ಪ್ರಯಾಣ

ಖಾಸಗಿ ಬಸ್ ಪ್ರಯಾಣ ದರ ಏರಿಕೆಗ್ ತಡೆ : ದ.ಕ ಜಿಲ್ಲಾಧಿಕಾರಿ

ಕುಡ್ಲ ,ಜುಲೈ 6 : ದ.ಕ.ಜಿಲ್ಲೆದ ಖಾಸಗಿ ಬಸ್ ಮಾಲಕೆರ್ನ ಸಂಘವು ಏರಿಕೆ ಮಲ್ದಿನ ಬಸ್ ಪ್ರಯಾಣ ದರಕ್ ತಾತ್ಕಾಲಿಕ ತಡೆ ಕೊರ್ತೆರ್ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ತೆರಿಪಾದೆರ್ .

ಸೋಮವಾರ ಬಸ್ ಮಾಲಕೆರ್ನ ಸಂಘದ ಪ್ರತಿನಿಧಿನಕ್ಲೆನೊಟ್ಟುಗು ಸಭೆ ನಡಪಾಯಿ ಬೊಕ್ಕ ಸುದ್ದಿಗಾರೆರೆಗ್ ಮಾಹಿತಿ ಕೊರಿನ ಜಿಲ್ಲಾಧಿಕಾರಿ, ಲಾಕ್‌ ಡೌನ್ ದ ದುಂಬು ಚಾಲ್ತಿಡ್ ಇತ್ತಿನ ಪ್ರಯಾಣ ದರನ್ ದೆತೊನೊಡು ಪಂದ್ ಮಾಲಕೆರೆಗ್ ಸೂಚನೆ ಕೊರ್ತೆರ್ . ಪ್ರಯಾಣ ದರ ಏರಿಕೆಗ್ ಸಂಬಂಧಿ ಈ ವಾರದುಲಯಿ ಆರ್‌ಟಿಎ ಸಭೆ ನಡಪಾವೆರ್ . ಆ ಸಭೆಟ್ ದರ ಜಾಸ್ತಿ ಮಲ್ಪೊಡ ಅತ್ತ್ ಬೊರ್ಚ ಪನ್ಪಿನ ವಿಚಾರದ ಬಗ್ಗೆ ತೀರ್ಮಾನ ದೆತೊನುವ ಪಂದ್ ಜಿಲ್ಲಾಧಿಕಾರಿ ಪಂಡೆರ್ .