ಪೋಲಿಸೆರ್

ಕುಡ್ಲಗ್ ಬತ್ತಿನ ಪ್ರಮೋದ್ ಮುತಾಲಿಕ್ ನ್ ವಶಕ್ ಪಡೆಯಿನ ಪೋಲಿಸೆರ್

ಕುಡ್ಲಗ್ ಬತ್ತಿನ ಪ್ರಮೋದ್ ಮುತಾಲಿಕ್ ನ್ ವಶಕ್ ಪಡೆಯಿನ ಪೋಲಿಸೆರ್

ಕುಡ್ಲ : ಕರ್ಫ್ಯೂದ ನಡುಟುಲಾ ಕುಡ್ಲಗ್ ಬತ್ತಿನ ರಾಮ ಸೇನೆದ ಹಿಂದೂ ಮುಖಂಡ ಪ್ರಮೋದ್ ಮುತಾಲಿಕ್ ಮೆರೆನ್ ಹೆಜಮಾಡಿ ಚೆಕ್ ಪೋಸ್ಟ್ ಡ್ ಒಡಿಪು ಬೊಕ್ಕ ಕುಡ್ಲ ಪೋಲಿಸೆರ್ ಒಟ್ಟು ಸೇರ್ದ್ ಅರೆಸ್ಟ್ ಮಲ್ದೆರ್ , ಮೆರೆನ್ ವಶಕ್ ಪಡೆತೆರ್ ಪಂದ್ ಕುಡ್ಲ ನಗರ ಕಮೀಷನರ್ ಎನ್. ಶಶಿಕುಮಾರ್ ಮಾಧ್ಯಮದಕ್ಲೆಗ್ ಮಾಹಿತಿ ಕೊರಿಯೆರ್ .ಕುಡ್ಲ ಜಿಲ್ಲಾ ಪೊಲೀಸ್ ಘಟಕ ವ್ಯಾಪ್ತಿದ ಬಂಟ್ವಾಳ, ಬೆಳ್ತಂಗಡಿ, ಪುತ್ತೂರು, ಕಡಬ ಬೊಕ್ಕ ಸುಳ್ಯ ಪೆಂಟೆಗ್ ಶ್ರೀರಾಮ ಸೇನಾ ಮುಖ್ಯಸ್ಥ ಪ್ರಮೋದ್ ಮುತಾಲಿಕ್ ಪ್ರವೇಶಗ್ ನಿಷೇಧ ಪಾರ್ದ್ , ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಆದೇಶ ಕೊರ್ದು ಇತ್ತೆರ್ .

w

ಮುತಾಲೀಕ್ ಮೇರ್ ದುಂಬು ಪೋಯಿನoಚಿನ ಜಾಗೆಡ್ ಪ್ರಚೋದನಕಾರಿ ಭಾಷಣ ಮಲ್ತ್ ಹಿಂದೂ ಸಮುದಾಯದ ಜನಕ್ಲೆನ ಕೋಮು ಭಾವನೆ ಹಾಳ್ ಮಲ್ತೊಂದು ಬೈದೆರ್ ಅಂಚನೆ ಕೋಮು ಸೌಹಾರ್ದ ಹಾಳ್ ಮಲ್ತಿನ ಅವ್ವೆತೋ ಪ್ರಕರಣ ಉಂಡು.

ಇತ್ತೆ ಮೇರ್ ಕುಡ್ಲಗ್ ಬತ್ತೆರ್ಡ ಪ್ರಚೋದನಕಾರಿ ಹೇಳಿಕೆ ಕೊರ್ದು ನನಾತ್ ಮತ್ತಷ್ಟು ಪ್ರಕ್ಷುಬ್ಧ ವಾತಾವರಣ ಸೃಷ್ಟಿಯಾಪಿನ ಸಾಧ್ಯತೆ ಉಪ್ಪುನೆರ್ದಾವರ ಅರೆಗ್ ದಂಡ ಪ್ರಕ್ರಿಯೆ ಸಂಹಿತೆ 1973ರ ಕಲಂ 144ರ ಅನ್ವಯ ಆದೇಶ ಕೊರೊಡು ಪಂದ್ ಪೊಲೀಸ್ ಅಧೀಕ್ಷಕೆರ್ ಮಲ್ತಿನ ಬಿನ್ನಾಪುದ ನೆಲೆಟ್ಟ್ ಈ ಆದೇಶ ಕೊರ್ತೆರ್ ಪಂದ್ ಜಿಲ್ಲಾಧಿಕಾರಿ ಪಂಡೆರ್ .

