ಬಾವಚಿತ್ರ

ತುಳುನಾಡ ತುತ್ತೈತದ ಜೋಕುಲೆನ ಬಾವಚಿತ್ರ ಪಂಥ

 ಪೆರ್ಮೆದ ತುಳುನಾಡ ತುತ್ತೈತದ ಜೋಕುಲೆನ ಬಾವಚಿತ್ರ ಪಂಥೋದ ತೀರ್ಪುಗಾರರೆರಾದ್ ಮೂಲ್ಕಿ ರೋಟರಿ ಕ್ಲಬ್‌ದ ಸದಸ್ಯೆ, ಕರಿನ 30 ವರ್ಷದ ಅನುಭವದ ಛಾಯಾಗ್ರಾಹಕೆರಾದು ಬೊಕ್ಕ ಪತ್ರಕರ್ತೆರಾದುಪ್ಪುನ ಮೂಲ್ಕಿದ ಚಿತ್ರಾಲಯ ಸ್ಟುಡಿಯೋದ ಮಾಲೀಕೆರಾಯಿನ ಭಾಗ್ಯವಾನ್ ಸನಿಲ್ ಬೊಕ್ಕ ಕರಿನ 22 ವರ್ಷದ ಅನುಭವೊಡು ಪತ್ರಿಕಾರಂಗೊಡು ಬೆನೊಂದುಪ್ಪುನ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಹಿರಿಯ ಪತ್ರಕರ್ತೆರು ಯಶೋಧರ ಸಾಲ್ಯಾನ್ ಒಟ್ಟು ಸೇರಿಗೆಡ್ ಪಂಥೊದ ತೀರ್ಪುನು ಕೊರ್‍ಪಿನ ಕಜ್ಜೊಗು ಕೈ ಜೋಡಿಸಾದೆರು. ನಮ ಮಾತೆರ್‍ನಲಾ ಮೋಕೆದ ಗುರ್‍ಕಾರ್ಲು ದಯಾನಂದ ಜಿ. ಕತ್ತಲ್‌ಸಾರ್, ಮೂಲ್ಕಿ ರೋಟರಿ ಕ್ಲಬ್‌ದ ಗುರ್‍ಕಾರ್ಲು ಅಶೋಕ್‌ಕುಮಾರ್ ಶೆಟ್ಟಿ, ಕಾರ್ಯಂತೆರು ವೈ.ಎನ್.ಸಾಲ್ಯಾನ್, ಸದಸ್ಯೆ ಸಂಚಾಲೆಕೆ ನರೇಂದ್ರ ಕೆರೆಕಾಡು ಒಟ್ಟುಗಿತ್ತೆರ್.

ನೆಂಪುಡು…
ನವೆಂಬೆರ್ 21ಕ್ಕು ಬಯ್ಯ 3-30ಕ್ಕು ಸರಿಯಾದ್ ಮಾರೆರ್‍ನಲಾ ಸಕಾಯದೊಟ್ಟುಗು ಇನಾಮು ಪಟ್ಟುನ ಲೇಸ್ ನಡಪರೆ ಉಂಡು.