ಪೊಸ ಮೇಯರ್

ಟೀಮ್ ಗರೋಡಿ ಕಂಕನಾಡಿ ವತಿರ್ದ್ ಪೊಸ ಮೇಯರ್ ಆಯಿನ ಪ್ರೇಮಾನಂದ ಶೆಟ್ಟಿ ಮೆರೆಗ್ ತುಳುಲಿಪಿತ ಪುದರ್ ಪಲವೆ

ಕುಡ್ಲ :ಟೀಮ್ ಗರೋಡಿ ಕಂಕನಾಡಿ ಮೆಕ್ಲೆನ ವತಿರ್ದ್ ತುಳು ಲಿಪಿದ ಪ್ರಚಾರದ ಸಲುವಾದ್ ಕುಡ್ಲ ಮಹಾನಗರ ಪಾಲಿಕೆದ ನೂತನ ಮೇಯರ್ ಆಯಿನ ಪ್ರೇಮಾನಂದ ಶೆಟ್ಟಿ ಮೆರೆಗ್ ತುಳು ಬರವುದ ಪುದರ್ ಪಲವೆನ್ ಅರ್ಪಣೆ ಮಲ್ತೆರ್. ಈ ಪೊರ್ತುಡು ಟೀಮ್ ಗರೋಡಿ ಸಂಸ್ಥೆದ ಪ್ರಕಾಶ್ ಗರೋಡಿ, ನವೀನ್ ಗರೋಡಿ,ಕಾರ್ಪೊರೇಟ್‌ಲಾಯಿನ ಸಂದೀಪ್ ಗರೋಡಿ, ಶೈಲೇಶ್, ಶಕೀಲಾ ಕಾವ, ಕಿರಣ್ ಕುಮಾರ್ ಕೋಡಿಕಲ್, ವೇದಾವತಿ ಪಾಲ್ ಪಡೆದ್ ಇತ್ತೆರ್.

ಈ ಬಗ್ಗೆ ತೆರಿಪಾಯಿನ ಟೀಮ್ ಗರೋಡಿದ ಪ್ರಕಾಶ್ ಗರೋಡಿ ಮೇರ್ ತುಳು ಲಿಪಿದ ಪ್ರಚಾರಗ್ ಸಂಸ್ಥೆರ್ದ್ ಈ ಅಭಿಯಾನ ಮಲ್ದ, ಈ ಬಗ್ಗೆ ತುಳು ಲಿಪಿ ಜಾಗೃತಿಗಾದ್ ಕೆಲವು ಸಂಸ್ಥೆದ ಅಧಿಕಾರಿಲೆಗ್ ತುಳು ಬರವುದ ಪುದರ್ ಪಲವೆನ್ ಕೊರ್ತ , ಇಂಚಿನ ನನಾತ್ ತುಳು ಭಾಷೆ ಲಿಪಿತ ಅಭಿವೃದ್ಧಿಗ್ ಕಾರ್ಯಕ್ರಮಲೆನ್ ಸಂಸ್ಥೆದ ವತಿರ್ದ್ ನಡಪಾವ ಪಂದ್ ಪಂಡೆರ್.

ಪೊಸ ಮೇಯರ್ ಆದ್ ಪ್ರೇಮಾನಂದ ಶೆಟ್ಟಿ ಆಯ್ಕೆ

ಕುಡ್ಲ : ಪಾಲಿಕೆದ ಸದಸ್ಯೆರ್ ಮಾತಾ ಸೇರೊಂದು, ಸಂಸದೆರ್ ಅಂಚನೇ ಶಾಸಕರ ಮಾರ್ಗದರ್ಶನಡ್ ನಗರದ ಸಮಗ್ರ ಅಭಿವೃದ್ಧಿಗ್ ಆದ್ಯತೆ ಕೊರ್ಪುನು ಪಂದ್ ಪೊಸ ಮೇಯರ್ ಆದ್ ಆಯ್ಕೆಯಾಯಿನ ಪ್ರೇಮಾನಂದ ಶೆಟ್ಟಿ ಮೇರ್ ಮಾನದಿಗೆ ದೆತೊಂದು ಪಾತೆರಿಯೆರ್.

ಸ್ಮಾರ್ಟ್ ಸಿಟಿ ಯೋಜನೆ ಕಾಮಗಾರಿನ್ ಕಾಲಮಿತಿಡ್ ಪೂರ್ಣಮಲ್ಪುವ . ಚುನಾವಣಾ ಪ್ರಣಾಳಿಕೆಡ್ ಜನತೆಗ್ ಕೊರ್ತಿನ ಆಶ್ವಾಸನೆನ್ ಮಾತಾ ಈಡೇರಿಸಾವ ಪಂದ್ ಪಂಡೆರ್.

ಮಂಗಳಾದೇವಿ ವಾರ್ಡ್‌ರ್ದ್ ಆಯ್ಕೆಯಾತಿನ ಪ್ರೇಮಾನಂದ ಶೆಟ್ಟಿ, ಅಂಚನೇ ಸುಮಂಗಲಾ ರಾವ್‌ ಮೇರ್ ಕುಂಜತ್ತ್‌ಬೈಲ್‌ ದಕ್ಷಿಣ ವಾರ್ಡ್‌ರ್ದ್ ಆಯ್ಕೆಯಾತೆರ್.