ಪೊಸ ಆದಿನಾಥ

ಅಳದಂಗಡಿ ಆದಿನಾಥ ಸ್ವಾಮಿ ಬಸದಿಗ್ ಪೊಸ ಆದಿನಾಥ ಸ್ವಾಮಿ ಬೊಕ್ಕ ಪದ್ಮಾವತಿ ದೇವಿ ಮೂರ್ತಿ

ಬೊಲ್ತೆರ್, ಎಪ್ರಿಲ್ 10: ಬೆಳ್ತಂಗಡಿದ ಅಳದಂಗಡಿಡ್ ಅರಮನೆದ ಕೈತಲ್ ಉಪ್ಪುನ ಭಗವಾನ್ ಆದಿನಾಥ ಸ್ವಾಮಿ ಬಸದಿದ ನವೀಕರಣ ಆದ್ ಭಗವಾನ್ ಆದಿನಾಥ ಸ್ವಾಮಿ ಬೊಕ್ಕ ಪದ್ಮಾವತಿ ದೇವಿನ ಪೊಸ ಮೂರ್ತಿಲೆನ್ ಗುರುವಾರ ಕುತ್ತೂರು ರ್ದ್ ಅಳದಂಗಡಿ ಬಸದಿ ಮುಟ ಭವ್ಯ ಮೆರವಣಿಗೆಡ್ ಕಂತೆರ್.

ಅಳದಂಗಡಿ ಅರಮನೆದ ತಿಮ್ಮಣ್ಣರಸೆರಾಯಿನ ಡಾ. ಪದ್ಮಪ್ರಸಾದ ಅಜಿಲೆರ್ನ ಮುತಾಲಿಕೆಡ್ ಬಸದಿಡ್ ನಡತಿನ ಸರಳ ಲೇಸ್ ಡ್ ಊರ ಭಕ್ತೆರ್,ಗ್ರಾಮದ ಶ್ರಾವಕ , ಶ್ರಾವಕಿಯೆರ್ ಪಾಲ್ ಪಡೆದಿತ್ತೆರ್.2021 ನೇ ಮೇ 31 ರ್ದ್ ಜೂನ್ 4 ಮುಟ ಬಸದಿಡ್ ಪಂಚಕಲ್ಯಾಣ ಮಹೋತ್ಸವ ಬೊಕ್ಕ ನೂತನ ಬಿಂಬದ ಪ್ರತಿಷ್ಠಾ ಕಾರ್ಯಕ್ರಮ ನಡಪರೆ ಉಂಡು .

ಲೋಕೋಪಯೋಗಿ ಇಲಾಖೆದ ಕಾರ್ಯನಿರ್ವಾಹಕ ಇಂಜಿನಿಯರ್ ಶಿವಪ್ರಸಾದ್ ಅಜಿಲ, ಎ. ಮಿತ್ರಸೇನ ಜೈನ್ ಪಾಲ್ ಪಡೆದಿತ್ತೆರ್.