ್ಲೆರ್ . ಗಿಡಮೂಲಿಕೆದ ಮರ್ದೆ ಇತ್ತೆಲಾ ಎಚ್ಚಿನ ಜಾಗೆಡ್ ಕಮ್ಮಿ ಆವೊಂದು ಉಂಡು . ಉಚ್ಚುದ ಇಸೋಕು ಆಯಿನಾತ್ ಬೇಗ ಮರ್ದ್ ಬೋಡಾಪಿನೆರ್ದಾವರ ತಿoಕ್ಕದೆ ಅವ್ವೆತೋ ಜನ ಸೈಯೊಂದು ಉಲ್ಲೆರ್.

ತುಳುನಾಡ್ ನಾಗರಾಧನೆಗ್ ಪುಗಾರ್ತೆ ಪಡೆತುಂಡು . ಪಶ್ಚಿಮ ಘಟ್ಟದ ತಪ್ಪಲು ಪ್ರದೇಶ ಆಯಿನ ದ.ಕ., ಒಡಿಪುಡು ಅಸಂಖ್ಯಾತ ನಾಗಬನಲಾ ಉಂಡು ಕೇರಳದ ಕಣ್ಣೂರುದ ಪರಶ್ಶಿನಕಡವು ಕೈತಲ್ ಪಾಪ್ಪಿನಶೇರಿಡ್ ವಿಷದ ಉಚ್ಚು ಚುಚ್ಚಿನೆತ್ತ ಕ್ಲಿನಿಕ್‌ ಉಂಡು . ಅವೆನ್ ಬುರ್ದು ಕುಡ್ಲಡ್ ಇಂಚಿನ ಆಸ್ಪತ್ರೆ ಇಜ್ಜಿ . ಸುರುಟು ಆ್ಯಂಟಿಬ್ಯಾಟಿಕ್‌ ಚುಚ್ಚುಮದ್ದು ಕೊರ್ದು ಐರ್ದ್ ಬೊಕ್ಕ ಆಯುರ್ವೇದ ಪದ್ಧತಿದ ಮರ್ದ್ ಕೊರ್ಪೆರ್ ಪಂದ್ ಎಂದು ಕ್ಲಿನಿಕ್‌ದ ಡಾ| ಹರಿಕೃಷ್ಣ
ಪಂತೆರ್.