ಕೋಟಿ ರೂಪಾಯಿ ಪಣವುದ ನಿಷೇಧಿತ ಅಂಬರ್ ಗ್ರೀಸ್ ಮಾರಿನ ಕಲ್ವೆರ್ ; 6 ಜನನ್ ಪತ್ತಿನ ಕುಡ್ಲ ಪೋಲಿಸೆರ್

ಕುಡ್ಲ : ಕೋಟಿ ರೂಪಾಯಿ ಪಣವುದ ನಿಷೇಧಿತ ಅಂಬರ್ ಗ್ರೀಸ್ ನ್ ಕಂಡ್ ದ್ ಮಾರ್ಯೆರೆ ಪ್ರಯತ್ನ ಮಲ್ತಿನ ಆಜಿ ಕಲ್ವೆರೆನ್ ಕೊಣಾಜೆ ಪೋಲಿಸೆರ್ ಪತ್ತ್ದೆರ್ .

ಕುಂದಾಪುರ ಪೇಂಟೆದ ಜಡ್ಕಲ್ ಪೋಸ್ಟ್, ಜಡ್ಕಲ್ ಗ್ರಾಮ ನಿವಾಸಿ ಪ್ರಶಾಂತ್(24), ಬೆಂಗ್ಳೂರು ವೀರಭದ್ರ ನಗರ ಬಿಎಸ್ ಕೆ ಮೂಜನೇ ಹಂತ ನಿವಾಸಿ ಸತ್ಯರಾಜ್(32), ಕುಡ್ಲದ ತೆಂಕಡಪದವು ಗ್ರಾಮ ನಿವಾಸಿ ರೋಹಿತ್(27), ಕುಡ್ಲದ ಅಡೂರು ಗ್ರಾಮ ನಿವಾಸಿ ರಾಜೇಶ್(37), ತೆಂಕಎಡಪದವು ಗ್ರಾಮ ನಿವಾಸಿ, ವಿರೂಪಾಕ್ಷ(37), ಕಾಪು ನಿವಾಸಿ ನಾಗರಾಜ್(31) ತಿಕ್ಕ್ ದ್ ಬೂರಿನ ಕಲ್ವೇರ್ .

ಪೇಂಟೆದ ಕೊಣಾಜೆ ಪೊಲೀಸ್ ಠಾಣಾಕೈತಲ್ ಬಾಳೆಪುಣಿ ಗ್ರಾಮದ ನವೋದಯ ಶಾಲೆದ ಕೈತಲ್ ನಿಷೇಧಿತ ವಸ್ತುವಾಯಿನ ಅಂಬರ್ ಗ್ರೀಸ್ ನ್ ಕಲ್ವೇರ್ ಕಂಡ್ ದ್ ಮಾರಾಟ ಮಲ್ಪರೆ ಅಕ್ರಮವಾಗಿ ಯತ್ನ ಮಲ್ತೊಂದು ಇತ್ತೆರ್.. ಕಲ್ವೇರೆರ್ದ್ 3 ಕೆಜಿ 480 ಗ್ರಾಂ ತೂಕದ 3.48 ಕೋಟಿ ರೂ. ಪಣವುದ ಅಂಬರ್ ಗ್ರಿಸ್ ನ್ ವಶಕ್ ಪಡೆತೆರ್ . ಈ ಅಂಬರ್ ಗ್ರೀಸ್ನ್ ತಮಿಳುನಾಡು ಮೂಲದ ಮೀನುಗಾರೆ ಸೇದು ಮಾಣಿಕ ಪನ್ಪಿ ನಾಯೆ ಕೊರ್ತಿನಿ ಪಂದ್ ಆರೋಪಿಲು ಪಂತೆರ್ ಈ ಬಗ್ಗೆ ಕೊಣಾಜೆ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತುಂಡು.